AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Gəncədə davam edir 37 – Nizami 37-ci dairədə daha kəskin, daha ciddi...


Tarix 12.02.20, 18:09	Font ölçüsü : - / +

Növbədənkənar parlament seçkilərinin keçiriləcəyi bəlli olanda, ölkədə elə ab-hava yaranmışdı ki, insanlar ədalətin təntənəsinə güvənərək, kütləvi şəkildə deputatlığa namizədliyini irəli sürürdülər. İnsafən, səsvermə gününə qədər bir çox şeylər normal gedirdi, təbii ki, hər şey yox.

Bakı şəhərində yerli-xarici müşahidəçilərin və jurnalistlərin çoxluğunu nəzərə alaraq səsvermənin gedişini bölgələrimizdə izləməyə qərar verdik. Müşahidə apardığımız seçki dairələrindən biri də 37 saylı Nizami birinci (Gəncə) seçki dairəsi oldu. Səsvermə başlayana yaxın – saat 07:30-dan artıq seçkini izləməyin çətin olacağını anladıq.

07:30-da ilk “siqnal” gəldi – digər müşahidəçilər bizi məntəqədə görmək istəmirlər. Məntəqə sədri nəyə görə gəldiyimizi sorğulayır… “Mafiya oyunu”, yox, səsvermə başlayır və bir neçə dəqiqə sonra qrupuza daxil edilmiş müşahidəçilər və jurnalistlərdən aramsız zənglər gəlir ki, məntəqələrdə onlar haqqında akt yazılır və polislə təhdid olunurlar.

Deməli, belə. Tapşırıqla müşahidəçi olanlar səsverməni izləməkdən daha çox, digər müşahidəçiləri və jurnalistləri güdürdülər. Onlara mane olacaqlarını müəyyən edən kimi bizim qrupun müşahidəçiləri haqqında akt tərtib edib, “vururdular”. Sırf bu üzdən çox sayda müstəqil müşahidəçilər və jurnalistlər bir neçə saatlarını polis bölmələrində keçirməli oldular. Belə desək, saxtakarlığa münbit şəraiti məhz həmin “müşahidəçilər” yaradırdılar.

Bizim müşahidəçi və jurnalistləri sözün həm həqiqi, həm də məcazi mənasında qanlı-qadalı 37-nin müasir qurbanları idilər. Bilirsiniz, 37-də kimin səsi çıxırdı, kim haqq, ədalət deyirdi, gedər-gəlməzə göndərilirdi. Bu proses seçki başlayandan, ta bitənə qədər davam edirdi. Seçki bitənə yaxın isə Gəncə şəhər, Nizami rayon Polis İdarəsi müşahidəçi və jurnalistlərlə dolub daşırdı.

“4-cü adam”

37-ci dairədə “karusel əməliyyaı” o qədər açıq-aşkar idi ki, bunu anlamaq üçün xüsusi təcrübəyə ehtiyac qalmırdı. Təsəvvür edin, onlarla adam gəlirdi və çəkinmədən bildirirdilər ki, bizə deyiblər, 4-cü sıradakına səs verin. Səsvermə davam edən zaman “quşlar” xəbər gətirdi ki, “karusel”lə gələnlərin parolu “məllim”dir. İçəri girib, şəxsiyyət vəsiqələrini təqdim edib, “məllim” deyirlər.

Bunu yoxladıq və düz olduğunu başa düşdük. Hə, həmin “4-cü” isə YAP-ın namizədi Pərvin Kərimzadə idi. Demək olar ki, hər məntəqədə Pərvin Kərimzadənin 10-dan çox adamı var idi. Prosesi də istədikləri kimi idarə edirdilər. Şahidi olduğumuz bir məsələni də sizinlə paylaşım. Dövlət qulluğunda işləyən bir qadın gəldi səs verdi, sonra məntəqə sədrinə dedi ki, bəs mən necə sübut edəcəm kimə səs verdiyimi?

Məntəqə sədri gözlərini döyməyə başladı. Çünki müşahidəçilərin və jurnalistlərin qarşısında bu narahat suala cavab verməli idi. Sonra qadın dedi ki, bizə tapşırıblar, kimə səs verdiyinizi sübut etməlisiniz. “Xanım, kimə səs verməli idiniz?” sualına isə gözlədiyimiz kimi, “Pərvin Kərmizdəyə” cavabını aldıq. Yəni, Pərvin Kərmizdənin deputat “seçdirilməsi” üçün hər şey edilmişdi.

