AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Lənkəranda 100 minlik tenderin qalıbləri kimlərdir? - Araşdırma


Tarix 19.09.19, 14:44	Font ölçüsü : - / +

Azərbaycanda yeni məktəblərin, elmi laboratoriyaların tikintisi və təmiri, təhsilin maddi-texniki bazasının möhkəmləndirilməsinə dövlət büdcəsindən ayrılan vəsaitlər ilbəil artmaqdadır.

Dövlətin maddi qayğısından hər il yararlanan təhsil müəssisələrindən biri də Lənkəran Tibb Kollecidir. Üç yüz əlliyə yaxın tələbənin təhsil adığı Kollecdə 43 müəllim çalışır. Dörd ixtisas üzrə fəaliyyət göstərən Lənkəran Tibb Kollecində təhsil müddəti 3 ildir.

Lənkəran Tibb Kolleci 2018-ci ildən indiyədək 13 lot üzrə məbləği 104.147 (yüz dörd min yüz qırx yeddi) manat olan kotirovkaların sifarişçisi olub.

İqbal Əmənullayev (Lənkəran Tibb Kollecinin direktoru)

Qlobal.az-ın araşdırma qrupu Lənkəran Tibb Kollecinin sifarişçisi olduğu qeyd olunan kotirovkalar üzərində araşdırma aparıb.

2 manatlıq MMC kollecdə təmir işləri aparıb

Kollecin 2018-ci ilin mart ayının 6-da "Abadlıq işləri" həmin ayın 11-də "cari təmir işləri" lotu üzrə sifarişçi olduğu kotirovka sorğusunun qalibi "Amin-TA" Məhdud Məsuliyyətli Cəmiyyəti (MMC) olub.

"Amin-TA" MMC 2015-ci ilin aprel ayının 14-də dövlət reyestrində qeydiyyata alınıb.

Nizamnamə kapitalı 2 manat olan şirkətin hüquqi ünvanı Lənkəran rayonu, Məmməd Əsədov ev 3/35, qanuni təmsilçisi isə 1965-ci il təvəllüdlü Qəribova Bahar Nəriman qızıdır.

"Amin-TA" MMC-nin nə əlaqə telefonu, nə də faktiki ünvanı barədə məlumat yoxdur. Həmçinin şirkətin maddi-texniki bazası və işçi qüvvəsi barədə də məlumatlara rast gəlinmir.

Qəribovlar ailəsi Lənkəran Tibb Kollecinin monopolistidir?

Lənkəran Tibb Kollecinin 2018-ci ilin mart ayının 30-da 4 lot üzrə sifarişçi olduğu kotirovkaların qalibi isə "Texmetal" MMC olub.

"Əsaslı təmir işləri", "Kommunikasiya işləri", "Abadlıq işləri" və "Cari təmir işləri" lotları üzrə sifariş olunan katirovkaların qalibi olan "Texmetal" MMC 2013-cü ilin fevral ayının 22-də dövlət reyestrində qeydiyyata alınıb.

Nizamnamə kapitalı 10 manat olan bu şirkətin hüquqi ünvanı Lənkəran rayonu, V.Məmmədov ev 6 A ünvanı, qanuni təmsilçisi isə Qəribov Mehman Ağababa oğludur.

Lənkəran Tibb Kollecinin kotirovkalarının qalibi olan "Texmetal" MMC-nin rəhbəri 1960 təvəllüdlü Qəribov Mehman "Amin-TA" MMC-nin rəhbəri Qəribova Bahar eyni ünvanda qeydiyyatdadırlar. Məlumatlara görə Bahar Qəribova Mehman Qəribovun həyat yoldaşıdır.

Qeyd edək ki, "Texmetal" MMC-nin də "Amin-TA" MMC kimi nə əlaqə telefonu, nə də faktiki ünvanı barədə məlumat yoxdur. Həmçinin şirkətin maddi-texniki bazası və işçi qüvvəsi barədə də məlumatlara rast gəlinmir.

Kollecin kotirovkalarının bu dəfəki qalibi fiziki şəxs Qəribovadır

Lənkəran Tibb Kollecinin kotirovkalarının 2019-cu ilin iyul ayının 10-da yekun vurduğu katirovkanın qalibi Qəribovlar ailəsinin rəhbərlik etdiyi MMC-lər yox, bu şirkətlərdən birinin rəhbəri olan Bahar Qəribovadır.

Lakin Bahar Qəribova bu dəfə şirkət sahibi kimi deyil, fiziki şəxs olaraq Lənkəran Tibb Kollecinin "Sair xərclər üzrə" üzrə sifarişçi olduğu kotirovkaların qalibi olub.

Vəfa Mütəllimova (Hesablama Palatasının İcmal Analitik şöbəsinin müdiri)

Qlobal.az Lənkəran Tibb Kollecinin 2018-ci ildən indiyədək sifarişçi olduğu kotirovkalarda hər hansısa qanunsuz halların olub-olmaması ilə bağlı Hesablama Palatasından münasibət öyrənib.

Hesablama Palatasının İcmal Analitik şöbəsinin müdiri Vəfa Mütəllimova Qlobal.az-ın ünvanladığı suala cavabında Hesablama Palatasının 2018-2019-cu illər ərzində Lənkəran Tibb Kollecində audit aparmadığını qeyd etdi.

Lənkəran Tibb Kollecindən məsələyə münasibət öyrənə bilmədik.

Adıçkilən müəssisə və şəxslər mövqe bildirə bilər.

Xəbərin oxunma sayı : 670