AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Bu okean sürətlə duzluluğunu itirir: Alimlər həyəcan təbili çalır


Tarix 23.02.26, 15:11	Font ölçüsü : - / +

Qərbi Avstraliya sahilləri yaxınlığında Hind okeanının cənub hissəsində duzluluq səviyyəsinin misli görünməmiş azalması qeydə alınıb. Tədqiqatçılar xəbərdarlıq edirlər: proses görünməmiş sürətlə baş verir və qlobal okean sirkulyasiyası, eləcə də planetin iqlimi üçün ciddi nəticələrə səbəb ola bilər...

Müvafiq araşdırma Nature Climate Change” jurnalında dərc olunub. Alimlər son 60 ildə baş verən dəyişiklikləri təhlil edərək müəyyən ediblər ki, regionda duzluluq təxminən 30% azalıb.

Səbəb yağışlar deyil, küləklərin dəyişməsidir

Tədqiqatın aparıcı müəllifi, alim Hensin Çenin sözlərinə görə, suyun şirinləşməsi yağıntıların artması ilə deyil, iqlim istiləşməsi səbəbindən qlobal külək rejimlərinin dəyişməsi ilə bağlıdır. Küləklər Hind-Sakit okean regionundan daha çox şirin suyu Hind okeanının cənub hissəsinə daşıyır və bununla da onun kimyəvi balansını dəyişir.

Tədqiqatçılar dəyişikliklərin miqyasını hər il Taho gölünün həcminin 60%-nə bərabər əlavə şirin su axını ilə müqayisə edirlər. Müəlliflərin hesablamalarına görə, bu qədər su ABŞ əhalisini 380 ildən çox müddət ərzində içməli su ilə təmin etməyə kifayət edərdi.

Niyə duzluluq vacibdir?

Duzluluq birbaşa dəniz suyunun sıxlığına, deməli, okean axınlarının hərəkətinə təsir edir. Daha az duzlu su yüngül olur və səthə yaxın qalır, bu isə okeanın qatlarının şaquli qarışmasını pozur.

Bu proses dərinliklərdən qida maddələrinin səthə daşınması üçün həyati əhəmiyyət daşıyır, çünki onlar dəniz ekosistemlərini dəstəkləyir. Dəyişikliklər planktona və dəniz otlarına – okeandakı qida zəncirinin əsasına – təsir göstərə bilər.

Mümkün qlobal nəticələr

Hind okeanının cənub hissəsi okeanlar və materiklər arasında istiliyin paylanmasını tənzimləyən qlobal termohalin sirkulyasiyada əsas rol oynayır. Duzluluğun daha da azalması bu prosesləri zəiflədə bilər.

Alimlər dəyişikliklərin digər okean hövzələrində, o cümlədən Atlantik okeanında da hiss oluna biləcəyini istisna etmirlər. Bu isə Avropa və Şimali Amerikanın iqliminə təsir göstərə bilər.

Tədqiqatçılar vurğulayırlar ki, okeanlar bir-biri ilə əlaqəlidir, buna görə də hətta regional dəyişikliklər belə planet miqyasında nəticələr doğura bilər.

Xəbərin oxunma sayı : 130