Ürək tutmaları

İzlədiyimiz məsələlərdən biri də, səsvermənin başa çatmasına 3-4 dəqiqə qalmış müşahidəçilərdən, məntəqə üzvlərindən kiminsə ürəyinin tutması oldu. Hətta bir neçə məntəqəyə təcili tibbi yardım da çağırıldı. Çağırışların siyahısına baxsınlar, hər şeyin necə dəqiq yazıldığını biləcəklər.

Biz Şərqliyik axı. Kiməsə nəsə olanda hamı onun başına yığışır, yardım etməyə çalışır və bu zaman qarışıqlıq yaranır. Bu arada fürsətdən istifadə edənlər topa-topa bületenləri qutulara əndərirdilər. Təbii ki, Pərvin Kərmizdənin xeyrinə…

Say artımı

Məntəqələrdə olan müşahidəçilər səsverməyə gələn seçicilərin sayını dəqiqliklə qeyd edirdilər. Məsələ ondadır ki, 37-ci dairədə heç bir məntəqəyə 300-dən çox seçici gəlmədiyi halda, sonda məntəqə sədri 600-dan çox seçicinin səsvermədə içtirak etdiyini açıqlayırdı.

Müşahidəçilərin etirazına isə məhəl qoyan olmurdu. Çünki etiraz edənləri polis bölməsi gözləyirdi. 37-ci dairənin heç bir məntəqəsində 2 saatdan bir açıqlanası seçici sayı bir dəfə də elan edilmədi. Etirazlar isə cavabsız qalırdı. 37-ci dairənin hər məntəqəsində seçki qutusu stolun üstünə elə çırpılrdı ki, bülletenlərin hərəsi bir bir küncə uçurdu.

Elə biləcəksiniz ki, bu, əsəbdən, işin gərginliyində belə edilirdi? Yox! O bülletenlər yerə tökülməsə idi stolun altında gizlədilmiş bülletenləri necə qutudan çıxanların gözünə qatmaq olardı? Sonra məlum oldu ki, bu “seçki texnologiyası”ndan bütün seçki dairələrində istifadə olunub. Hazır bülletenlər o qədər asan seçilirdi ki…. Qutudan çıxanlar ən azı iki qatlanmış olurdu, şkafdan, yerdən götürülənlər isə səliqəli…

Protokol davası

Seçki bitir, səslər sayılır. Müşahidəçilər və jurnalistlər yekun protokolu istəyəndə isə konkret qırğın çıxır. 37-ci dairədə elə məntəqlər oldu ki, çox sayda müşahidəçinin hətta birinə də yekun protokol verilmədi. 37-ci dariənin 12 saylı mənəqəsində məntəqə sədri müşahidəçi və jurnalistə deyir, biz asta-asta yazırıq, bu iş səhərə ancaq bitər. Bir protokolu yazmaq bu qədər vaxt aparırmış…

Adama sual verərlər ki, əməlin düzdürsə, niyə qaçırsan? Məntəqə sədri dediyini edir, heç kimə protokol verilmir. 5 və 6-cı məntəqələrdə protokollar otaqda yazılıb, istəyən müşahidəçilərə verilir. Bu, cinayət deyilsə, nədir? Ümumiyyətlə, 37-ci dairədə sözün tam mənasında davam edirdi 37…

Daha bir maraqlı fakt. Seçkinin ertəsi günü şikayətə gedənlər Dairə Seçki Komissiyasında heç kimi tapmırlar… Səlahiyyətli şəxslərin hamısı Bakıdadır. Niyə, nə səbəbə, bəlli deyil. 37-ci dairədə bir nəfər cavan oğlan saxlayıblar, gələnə-gedənə “mən nəzarətçiyəm, heç kim yoxdur, gedin buradan”, deyir. Özünü təqim etməyən o uşağa yəqin ki, kimsə etdiyi tərbiyəsizliyin cəzasını verər.

37-ci dairədən deputat olan-olacaq Pərvin Kərimzadə bütün bunlardan sonra özü də bilir ki, millət vəkili seçilməyib, deputat təyin edilib.

Mənbə: Secki.net

Xəbərin oxunma sayı : 1003