Belə ki, kişinin birinci xanımı şəxsiyyət vəsiqəsini dəyişmək üçün ASAN xidmətə müraciət edib. Orada həyat yoldaşının qanuni olaraq 2-ci dəfə evləndiyini eşidib. Araşdırma zamanı nikah haqqında şəhadətnamə verən qurumun qeydiyyat şöbəsi qadına bildirib ki, "o vaxt elektron qeydiyyat olmayıb və buna görə həyat yoldaşınızla olan nikahınız, yəni birinci "ZAQS"ı elektron sistemdə görünməyib".

İndi həmin qadın problemlə üzləşib. Qadın şəxsiyyət vəsiqəsini dəyişə bilmir.

Bəs, bu məsələ qanunla necə tənzimlənir?

Hüquq müdafiəçisi Əkrəm Həsənov Qaynarinfo-ya açıqlamasında bildirib ki, qadının həyat yoldaşının ikinci evliliyi etibarsız sayılır: "Azərbaycan qanunvericiliyinə görə, bir şəxsin yalnız bir rəsmi evliliyi ola bilər. İkinci nigah etibarsızdır. Yəni qanunsuzdur. Əvvəllər elektron sistem yox idi. SSRİ vaxtı nikah bağlananda pasporta möhür vurulurdu. İndi belə bir şey yoxdur. Kişinin bağladığı ikinci nikahının heç bir hüququ qüvvəsi yoxdur. Belə desək, kişinin ikinci nikah bağladığı qadın qanun qarşısında onun arvadı deyil. Buna görə də qadın onun vərəsəsi ola bilməz".