AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Jurnalistkanın 2025-ci il itkiləri - SİYAHI


Tarix 21.12.25, 9:21	Font ölçüsü : - / +

Başa vurmağa hazılaşdığımız 2025-ci il Azərbaycan mediası üçün bir sıra itkilərlə yadda qaldı. Bu il xəbər lentlərində dünyadan köçən xeyli jurnalistin adı yazıldı. Bir çox redaksiyada kimlərinsə masası və stulu boşaldı, bir fincan çay soyudu, sahibi həmişəlik qayıtmadı. Amma onların özləri olmasa da, yazdıqları qalacaq… Arxivlərdə, köhnə qəzet səhifələrində, internetdə… Ən çox da yaxınlarının, dostlarının və həmkarlanının xatirəsində...

Modern.az saytı bu il dünyasını dəyişən sözün keşikçiləri - jurnalistləri sizə xatırladıb

Əməkdar jurnalist Yasin Qaraməmmədli fevralın 15-də vəfat edib. 86 yaşında gözlərini əbədi yuman Y.Qaraməmmədli 20 ildən artıq müddətdə AzTV-də və Dövlət Radiosunda tərcüməçi, şərhçi, böyük redaktor və baş redaktorun müavini vəzifələrində çalışıb.

Jurnalist və sənətşünas Ziyadxan Əliyev martın 16-da vəfat edib. Onun 76 yaşı var idi. Əməkdar incəsənət xadimi fəxri adına malik olan Z.Əliyev Azərbaycan təsviri sənətin müxtəlif sahələrinə aid çoxsaylı elmi və publisistik məqalələrin müəllifidir. Onun 100-dən çox elmi məqaləsi həm Azərbaycanda, həm də xarici dövlətlərin nüfuzlu jurnallarında dərc olunub.

Əməkdar jurnalist Valeh Məhərrəmli aprelin 2-də vəfat edib. 73 yaşında dünyasını dəyişən jurnalist 1991-ci ildən "Səs” qəzetində tərcüməçi, müxbir, məsul katib və baş redaktorun müavini işləyib.

Jurnalist, şair Pənah Rüstəm aprelin 22-də vəfat edib. 69 yaşında həyatla vidalaşan Pənah Rüstəm uzun müddət "Baku”/"Bakı” qəzetlərində çalışıb, "Media Press” informasiya agentliyinin rəhbəri olub.

Əməkdar jurnalist İlyas Adıgözəlli iyunun 4-də vəfat edib. İ.Adıgözəlli 1963-2007-ci illərdə Azərvaycan Dövlət Radiosu və Televiziyasında şöbə müdiri, baş redaktorun müavini, baş redaktor, şərhçi vəzifələrində çalışıb. Bakı Avrasiya Universiteti və Bakı Slavyan Universitetinin Jurnalistika fakültələrində dərs deyib. 87 yaşında vəfat edən İ.Adıgözəlli Əməkdar jurnalist Fikrət Adıgözəllinin atasıdır.

Jurnalist, yazıçı, tərcüməçi Ağaddin Babayev iyunun 21-də 69 yaşında vəfat edib. O, jurnalist kimi uzun illər "Lənkəran" qəzetində çalışıb, "Bakinski raboçi" qəzetinin, APA informasiya agentliyi və APA TV-nin bölgə müxbiri olub.

Avqustun 13-də jurnalist, şair və nasir Kəramət Şükürov vəfat edib. Onun meyiti küçədə aşkar olunub, vəfat səbəbi isə infarkt olub. Mərhum 1987-ci ildən "Yazıçı" və "Elm" nəşriyyatlarında çalışıb, Bir müddət "Novruz", "Oğuz eli" qəzetlərində əməkdaşlıq edib. "Nəfəs", "Yeni quruluş" qəzetlərinin baş redaktoru, "Məqam" qəzetinin şöbə müdiri olub. "Ulduz" jurnalı ilə əməkdaşlıq edib.

