AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Eldar Mahmudov çox dəhşətli adam idi...” - Əvəz Ələkbərov keçmiş nazir haqda elə faktlar açıqladı ki


Tarix 01.11.24, 16:28	Font ölçüsü : - / +

“Dedi ki, dövlət orqanlarında nə baş versə, mənə məlumat verin. Dedim, “şpion” deyiləm… Vəziyyət gərginləşdi, o, araq içirdi deyə daha aqressiv idi…”

“İstədilər, oğlumu tutsunlar, birtəhər xilas etdim”

“Hazırda iki kitab üzərində işləyirəm. Onun biri istefa mədəniyyəti haqqındadır və orada “nazir hansı hallarda istefa verməlidir” sualına cavab axtarmışam. Məsələn, nazir işinin öhdəsindən gəlmirsə, cənab Prezident ondan narazıdırsa və ya sağlamlığı imkan vermirsə, yenilikləri özündə təcəssüm etdirə bilmirsə, getməlidir. Düşünürəm, nazir üçün ən uzun iş müddəti 10 ildir...”

AzFakt.com xəbər verir ki, bunu keçmiş maliyyə naziri Əvəz Ələkbərov “Gününsəsi.info”-ya müsahibəsində deyib.

Keçmiş nazir vaxtı ilə müsahibələrinin birində dediyi “Prezidentlə aramıza girən adamlar olub” cümləsinə aydınlıq gətirib:

“Ad çəkərəm, qorxum da yoxdur, o adamı da özümə düşmən hesab edirəm. Bilirsiniz, padşah vaxtından bu yana qədər bütün dünyada siyasi oyunlar var. Bu oyunda da uduzanlar həmişə istəyirlər ki, kiməsə ziyan versinlər. Mən nazir gələn günündən bunu müşahidə edirdim.

–Kimlər ziyan vermək istəyirdi?

-Ümumi adlar deməyəcəm, amma mənimlə münasibəti kəskinləşdirəni və bizim aramıza girəni konkret deyəcəm. Bunu deyim ki, maliyyə naziri super bir vəzifədir…

– Əvəz müəllim, o adamın adını deyin…

-O adamın adı Eldar Mahmudovdur. O, dəhşətli adam idi. 3-4 gün qabaq yeni mülkləri də tapılıb. Ölkədə incitmədiyi adam qalmamışdı.

–Sizinlə niyə yola getmirdi, dərdi nə idi?

-Eldar Mahmudov hələ daxili işlər orqanlarında işləyərkən, məndə olan məlumata görə, düz dörd dəfə vəzifəsini ləğv ediblər. Keçmiş “obexeyis” deyirlər…O, nazir təyin olunanda mən inanmamışam. Təxminən bir-iki ay sonra ali rəhbərlikdəki şəxslərə dedim ki, bu təyinat problem yaradacaq.

– Sizlə problemi nə idi? Bunu danışın.

-Əslində, onunla aramızda qohumluq da var. Amma bu qohumluq əlaqəsi də onu maraqlandırmır. Eldar Mahmudovun gözü doymur, siyasəti də o idi ki, kiməsə ziyan vursun, kölə eləsin, pulunu alsın. Böyük qardaşım Sabir Ələkbərov rəhmətə gedib. Hərbi sənaye nazirinin birinci müavini olub. Sabirin qızı Konstitusiya Məhkəməsinin hakimi Fikrət Babayevin oğlunda ərdədir. Fikrətlə Eldar Mahmudovun da ataları bibiuşağıdır. O təyin edilən vaxt, iki həftəlik icazə alaraq, Bodrumda dincəlirdim. Gecə 3-4 radələrində zəng vurub dedilər ki, belə bir təyinat var. İnanmadım. İki oğlum, yoldaşım, bir də Abbas Allahverdiyev idi, onların yanında dedim ki, Eldar ölkəyə bəla olacaq, bizi də işləməyə qoymayaq. Bu söhbət olub onun təyinatı günündə.

–Sonra nə oldu bəs?

