AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Tariyel müəllimə zəng edib dedim ki, məndə hamamda çəkilmiş fotoları var“ - Məhkəmə


Tarix 26.11.22, 19:49	Font ölçüsü : - / +

Bakı Ağır Cinayətlər Məhkəməsində hakim Azər Paşayevin sədrliyi ilə keçmiş prokuror Tariyel Qurbanovu şantaj etməkdə ittiham olunan Ümman Əliyev, Natiq Nuriyev, Pərvin Yusifov, Ələkbər Nuriyev, İlqar Əliyev, Elnur Eldarov və Sahilə Məmmədovanın cinayət işi üzrə məhkəmə prosesi davam edir. Ötən prosesdə təqsirləndirilən Elnur Eldarov ifadə verib.

O bildirib ki, 2011-ci ildən yaşadığı Quba rayonunun Çiçi kəndində kafe işlədir və həmin kafeyə gələn bütün həmkəndlilləri ilə münasibətləri yaranıb. Onun sözlərinə görə, həmin kənddə yaşayan Ümman və İlqar qardaşlarını da uzun müddətdir tanıyır.

Təqsirləndirilən şəxs qeyd edib ki, eyni kənddə yaşayan Natiq Nuriyev də onun kafesinə 2021-ci ilin yaz-yay aylarında tez-tez gəlib: “Natiq kafedə əsasən pivə içkisi sifariş verirdi. 2021-ci ilin iyul ayında Natiqin kafeyə 86 manat borcu yaranmışdı. İyul ayında özümə məxsus tarktorun təmiri üçün “Accesbank”dan 4 min manat kredit götürdüm. Pulu götürməzdən əvvəl bankdan kafeyə baxışa gələndə Natiqin də xəbəri oldu. Bir neçə gündən sonra bankdan pulu götürəndə Natiq xahiş etdi ki, ona 200 manat borc verim. Natiqə 200 manat borc verdim. O da ən geci bir həfətəyə borcunu qaytarcağına söz verdi. Lakin bir həftədən sonra Natiqin telefonlarına zəng çatmadı. Onu təxminən 2 ay tapa bilmədim”.

Təqsirləndirilən şəxs qeyd edib ki, Ümmandan 8 min manat borc istəyib. Onun sözlərinə görə, Ümman da ona pul gəlməli olduğunu deyib və pul gələndə ona borc verəcəyini deyib.

Elnur Eldarov deyib ki, 2021-ci ilin dekabrın ortalarında Ümmanın təklifi ilə Bakı şəhərinə gəlib: “Həmin vaxt Ümmanın Zabrat qəsəbəsindəki kirayə götürdüyü evdə bir-iki gün yaşadım. Orada Natiq də olub. Ümman bir hamama fitəçi kimi işə dizəlməyimizi və “Atilla” hamamına müraciət etməyimizi təklif etdi. Razılaşdıq, həmin hamama gəldik. Hamamda fitəçi kimi işlədik, orada da yaşadıq”.

Elnur Eldarov bildirib ki, 2021-ci ilin dekabrın 18-də Natiq anasının vəziyyətinin pis olduğunu hamamın rəhbərliyinə bildirib və oradan gedib. Təqsirləndirilən şəxs qeyd edib ki, hamamdan oğurluq edib. Onun sözlərinə görə, hamamdan 1718 manat, markasını xatırlamadığı telefonu götürüb və sonra hamamı tərk edib: “Hamamdan oğurladığım pulu gündəlik təlabatlarımı ödəmək üçün xərclədim. Telefonu isə Xaçmaz rayonu ərazisində təxminən bir ay sonra tanımadığım şəxsə satdım”.

Elnur Eldarov ifadəsində Tariyel Qurbanovu tanımadığını, ondan hədə-qorxu yolu ilə pul tələb etmədiyini deyib. O bildirib ki, Ümman Əliyevin də ondan pul tələb etməsi və almasından xəbəri olmayıb. O, əməlindən peşman olduğunu söyləyib.

Digər təqsirləndirilən Ələkbər Nuriyev bildirib ki, əvvəllər Cinayət Məcəlləsinin 234-cü(narkotikdən istifadə) maddəsi ilə təqsirli bilinərək məhkum olunub. Hazırda ailəli olduğunu söyləyən təqsirləndirilən şəxs ona qarşı verilən ittihamla razılı deyil. O qeyd edib ki, kənddə iş olmadığı üçün Bakı şəhərinə gəliblər və paytaxtda nüxtəlif yerlərdə işləyiblər.

Ələkbər Nuriyev deyib ki, Ümmandan borc pul istəyib: “Ümman ona pul göndəriləcəyini, həmin puldan mənə verəcəyini bildirdi. Amma pulun kimdən gələcəyini bilmədim”.

