AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Aparıcı Nigar Fərhadın şirkəti vətəndaşın pulunu mənimsəyib - FOTOLAR


Tarix 30.06.26, 14:10	Font ölçüsü : - / +

Xaricdə təhsil xidmətləri göstərən “AİD Group” şirkəti tərəfindən aldadıldığını bildirən vətəndaş ona ağır maddi-mənəvi ziyan vurulduğunu, ödədiyi pulu geri ala bilmədiyini bildirib.

Bu barədə Tribuna.az-a yazan şikayətçi Elvin Bayramzadə bildirib ki, sözügedən şirkətə 2024-cü ildə xaricdə təhsil xidməti üçün müraciət edib və problemlər də bundan sonra başlayıb. O bildirib ki, Almaniya proqramı üçün şirkətlə razılaşıblar və E.Bayramzadə şirkətə ilkin olaraq 1500 AZN ödəniş edib:

“Bir müddət sonra şirkət bu proqramın alınmadığını bəhanə gətirərək məni Amerika proqramına yönləndirdi və məndən əlavə 1700 AZN aldılar. Beləliklə, şirkətə ümumilikdə 3200 AZN ödəniş etdim.

Şirkət nümayəndələri səfirlik prosesində heç bir problemin olmayacağına dair mənə qəti zəmanət versələr də, səfirlikdən rədd cavabı aldım. Bundan sonra isə şirkət müqavilədə nəzərdə tutulmayan əlavə 300 AZN ödəniş tələb etməyə başladı.

Səfirlikdən imtina aldığım eyni ərəfədə azyaşlı qızımın ağır xəstəliklərdən (Tuberoskleroz, Autizm və Epilepsiya) əziyyət çəkdiyini öyrəndim. Mən dərhal şirkətə getdim, yaranmış bu ağır və fors-major durumu, övladımın vəziyyətini onlara bildirdim və ödədiyim vəsaitin geri qaytarılmasını tələb etdim.

Mən hazırda kirayədə yaşayıram. Şirkətə ödədiyim bu 3200 AZN vəsaiti bankdan kredit vasitəsilə götürmüşəm və hər ay banka kredit faizi ödəyərək ciddi maddi itkiyə məruz qalıram. Bir tərəfdən kirayə və kredit öhdəlikləri, digər tərəfdən isə xəstə övladımın həyati vacib müalicə və dərman xərcləri ailəmi çox çətin duruma salıb.

Şirkət rəhbərliyi və şəxsən direktor Nigar xanım mənim bu ağır durumumdan və bu vəsaitin övladımın müalicəsi üçün nə dərəcədə kritik olmasından tam xəbərdardır. Buna baxmayaraq, 2025-ci ilin dekabr ayından bəri müxtəlif bəhanələrlə (“maliyyələşmə yoxdur” və s.) məni yola verir, ödənişimi geri qaytarmırlar. Direktor Nigar xanım görüşlərdən yayınır, rəhbərliklə görüş tələblərim nəticəsiz qalır”.

Şikayətçi şirkətə ödədiyi vəsaitin geri qaytarılmasını tələb edir:

“Sosial vəziyyətimi, hər ay ödədiyim bank kreditini və ən əsası azyaşlı övladımın səhhətini nəzərə alaraq, media qurumlarından bu məsələni ictimailəşdirmələrini, aidiyyəti dövlət orqanlarından isə “AİD Group” şirkəti tərəfindən mənimsənilmiş 3200 AZN vəsaitimin dərhal geri qaytarılmasının təmin edilməsini xahiş edirəm”.

Xatırladaq ki, “AİD Group” şirkətinin təsisçisi və rəhbəri tanınmış aparıcı Nigar Əliyevadır (Fərhad). Sözügedən şirkətlə bağlı mediada və sosial şəbəkələrdə dəfələrlə vətəndaş şikayətləri yer alıb.

Qarşı tərəfi dinləməyə hazırıq.