Bu barədə “Azad İran”nın “YouTube” kanalında yerləşdirilən süjetdə qeyd edilir.

Belə ki, təqribən bir dəqiqəlik süjetdə proqrama ekspert qismində dəvət olunmuş şəxs Laçın yolunda baş verən son hadisələrdən danışarkən Laçının Ermənistana məxsus olduğunu iddia edir. Aparıcının yumşaq etirazına və Üçtərəfli Bəyanata istinadla Laçının Azərbaycan torpağı olduğunu söyləməsinə baxmayaraq, qonaq nəinki öz səhvini anlamır, hətta bir qədər də irəli gedərək Bakının da mifik Böyük Ermənistana aid olduğunu vurğulayır.

Bu məsələ mediada və sosial şəbəkələrdə elə geniş etirazlara və kəskin tənqidlərə səbəb oldu ki, “Səhər” kanalı mövzu ilə bağlı dalbadal üç süjet yaydı və tənqidçiləri kanala qarşı insafsızlıqda günahlandırdı. 

Kanal buna əsaslanır ki, proqramda televiziyanı qonaq yox, aparıcı təmsil edir, ona görə də Laçın barədə deyilən fikirləri “Səhər”in və onun məxsus olduğu İran dövlətinin mövqeyi kimi dəyərləndirmək düzgün deyil. Əlbəttə, kanal rəhbərliyinin narahatlığı anlaşılandır, çünki yaxşı bilir ki, hətta Azərbaycandakı ən qatı iranpərəst tamaşaçısı belə, Laçının Ermənistana məxsusluğu iddiasını qəbul etməz və bu fikri hiddətlə qarşılayar. Yəni kanalın canfəşanlığı heç də Azərbaycanın ərazi bütövlüyünə hörmətindən deyil, auditoriyasının mənfi reaksiyasına tuş gəlmək və etimadını itirmək qorxusundan, eləcə də İran hakimiyyətini qınaqlardan yayındırmaq niyyətindən qaynaqlanır.

Daha ətraflı videoda: