Qaynarinfo-nun məlumatına görə, yoxlama sanatoriyanın Naftalan şəhəri, Nizami küçəsi 7-də yerləşən "Kəpəz" Sağlamlıq Mərkəzində baş tutub. 

Yoxlama zamanı müəssisədə lisenziyadan kənar "fizioteropevt" və "klinik biokimyəvi" iş və fəaliyyət, sertifikatsız özəl tibbi praktiki fəaliyyət, ginekoloji fəaliyyətlə məşğul olma faktları aşkarlanıb. 

Həmçinin həkimlər sanatoriyada ginekoloji fəaliyyət göstərsə də, sertifikasiyadan keçməyiblər. Amma onlar sanatoriyada həkim-mamaginekoloq kimi rəsmi əmək haqqı alıblar. 

Eyni zamanda müəyyən olunub ki, sanatoriyada fizioterapevtik və klinik-biokimyəvi fəaliyyətlə məşğul olmaları üçün lisenziya alınmayıb. Buna baxmayaraq, sanatoriyada həmin fəaliyyətlə uzun müddətdir məşğul olublar. 

Sadalananlar pozuntu olduğu üçün sanatoriya rəsmi "Kəpəz" firması altında fəaliyyət göstərdiyi üçün sözügedən şirkət barəsində müvafiq inzibati xəta haqqında protokol tərtib edilərək baxılması üçün məhkəməyə göndərilib. 

Məhkəmənin qərarı ilə "Kəpəz Naftalan" sanatoriyasının rəhbəri İnzibati Xətalar Məcəlləsinin 215.1 və 215.4-cü maddələrində nəzərdə tutulmuş inzibati xətaları törətməkdə təqsirli bilinib və həmin Məcəllənin 215.1-ci maddəsinin sanksiyasına əsasən, 6000 manat məbləğində cərimə edilib.