Musavat.com xarici agentliklərə istinadən xəbər verir ki, bu barədə o, “Livre Noir” kanalının efirində deyib.

“Biz ordu da daxil olmaqla, bütün vasitələrlə Tayvanı geri qaytaracağıq”,-deyə o bildirib.

Qeyd etmək lazımdır ki, Çinin müdafiə naziri Vey Fenqe də müstəqilliyini elan edəcəyi təqdirdə Tayvan uğrunda döyüşməyə hazır olduqlarını bəyan etmişdi.

Çinli nazir ölkəsinin mövqeyini bu ilin iyun ayının 10-da Sinqapurda keçirilən illik “Şanqri-La dialoqu” adlı təhlükəsizlik konfransında ABŞ-ın müdafiə naziri Lloyd Ostin ilə girdiyi polemikada da səsləndirilib.

Xatırladaq ki, dünən 22 Çin təyyarəsi Tayvanın hava hücumundan müdafiə zonasına daxil olub.

Bu barədə Tayvan Müdafiə Nazirliyinin mətbuat xidməti Twitter-də məlumat yayıb.

Müdafiə Nazirliyinin informasiyasına görə, Çinin 22 təyyarəsi içində 2 ədəd “Y-8 ASW” tipli sualtı qayıq əleyhinə təyyarə, 5 əd “JH-7” qırıcı-bombardmançı, 2 əd “H-6” reaktiv bombardmançı, 10 əd “J-16” zərbə qırıcısı, 1 əd “Y-8 EW” nəqliyyat təyyarəsi və 2 əd “KJ-500” radiolokasiya təyyarəsi yer alıb.