-Heç nə, gəldim Bakıya. Ağır dövrlər idi. İşə başladım və bunun bir-iki işçisi yanıma gəldilər. İndi o adamlar sağdır. Dedilər, çox xahiş edirik, Eldar Mahmudov istəyir ki, onu yanına gedib hədiyyə ilə təbrik edəsiniz. Dedim, mən niyə onun yanına gedirəm? Bu nə deməkdir? Mənim yanıma Fikrət Məmmədov, Namiq Abbasov, Ramil Usubov, Səfər Əbıyev, Baş Prokuror gəlirdi. Yəni, işimə görə, büdcəyə, dəstəyə görə gəlirdilər. Ancaq mən getmədim. Hökümət telefonu ilə zəng vurdum, o cür təbrik elədim. Sonra yenə yanıma gəldilər ki, nahaq elə etdiniz, sizi “qara siyahı”ya saldı. Mən bir neçə səbəbə görə getmədim onun yanına. Birincisi, düşündüm ki, getsəm, boynuma öhdəlik qoyacaq. Üstəlik, o, özünü hamıya göstərirdi, mən də stabil adamam, nəyə gedim? O öhdəlikləri də boynuma heç kim qoya bilməzdi. Orqanların gücündən, fəaliyyət istiqamətindən asılı olmayaraq Maliyyə Nazirliyi hər yeri yoxlaya bilər. Mən Milli Məclisi də, Prezident Aparatını da, Nazirlər Kabinetini də yoxlamışam, məruzə etmişəm. İndi gedib ona baş əyərdim? Əlaqələrimiz sonra da zəif idi. Bir gün bu cənab Prezidentə məktub yazdı ki, avadanlıq almaq üçün 16-20 milyon dollar civarında pul lazımdır. Məbləğ tam yadımda deyil. Cənab Prezident də məktubu mənə göndərdi, yoxladım. Eldar Mahmudova yenə hökümət telefonu ilə zəng vurub dedim ki, buna hazırda real imkan yoxdur. Amma bu il 4 milyonu dövlət büdcəsinin ehtiyat fondundan ayıra bilərəm, qalan hissəni də gələn il üçün nəzərdə tutarıq. O isə mənə çox sərt cavablar verdi, dedi, “maliyyə işini sizdən yaxşı bilirəm, üstəlik, siz dövlətçiliyə maneə olursunuz. Baxarıq, mən sizinlə danışaram”. Konkret olaraq belə, nazir nazirə bunu dedi.

– Faktiki hədələyib…

– Bəli, açıq şəkildə hədələdi. Bizim bir ümumi dostumuz da var idi. Maliyyə nazirinin birinci müavini İlqar Fətizadə. Onunla bir yerdə oxumuşdular, sözü olanda ona deyirdi, elə mən də də ona deyirdim ki, get, sakitləşdir. Çünki bu təşkilata başqa cür baxmaq olmaz. Bu, dövlətin ürəyi, xəzinəsidir, inkişaf strategiyasının bir nömrəli vasitəsidir, hər şey bu nazirlikdən asılıdır. Beynəlxaq təşkilatlar da Bakıya gələndə birinci mənim yanıma gəlirdilər…

–Əvəz müəllim, əvvələ qayıdaq, o proseslərin sonu necə oldu?

-Əvvəlcə onu xatırladım ki, Eldar Mahmudovu bir dəfə Vaşinqtona da öz qrupumda aparmışdım. Orada çıxış elədi, inanın, hamı güldü. Keçmiş Sovet sistemində sosialist əmlakın necə dağılmasına qarşı mübarizə stilində bir çıxış elədi. Hamı orada idi, hamı… Nazir müavinləri də, səfir də. Gülməyən qalmadı.

- Eldar Mahmudovdan sonradan zərbələr almadınızmı? Məsələn, uşaqlarınıza, qohumlarınıza qarşı nələrsə oldu?

-Qohumlarımıza filan zərbə olmadı. Demək, bizdə Nəzarət-Təftiş Departamenti var idi. İki nəfər işçimi zorla bir-iki günlük tutdu. Onlar məndən qorxurdu, heç vaxt qanunsuz iş görməzdilər. Əleyhimə ifadə almaq istədilər. Amma mən təmiz idim. Sonradan məlum oldu ki, o, cəza çəkən nazirlərə də deyib ki, Əvəz Ələkbərovdan nə deyə bilərsiniz?!”