Daha sonra təqsirləndirilən Sahilə Məmmədova ifadə verib. O bildirib ki, bacısı Lyudmila, oğlu Allahverdi və bacısının qeyri-rəsmi münasibətdə yaşadığı Natiq Nuriyev ilə birlikdə yaşayıb. Onun sözlərinə görə, 2022-ci ilin yanvarında Lyudmila Natiqlə birgə onun yaşadığı ünvana qonaq gəlib və onun təkidi ilə birgə yaşamağa başlayıblar: “Onlara bildirdim ki, Natiq də özünə iş tapar və birlikdə yaşamaq çətin olmaz. Lakin Natiq iş tapmaqda çətinlik çəkdi. Buna görə də maddi çəhətdən sıxıntılar yaşadıq. Natiq birgə yaşamağa başladığımız yanvar ayından gah gündəlik iş taparaq işləyib, gah da günlərlə işsiz qalıb. Birgə yaşadığımız vaxt təxminən fevral ayında Natiq mənə bildirdi ki, Tariyel adlı imkanlı şəxs var, əvvəllər Ümman və İlqar adlı şəxslər ona hədə-qorxu gəliblər, pul alıblar.

Natiqini deməsinə görə, həmin şəxsin Ümman və İlqar qardaşlarında hamamda çəkilmiş şəkil və videoları var. Bu şəkil və videoları yayacağı ilə hədələyərək həmin şəxsdən pul alıblar. Natiq təklif edirdi ki, həmin şəxsə zəng edək, yalandan şəkil və videolarının bizdə olmasını bildirərək, 3-5 min manat alaq”.

Sahilə Məmmədova qeyd edib ki, günlər keçidikcə işləri yaxşı getməyib, üstəlik , oğlu Allahverdi də xəstələndiyindən dərmanların alınması üçün 200-300 manat lazım olub: “Eyni zamanda, evin kirayə pulunu da artıq 3 ay olardı ki, verə bilmirdik. Bir tərəfdən də Natiq iş tapa bilmirdi, ciddi maddi sıxıntılar yarandı. Natiq hər gün israr edirdi ki, həmin imkanlı şəxsə zəng edib, ondan pul istəyək. Fevralın 25-də yenə də ev sahibi zəng etdi, kirayə pulunu istədi. Natiq həmin gün yenidən imkanlı şəxsə zəng edib, pul almağı təklif edən zaman onun bu təklifini qəbul etməyə qərar verdim. Razılaşandan sonra Natiq məni öyrətdi ki, həmin şəxsə zəng edib, Ümmanın sevgilisi olduğumu, ona aid şəkil və videoların məndə olduğunu bildirim, şəkilləri yaymamaq üçün pul istəyim. Evdə bacımın telefonunu aldım, Tariyel müəllimin votsap proqramına səs atdım. Həmin səs yazısında bu sözləri dedim: "Salam, Tariyel müəllim, mən Ümmanın sevgilisiyəm, Ümmanın sizin şəkil və videolarınızın olduğu telefonu məndədir, uşağıma görə mənə pul lazımdır, əgər mənə həmin pulu versəniz, həmin şəkil və video olan telefonu tualetə atacam". Lakin Tariyel müəllim həmin səsə qulaq asdıqdan sonra nömrəni “qara siyahıya” atdı. Onunla bir daha əlaqə saxlaya blimədim. Bacım həmin vaxt yatdığı üçün bu söhbətlərdən xəbəri olmayıb”.

Sahilə Məmmədova qeyd edib ki, fevral ayında Natiqdən onunla Ümmanın Tariyel adlı şəxslə danışmasını, Ümmanın ayağının sınması barədə yalan məlumat verib, müalicəsi üçün pul istədiklərini eşidib.

İttihama görə, dəstə üzvləri Tariyel Qurbanovun hamamda çəkilmiş fotolarını ona göndəriblər və pul verməsini tələb ediblər. Əks halda həmin fotoları sosial şəbəkələrdə yaymaqla hədələyiblər.

Qeyd edək ki, Tariyel Qurbanov Qaradağ və Hacıqabul rayonlarında prokuror olub. Daha sonra o, Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini olub.

Bu ilin mart ayında vəzifəsindən azad olunan Tariyel Qurbanov sonradan Abşeron rayon prokurorunun böyük köməkçisi təyin olunub.

Tariyel Qurbanov həmçinin Dini Qurumlarla İş üzrə Dövlət Komitəsinin sədri Mübariz Qurbanlının qardaşıdır.

Xəbərin oxunma sayı : 622