AzFakt

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Mərkəzi Kəşfiyyat İdarəsi terror hücumlarından necə xəbər tuta bilir? – ŞƏRH

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

Komissar Borrel “qırmızı xətt”i keçib - Azərbaycan-Aİ əlaqələri təhlükə altındadır


Tarix 24.01.24, 16:47	Font ölçüsü : - / +

Azərbaycan gənclərinə böyükləri “avropalaşmağı” da məsləhət görüb, vəsiyyət ediblər. Ancaq avropalıların qurduğu Avropa İttifaqı kimi nüfuzlu təşkilatın rəhbərlərinin çıxışlarını təhlil edəndə fərqli mənzərə yaranır. Bu qurumda baş verən korrupsiya və ədalətsiz mövqe təəssüf və təəccüb yaradır.

Son günlər isə Avropa İttifaqının rəhbərliyi faktları saxtalaşdırmağa, təhrif etməyə başlayıb. Bu, Avropa İttifaqının xarici əlaqələr və təhlükəsizlik siyasəti üzrə ali nümayəndəsi, Aİ Komissiyasının vitse-prezidenti Jozep Borrelin çıxışlarında özünü daha qabarıq göstərir. O iddia edir ki, guya Azərbaycan Ermənistana qarşı ərazi iddiaları ilə çıxış edib, guya Azərbaycan Ermənistan ərazisini “işğal edib” və s. Bu təhriflərlə Azərbaycana qarşı ittihamlar irəli sürüb.

Aİ-də Fransa hakimiyyəti hegemonluq edir. Borrelin də çıxışı daha çox rəsmi Parisin nümayəndəsinin çıxışını xatırladır.

Azərbaycan və Ermənistan rəsmiləri sülh, danışıqlarla bağlı məsələləri müzakirə etməklə bağlı açıqlamalar verdikləri bir şəraitdə Avropa İttifaqı rəsmisinin bu təhrif dolu çıxışı iki ölkə arasında normallaşma prosesinə zərbə vurur. Belə çıxışlar rəsmi Bakının İrəvana etimadına, etibarına xələl yetirir.

Aİ rəsmisinin çıxışındakı təhriflərin bəzilərinə münasibət bildirmək istərdik. Azərbaycan Ermənistana heç vaxt ərazi iddiası irəli sürməyib. Sadəcə, rəsmi Bakı tarixi faktları və Ermənistan adlı dövlətin son yüz ildə yaranması prosesinə, habelə bu ölkənin erməniləşməsinə, azərbaycanlıların (türklərin) bu ölkədən sıxışdırılıb çıxarılmasına dair tarixi faktları sadalayıb. Bundan başqa, həmin ərazilərin, doğrudan da, türklərə aid olduğunu təsdiqləyən yer adlarının süni olaraq erməniləşdirilməsinə münasibət bildirib, tarixi təhriflərin və ədalətsizliyin aradan qaldırılması istiqamətində fəaliyyət göstərir. Aİ-nin ali nümayəndəsinin faktları açıq-aşkar təhrif etməsi ilk hal deyil, bundan əvvəl Borrelin hətta ermənilərin özlərinin də “120 min” hesab etdiyi Qarabağ ermənilərinin sayını “150 min” kimi səsləndirməsi də mexaniki səhv deyildi.

Azərbaycanla Ermənistan arasında sərhəd müəyyənləşməyib. Digər tərəfdən, həmin bölgələrdən Azərbaycana qarşı daim təhrikedici hadisələr törədilir. Bunun qarşısının alınması, regiona köçürülən azərbaycanlı məcburi köçkünlərin təhlükəsizliyinin təmin edilməsi məqsədilə rəsmi Bakı həmin istiqamətdə sərhədçilərini saxlayır.

Ermənistan Azərbaycan torpaqlarını işğal altında saxladığı illərdə bölgədə torpaqlarına heç vaxt sərhəd nişanı qoymayıb. Bununla da iki dövlət arasında sərhədlərin qeyri-müəyyən olduğunu əməli ilə təsdiqləyib.

Jozep Borrel və Avropa İttifaqının ayrı-ayrı rəsmiləri heç vaxt 300 minə yaxın qərbi azərbaycanlının pozulmuş hüquqlarından bəhs etməyib, onların pozulan haqlarının bərpa edilməsi ilə bağlı rəsmi İrəvana etiraz bildirməyiblər.

Aİ rəsmisi Fransanın vəkili rolunda da özünü göstərib. Fransa diplomatlarının Azərbaycan ərazisində casusluğunu, dövlətin əleyhinə fəaliyyətini müdafiə edib, rəsmi Parislə həmrəyliyini bildirib.

Aİ rəsmisinin çıxışı yada Fransa Prezidenti Emmanuel Makronun və komandasının, habelə bu ölkə parlamentarilərinin anti-Azərbaycan, saxta çıxışlarını xatırladır. Sanki Borrel Yelisey sarayının Azərbaycan-Ermənistan münasibətləri ilə bağlı yazdıqlarını oxuyur. Elə Aİ də özünü Fransa kimi aparır. Çünki Avropa İttifaqı beynəlxalq aləmdə baş verən hadisələrdə mövqesiz haldadır. Britaniyanın İttifaqı tərk etməsi isə onun nüfuzunun göstəricisidir. Avropa İttifaqı yarandığı gündən indiyədək ABŞ-nin kölgəsində böyüyüb, özünü böyük görüb. İndi belə vəziyyətdə özünü güc mərkəzi hesab edir. Buna isə gücü çatmır. Odur ki, Borrelin timsalında səhvlərə, təhriflərə və saxtakarlıqlara yol verir.

Odur ki, Avropa İttifaqının rəsmisinin bu kimi çıxışları təşkilatın nüfuzuna zərbə vurur. O bu çıxışı ilə “qırmızı xətt”i keçib. Borrel Azərbaycan-Aİ əlaqələrinə çox böyük zərbə vurub. Təşkilata etimadı zədələyib. O və onun kimi fəaliyyət göstərənlər faktiki olaraq Azərbaycan-Ermənistan münasibətlərinin normallaşdırılmasında Aİ-nin rolunu, rəsmi Bakı ilə İrəvan arasında vasitəçiliyini heçə endirirlər. Atalarımız yaxşı deyiblər: “Kovxası gülüm olanın başına külüm olar”.

“Report”

Xəbərin oxunma sayı : 475