Əbəz Ələkbərov daha sonra bildirib ki, Eldar Mahmudovun əməllərini müvafiq insanlar vasitəsi ilə ali rəhbərliyə çatdırmağa çalışıb:

“Dedim, bu insanları işləməyə qoymur, maneə olacaq. Onu da deyim ki, bir ay idi vəzifəyə gəlmişdi. Bir dəfə də münasibətləri qurmaq üçün birinci müavin vasitəsi ilə çörək yeməyə getdik. Oturduq, ətraflı söhbət elədik, amma söhbətinin əvvəli də, axırı da o idi ki, maliyyə dəstəyi vermək lazımdır, yoxsa çıxıb gedin. Üzünə dedim ki, sən kimsən? Hələ onu da dedi ki, dövlət orqanlarında nə baş versə, mənə məlumat verin. Dedim, “şpion” deyiləm. İkincisi də, mənim işim var. Əlavə olaraq da instansiyalar var. Harda nə baş versə, aidiyyatı üzrə bildirilir. Mən niyə sənə niyə hesabat verməliyəm? Vəziyyət gərginləşdi, bir az da şərab içmişdik. Amma o, araq içirdi deyə daha aqressiv idi”.

Keçmiş nazir daha sonra vəzifdən necə getdiyini açıqlayıb: “Bir dəfə yenə 5-6 nəfərin iştirakı və onun öz xahişi ilə görüşdük. Həmin görüşdə üç nazir var idi. Yaxşı axşam keçmişdi. Orada bir söhbət oldu. Mən danışdım ki, gəlin, biz məsuliyyətimizi cənab Prezidentə ötürməyək. Hamımız öz işimizi elə görək, qərarları elə verək ki, xalqımız cənab Prezidentimizin komandasına dəyər versin, insanlar narazı olmasın, məktub filan yazaraq şikayət etməsinlər. Bu isə getdi bu sözü nə cür dedi, necə dedi, bilmirəm. Sonra mən nazir vəzifəsindən kənarlaşdırıldım. Mən işdən çıxandan sonra “Gənclik”-də həyət evim var idi, xudmani bir ev tikmişdim. O, iki nəfəri 24 saat növbətçi qoymuşdu mənim üçün. Dedilər, telefonu da dinləyir. Amma mənim nə işim ola bilərdi? Məişət, iş məsələləri. Dövlətimizə qarşı olası deyildim ki. Dövlət bizə iş verib, çörək verib, ev verib, bu gün bizi zəfərli edib. Nəhayət, torpaqlarımızı qaytarmışıq. Amma bu, yəqin ki, kimlərlə görüşmək istədiyimi bilmək istəyirdi. Bunu da necə bildik? Bu iki nəfər o qədər bezib, heç nə tapa bilməyib ki, axırda mənim sürücümə deyiblər, bizi bura qoyublar, amma bu kişi təmiz adamdı, nə istəyirlər ondan?”

Keçmiş nazir deyib ki, Eldar Mahmudov onun oğlunu həbs etdirmək istəyib: “Oğlumun kiçik bir turizm firması var idi. O vaxt turizm də geniş deyildi. Cəmi dörd işçisi var idi. Turistlərin qarşılanması, yerləşdirməsi, gəzdirilməsi və sair xidməti göstərirdi. Bir mənzili kirayə götürmüşdü ofis üçün. Orada da buna ilişib ki, guya nə bilim, Rusiyanın hansısa şirkətini reklam edir. Hələ də məlum deyil heç… İstədilər, oğlumu tutsunlar. 3-4 günlük Lənkərana yolladım, özüm də gedəndə arxamca maşınlar gəldiyini gördüm. Bəzi adamlara müraciət elədim, effekti olmadı. Neyləyim, düşüb əlbəyaxa olaydım? Bəlkə elə silahlı idilər? Oğlumun qaynatasını da çox incitdi, özü də, heç nələrin üstündə. O şirkəti də satdıq axırda. Bizim ailə bir həftə yatmadı ona görə. Oğlumu birtəhər xilas etdim”.

Xəbərin oxunma sayı : 1039