AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Azərbaycan çayı anbarlarda qalıb - Alıcı niyə yoxdur?


Tarix 03.12.21, 22:36	Font ölçüsü : - / +

2021-ci ilin yanvar-oktyabr aylarında Azərbaycan 51 milyon 622 min dollar məbləğində 11 min 877 ton çay idxal edib.

AzFakt.com Dövlət Gömrük Komitəsinə istinadən xəbər verir ki, ötən ilin 10 ayı ilə müqayisədə çay idxalı dəyər ifadəsində 5 milyon 365 min dollar (11,6%) , miqdar ifadəsində 496 ton (4,4%) artıb.

Qeyd edək ki, 2020-ci ilin yanvar-oktyabr dövründə Azərbaycana 46 milyon 257 min dollar dəyərində 11 min 381 ton çay idxal edilib.

Rəqəmlərdən göründüyü kimi, ölkəyə çay idxalı artıb.

Azərbaycanlıların ənənəvi içkisi çay hesab olunur. Elçilik rəmzinə çevrilən çay dost görüşlərinin də sevimli içkisidir. Azərbaycanlılar çaydan həm dərman, həm də gündəlik içki vasitəsi kimi istifadə edirlər. Xalqımızın bu ənənəyə sahib olması həm də özlərinin çay yetişdirmək qabiliyyətinə malik olmasına bağlıdır. Azərbaycan çayı özünəməxsus ətri, dadı ilə məşhurdur.

Ölkənin cənubunda becərilən çay isə xüsusilə seçilir. Statistikaya görə, Azərbaycanda çay istehsalının 91 faizi Lənkəran iqtisadi rayonunun payına düşür.

Azərbaycanda çay ənənəsi olduğu halda xaricdən idxal olunan çayın artımına səbəb nədir? Bəs məşhur Azərbaycan çayı haradadır?

İqtisadçı-ekspert Akif Nəsirli Cebhe.info-ya açıqlamasında bildirib ki, Azərbaycanın çay tələbatını ödəmək üçün potensialı böyükdür:

“Bunun üçün müəyyən işlər görülməlidir. İqtisadiyyatımızın ənənəvi problemləri var, həmin problemlər aradan qaldırılmalı və çay istehsalı stimullaşdırılmalıdır. Potensialımız olduğu halda nəyə görə biz çaydan ötrü bu qədər xaricə valyuta axıdaq?”

“Astaraçay” MMC-nin baş aqronomu İsrafil İsrafilov isə saytımıza bildirib ki, yerli çay anbarlarda qalıb:

“Əkib becərdiyimiz çaylar anbarlarda qalıb. Ancaq rayona çıxara bilirik, Bakıya da cüzi miqdarda gedir. Əsas problem çayın bazarlara çıxarılması və satılmasındadır. Satışını daha yaxşı təşkil edə bilmirlər, cüzi miqdarda satılır”.

Mütəxəssis hesab edir ki, yerli çay baha olduğu üçün ona maraq azalıb:

“Hazırda əhalinin maddi durumu da zəifdir, alıcılıq qabiliyyəti aşağı düşüb. Həmçinin, yerli çayın qiyməti də dünyada gedən bahalaşmaya görə 30-35 faiz bahalaşıb. Buna görə yerli çaya meyil azalıb. Xaricdən gələn çayların qiyməti ucuz olduğu üçün əhali məcbur olub onu alır. Öz təbii çaylarımızın satışı da onun hesabına zəifləyib”.(Cebhe.info)

Xəbərin oxunma sayı : 1045