AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Bu, bizim müharibəmiz deyil“ - Starrmer


Tarix 02.04.26, 13:23	Font ölçüsü : - / +

ABŞ, İsrail və İran arasında gedən müharibənin davam etdiyi bir vaxtda qlobal gündəmdə əsas müzakirə mövzularından biri isə Hörmüz boğazının bağlanmasının iqtisadiyyata təsiridir.

Böyük Britaniyanın Baş naziri Kir Starmer və Avstraliyanın Baş naziri Entoni Albanese çıxışlarında enerji bazarlarında baş verən dalğalanmalara və mümkün risklərə xüsusi diqqət ayırıblar.

"Bu bizim müharibəmiz deyil”

Baş nazir Starmer Londonda yerləşən Baş nazirliyin iqamətgahında keçirdiyi mətbuat konfransında ABŞ və İsrailin İrana hücumları ilə başlayan, daha sonra isə Hörmüz boğazının bağlanması ilə dərinləşən prosesin nəticələrini dəyərləndirib.

O bildirib ki, müharibə artıq neft və ümumilikdə yanacaq qiymətlərində ciddi artıma səbəb olub:

"Bu fırtına nə qədər güclü olsa da, biz onu aşmaq üçün mövqeyimiz güclüdür. Bu prosesdən daha güclü və təhlükəsiz bir ölkə kimi çıxacağıq. Uzunmüddətli planlarımız mövcuddur”.

Starmer həmçinin vurğulayıb ki, ölkədə artan yaşayış xərclərinin azaldılması üçün ən effektiv yol Yaxın Şərqdə gərginliyin azaldılmasıdır.

Böyük Britaniyanın müharibədə tutacağı mövqe ilə bağlı suallara cavab verən baş nazir qeyd edib:

"İngiltərənin maraqlarına uyğun hərəkət edəcəyəm. Bu bizim müharibəmiz deyil. Eyni zamanda müdafiə, təhlükəsizlik və iqtisadi gələcəyimiz üçün Avropa ilə daha sıx əməkdaşlıq etməliyik”.

O, yaxın həftələrdə Avropa İttifaqı ilə yüksək səviyyəli sammitin keçiriləcəyini də açıqlayıb.

Avstraliyadan enerji xəbərdarlığı

Avstraliyanın Baş naziri Albanese isə müharibənin enerji təchizatına təsirləri ilə bağlı ciddi xəbərdarlıqlar edib. Onun sözlərinə görə, Hörmüz boğazı ətrafında baş verən hadisələr qlobal tədarük zəncirində problemlər yaradıb.

Baş nazir bildirib ki, ölkədə yanacaq təminatında çətinliklər müşahidə olunur və bu vəziyyətə qarşı vətəndaşlar da məsuliyyətli davranmalıdır:

"Yanacaq təchizat zəncirində problemlər yaşayırıq. İşə gedərkən qatar, avtobus və ya tramvaydan istifadə edin. Yanacaq sərfiyyatını minimuma endirmək milli vəzifədir”.

Mütəxəssislər hesab edir ki, Hörmüz boğazındakı gərginliyin azalmaması qlobal enerji bazarlarında qiymət artımını davam etdirə və bir çox ölkələrdə inflyasiya təzyiqini gücləndirə bilər.

Xəbərin oxunma sayı : 154