Jurnalist, şair, publisist Məmməd İsmayıl avqustun 19-da 85 yaşında vəfat edib. Onun da vəfat səbəbi ürək çatışmazlığı olub. M.İsmayıl 1966–1973-cü illərdə "Azərbaycan Dövlət Radio və Televiziya" komitəsində redaktor, böyük redaktor, şöbə müdiri, 1975–1976-cı illərdə "Ədəbiyyat və incəsənət" qəzetində müxbir, 1976–1980-ci illərdə "C. Cabbarlı adına Azərbaycanfilm" studiyasının Elmi-kütləvi sənədli filmlər birliyində baş redaktor, 1980–1983-cü illərdə "Yazıçı" nəşriyyatında şöbə müdiri və baş redaktorun müavini, 1983–1987-ci illərdə "İşıq" nəşriyyatının direktoru işləyib. 1988–1992-ci illərdə çıxan nüfuzlu "Gənclik" - "Молодость" jurnalının baş redaktoru olub. 1992–1993-cü illərdə "Azərbaycan Televiziya və Radio Verilişləri" şirkətinin sədri vəzifəsində çalışıb.

Jurnalist, siyasi şərhçi Rüstəm Qaraxanlı avqustun 27-də dünyasını dəyişib. 1978-ci təvəllüdlü R.Qaraxanlı "Oxu.az" saytının redaktoru işləyirdi.

Jurnalist və siyasi şərhçi Rasim Ağayev sentyabrın 14-də 85 yaşında dünyasını dəyişib. 1974-ci ildən jurnalist kimi fəaliyyətə başlamış R.Ağayev rusdilli "Azradio” yayım agentliyinin müxbiri, redaktoru, ictimai-siyasi redaksiya şöbəsinin müdiri, "Novosti Press” agentliyinin, "Trud” qəzetinin xüsusi müxbiri işləyib, müxtəlif illərdə "Mayak" radiosunda çalışıb. O, "Novosti Press” agentliyinin Azərbaycan üzrə departament rəhbəri, onun Liviya bürosunun rəhbəri kimi də fəaliyyət göstərib.

1988-1991-ci illərdə Azərbaycan Kommunist Partiyası Mərkəzi Komitəsinin birinci katibi Əbdürrəhman Vəzirovun mətbuat katibi işləyib.

Rasim Ağayev 1991-1992-ci illərdə isə Azərbaycan Respublikasının ilk Prezidenti Ayaz Mütəllibovun mətbuat katibi olub.

Hərbi jurnalist, tədqiqatçı Şəmistan Nəzərli sentyabrın 20-də 83 yaşında vəfat edib. O, uzun illər AzTV-nin Hərbi vətənpərvərlik redaksiyasında redaktor, şöbə müdiri, Azərbaycan Dövlət Ensiklopediyasında "Xatirə" redaksiyasının şöbə müdiri, AzTV-nin "Hərbi proqramlar və salnamə" baş redaksiyasının baş redaktoru işləyib.

Oktyabrın 12-də vəfat edən jurnalist və yazıçı Nizami Rəhmanlının 73 yaşı var idi. Nizami Rəhmanlı əmək fəaliyyətinə AzTV-də başlayıb, "Azərbaycan", "Respublika" və "Panorama" qəzetlərində çalışıb.

Uzun illər Azərbaycan Jurnalistlər Birliyinin sədr müavini vəzifəsini tutan Şahin Babayev noyabrın 11-də vəfat edib. O, 61 yaşında ürək tutmasından dünyasını dəyişib.

Jurnalist Emin İbrahimov noyabr ayının əvvəllərində Türkiyədə yol qəzasında həlak olub. Emin İbrahimovun 44 yaşı var idi. O, "Euronews” telekanalında fəaliyyət göstərirdi.

"Technote.az" saytının baş redaktoru Emil Nəcəfov noyabrın 7-də vəfat edib. Mərhumun 31 yaşı vardı.

Xəbərin oxunma sayı : 115