“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

Next
Previous

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Azərbaycan Cənubi Qafqaz regionunda Litvanın çox önəmli tərəfdaşıdır

Tarix 22.05.22, 13:03

Font ölçüsü : - / +
bitmap-img6


Azərbaycan qüdrətli, güclü, sülhsevər bir ölkə kimi Cənubi Qafqazda, beynəlxalq aləmdə sülhə, əminamanlığa, təhlükəsizliyə mühüm töhvələr verir. Bunun nəticəsidir ki, dünya siyasətinin aparıcı qurumları, beynəlxalq təşkilatları Azərbaycanın yürütdüyü xarici siyasəti yüksək qiymətləndirir və dəstəkləyirlər. 

Müstəqil siyasət aparan ölkəmiz xarici siyasi əlaqələrini, iqtisadi, strateji, humanitar və digər sahələrdə müttəfiqlərini, əməkdaşlıq etdiyi ölkə və beynəlxalq təşkilatları özü seçir. Çünki, Möhtərəm Prezidentimizin təbirincə desək: “İqtisadiyyatı güclü olan ölkələr müstəqil siyasət yürüdə bilər!” Bu gün
Azərbaycan beynəlxalq aləmdə sözü ilə imzası bir olan, güclü iqtisadiyyata, Qüdrətli Orduya malik, yüzlərlə ölkəyə köməklik göstərən, yardımlar edən donor bir ölkədir. Azərbaycan öz təbii sərvətlərinin sahibi kimi enerji sahəsində əməkdaşlıq əlaqələrini dövlət maraqları və qarşılıqlı faydalılıq prinsipləri
əsasında reallaşdırır. Prezident İlham Əliyevin bildirdiyi kimi, Azərbaycan öz müstəqil siyasətinə sadiqdir: “Bu siyasət Azərbaycan xalqının milli maraqlarını hər şeydən üstün tutur. Azərbaycan heç bir xarici qüvvənin diktəsi ilə oturub-durmur, müstəqil siyasət aparır və sürətlə inkişaf edir, eyni zamanda,
sübut edir ki, bu gün müsəlman aləmində dinamik, müasir, öz milli-mənəvi dəyərlərinə sadiq, güclü bir dövlət vardır. Bu da bəzi xarici dairələrin stereotiplərinə, yaxud da ki yaratdıqları stereotiplərə sığmır”. Bölgədə və beynəlxalq səviyyədə əməkdaşlıq və təhlükəsizliyə mühüm töhfələr verən
Azərbaycan bu kontekstdə son dövrlərdə ölkəmizin iştirakı ilə gerçəkləşdirilən enerji layihələrinin də ən fəal və önəmli iştirakçısıdır. Məhz, bütün bunlara görə dünya siyəsətinin aparıcı qurumları, həmçinin mötəbər beynəlxalq təşkilatlar da Azərbaycanın mütərəqqi xarici siyasətini, regional təhlükəsizlik və qlobal inkişafa mühüm töhfə kimi qiymətləndirirlər. Azərbaycanın uğurlu xarici siyasət kursu sivilizasiyalararası dialoq və qlobal inteqrasiya baxımından da, xüsusi əhəmiyyət kəsb edir. Ölkəmiz həm də beynəlxalq dialoq və əməkdaşlıq məkanı kimi imic qazanmışdır. Müstəqil Azərbaycan həm də
illərdi ki, mühüm siyasi, iqtisadi, mədəni və humanitar xarakterli beynəlxalq tədbirlərə ev sahibliyi edir.

Bir çox nüfuzlu beynəlxalq tədbirlərin respublikamızda keçirilməsi Azərbaycanın beynəlxalq inteqrasiya prosesində uğurla iştirak etməsindən xəbər verir. Beləliklə, Azərbaycan özünün çoxşaxəli və mütərəqqi
siyasəti ilə xalqlararası əməkdaşlığın inkişafında və sivilizasiyalararası dialoqda mühüm rol oynayır. Möhtərəm Prezidentimiz İlham Əliyevin qeyd etdiyi kimi, hazırda Azərbaycan Cənubi Qafqaz regionunun siyasi, iqtisadi və humanitar mərkəzinə çevrilmişdir. Azərbaycan qlobal və regional
səviyyəli tədbirlərə ev sahibliyi edən, bütün dünyanın diqqət mərkəzində olan mühüm məsələlərin müzakirə olunduğu siyasi, iqtisadi və humanitar mərkəz kimi tanınmağa başlayıb. Keçmiş SSRİ-nin tərkibində müttəfiq respublika olanda da Azərbaycan başqa respublikalarla yanaşı, o cümlədən Litva ilə də iqtisadi və mədəni əlaqələr yaratmışdır. Sovetlər birliyi dağıldıqdan
sonra da bu münasibətlər daha da inkişaf etməyə başladı. Azərbaycan Respublikası Litva Respublikası ilə hər bir sahədə əməkdaşlıq apardığı kimi ATƏT çərçivəsində də əməkdaşlığı genişləndirmişdir. Azərbaycan Cənubi Qafqaz regionunda Litvanın çox önəmli tərəfdaşıdır. 2007-ci ildə
imzalanmış Strateji Tərəfdaşlıq üzrə Birgə Bəyanata uyğun olaraq ikitərəfli münasibətlərin daha da inkişafı hər iki ölkənin marağındadır. Azərbaycan  və Litva dövlətləri arasında iqtisadi əməkdaşlığın genişləndirilməsi üçün böyük potensial vardır. Təsadüfi deyil ki, mayın 18-də Litva Respublikasının
Prezidenti Gitanas Nauseda Azərbaycanda rəsmi səfərdə oldu və bir çox biznes nümayəndələrini də gələcək qarşılıqlı əməkdaşlıq üçün özü ilə gətirdi. Litva Avropa İttifaqı ilə Azərbaycan arasında daha fəal, daha sıx əməkdaşlığın tərəfdarıdır. Azərbaycan Avropa İttifaqının Şərq Tərəfdaşlığı platforması
kontekstində çox önəmli bir ölkə və etibarlı enerji tərəfdaşıdır. Litva Avropa İttifaqı ilə Azərbaycan arasında yeni saziş üzrə irəliləyişləri, mövcud əlaqələri dəstəklənməkdə davam edir. Rusiya - Ukrayna müharibəsi öz enerji resursları mənbələrini şaxələndirmək üçün sanki, Avropaya bir xəbərdarlıq idi.
Təbii ki, Avropa İttifaqı öz enerji resursları mənbələrinin şaxələndirilməsini və özünün enerji sahəsində Rusiyadan asılılığına son qoymaq niyyətindədir. Avropa İttifaqında enerji ixrac edən alternativ ölkələrlə, o cümlədən təbii qaz sahəsində Azərbaycanla əməkdaşlığın gücləndirilməsinə böyük maraq var.

