AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Azərbaycanın Avropa enerji bazarındakı strateji mövqeyi daha da möhkəmlənəcək


Tarix 17.02.26, 7:00	Font ölçüsü : - / +

Belqradda Azərbaycan və Serbiya liderlərinin mətbuata birgə bəyanatları iki ölkə arasında münasibətlərin strateji tərəfdaşlıq əsasında inkişaf etdiyini bir daha nümayiş etdirib.

Prezident İlham Əliyev və Prezident Aleksandar Vuçiç tərəfindən səsləndirilən mesajlar göstərir ki, Azərbaycan-Serbiya tərəfdaşlığı klassik ikitərəfli münasibətlər modelindən çıxaraq regional enerji təhlükəsizliyi, investisiya əməkdaşlığı və geoiqtisadi inteqrasiya platformasına çevrilir. Son beş ildə Azərbaycan ilə Serbiya arasında xarici ticarət dövriyyəsinin 15 dəfə artaraq 2025-ci ilin yekununda 135 milyon ABŞ dollarına çatması, eləcə də formalaşmış yüksək siyasi etimad səviyyəsi iqtisadi və texnoloji əməkdaşlığın dərinləşdirilməsi üçün möhkəm institusional baza yaradıb. Bu dinamik inkişafın məntiqi davamı olaraq, 2025-ci ildə Serbiyadan idxal 55 faiz artıb, eyni zamanda bu ölkədən Azərbaycanın qeyri-neft sektoruna yönəldilmiş birbaşa investisiyaların həcmi indiyədək təxminən 10 milyon ABŞ dollarına çatıb. Ümumilikdə, liderlər səviyyəsində aparılan müzakirələr təsdiqləyir ki, tərəflər yalnız mövcud layihələrin icrası ilə kifayətlənmir, eyni zamanda uzunmüddətli inkişaf trayektoriyasını müəyyən edən birgə yol xəritəsi formalaşdırır. Bu yanaşma tərəfdaşlığı strateji kapital kimi möhkəmləndirir.

Ölkə liderlərinin bəyanatlarında xüsusi vurğulanan istiqamətlərdən biri energetika sahəsidir. Təbii qaz ixracı, elektrik enerjisi istehsalı və yeni generasiya güclərinin yaradılması üzrə razılaşmalar göstərir ki, əməkdaşlıq artıq resurs tədarükü mərhələsini keçərək birgə istehsal və infrastruktur quruculuğu mərhələsinə daxil olur.Azərbaycan-Serbiya energetika əməkdaşlığının genişlənməsi enerji ixracının artırılması, təmiz elektrik istehsalının təşviqi və bərpaolunan mənbələr hesabına generasiya güclərinin yüksəldilməsi ilə xarakterizə olunur. 2029-cu ilə qədər 500 meqavatlıq enerji istehsalı gücünə malik qazla işləyən elektrik enerjisi stansiyasının açılması buna bariz nümunədir. Planlaşdırılan qazla işləyən elektrik stansiyasının inşası enerji təminatı olmaqla yanaşı, texnologiya transferi, sənaye kooperasiyası və investisiya axınlarının dərinləşməsi baxımından strateji əhəmiyyət daşıyır. Eyni zamanda, hazırda 2 giqavat olan ixrac potensialımızın 2032-ci ilə qədər əlavə 8 giqavat enerji gücü ilə artırılması və transmissiya infrastrukturunun inkişafı Azərbaycanın Avropa enerji bazarındakı strateji mövqeyini daha da möhkəmləndirəcək.

Belqrad və Bakı arasında “Air Serbia” vasitəsilə həyata keçiriləcək birbaşa reysin açılması isə turizm axınlarının artırılması və logistik bağlantıların genişlənməsi, humanitar və xidmət sektorunda yeni artım nöqtələri yaratma potensialına malikdir. Bu proses iqtisadi diplomatiyanın “yumşaq güc” komponentini gücləndirərək xalqlar arasında sosial-mədəni yaxınlaşmanı da sürətləndirir.

Mövcud dinamika Azərbaycan-Serbiya münasibətlərinin Balkanlar ilə Cənubi Qafqaz arasında əməkdaşlığın klassik diplomatik çərçivəsini aşaraq çoxölçülü və institusional əsaslara söykənən strateji tərəfdaşlıq arxitekturasına transformasiya olunduğunu göstərir. Enerji, investisiya, sənaye, nəqliyyat və texnologiya sahələrində formalaşan sinerji yaxın illərdə tərəflərin regional təsir imkanlarını daha da artıracaq. Bu baxımdan, Belqrad görüşü gələcək onilliklər üçün formalaşan yeni əməkdaşlıq fəlsəfəsinin siyasi manifesti kimi qiymətləndirilə bilər.

Rəfail Babayev

Xəbərin oxunma sayı : 178