Azərbaycan enerji sektorunda Avropa İttifaqının səmərəli əməkdaşı və etibarlı tərəfdaşıdır. Azərbaycanın hədəflərindən biri də ümumi enerji sahəsində bərpaolunan enerji mənbələrinin həcmini artırmaqdır. Litva Respublikası bərpaolunan enerji sektorunda, xüsusilə günəş enerjisi sahəsində güclü mövqeyə malik bir ölkədir. Litva şirkətləri yüksək keyfiyyətə və davamlılığa malik günəş enerjisi modullarına malik olduğundan Litva həm də Azərbaycana çox sayda fərqli qida məhsulları təqdim edə bilər, hansının ki, əsas ixrac bazarı Avropa İttifaqıdır. Bu həmin bazardır ki, burada yüksək səviyyəli, keyfiyyətli qida tələb olunur. Hər iki ölkə arasında nəqliyyat və logistika sahəsində əməkdaşlıq da böyük potensiala malikdir.

Belə ki, Litva yaxşı inkişaf etmiş avtomobil yolu, dəmir yolu, dəniz limanları infrastrukturu və xidmətlərinə malikdir. Litva Avropa bazarına sərfəli logistik çıxış imkanına malik bir dost ölkə kimi həm də, Avropa-Qafqaz-Asiya nəqliyyat dəhlizinin potensialını araşdırmaqda çox maraqlıdır. Litva nümayəndə heyətinin tərkibində təhsil sahəsi üzrə mütəxəsislərin də Azərbaycana gəlməsi bu sahədə də əməkdaşlığı gücləndirmək məqsədi daşıyır. Burada da əsas məqsəd Azərbaycan universitetləri ilə birgə ikili diplom - təhsil proqramlarının qurulmasıdır. Təbii ki, əldə edilən nailiyyətlərin əsasında ancaq və ancaq düşünülmüş məqsədyönlü siyasət dayanır. Prezident İlham Əliyevin qeyd etdiyi kimi: “Düşünülmüş siyasət olan yerdə inkişaf da var. Azərbaycanda düşünülmüş siyasət aparılır. Məhz, buna görə biz bütün bölgədə, dünyada yaşanan böhranlı şəraitdən, sınaqdan şərəfli çıxırıq. Həmişə demişəm, Azərbaycan sabitlik, təhlükəsizlik məkanıdır. Azərbaycan vətəndaşı təhlükəsizlik şəraitində yaşayır və yaşamalıdır, sabitlik şəraitində
yaşayır və yaşamalıdır. Ancaq ölkə bu təqdirdə inkişaf edə bilər. Harada ki, təhlükəsizlik, sabitlik pozulur, orada ölkə dağılır, iqtisadiyyat çökür, sosial problemlər yaşanır və başqa xoşagəlməz hallar üzə çıxır”.

Əlbəttə ki, Möhtərəm Prezidentimiz İlham Əliyevin Müstəqil Azərbaycanımızın xoş, firavan gələcəyinə xidmət edən uzaqgörən siyasəti, müasir Azərbaycanın güclənməsinə, ölkəmizin beynəlxalq aləmdə mövqeyinin daha da möhkəmlənməsinə və nüfuzunun artmasına xidmət edir. İnanırıq ki, Dövlət Başçımızın məqsədyönlü siyasi-diplomatik fəaliyyəti Azərbaycanımızın siyasi-iqtisadi müstəqilliyini daha da möhkəmləndirəcəkdir ki, bu da, yaxın gələcəkdə ölkəmizin yeni-yeni naliyyətlərə, uğurlara, qələbələrə imza atmasına rəvac verəcəkdir!

Emin Ağayev



Xəbərin oxunma sayı : 532




Sosial

Xəbərlər

TOP 10

ARXİV
Əlaqə | Haqqımızda  
Buy website traffic cheap