AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Lukaşenkonun azad etdiyi “qanuni oğru”… – “Quli”ni daha da gücləndirəcək


Tarix 29.09.19, 23:10	Font ölçüsü : - / +

Bir neçə gün öncə Belarus tarixində ilk dəfə “qanuni oğru” statusunu daşıyan məhbusun adı amnistiya siyahısına salınaraq, azadlığa buraxılıb. Belarus və Rusiya mətbuatında geniş müzakirə olunan bu hadisənin ümumilikdə MDB məkanındakı kriminal aləmə ciddi təsir edəcəyi güman olunur.

Belə ki, Belarus prezidenti Aleksandr Lukaşenkonun azad etdiyi Qela Kardava (Qalski) kriminal aləmdə kifayət qədər iri fiqurlardan sayılır. O, Gürcüstanın şimalında yaşayan meqrellərdən təşkil olunan iri kriminal qruplaşmanın lideridir. Həmçinin, Kardava vaxtilə MDB-nin baş “qanuni oğrusu” sayılan Ded Xasanın “sağ əli” sayılırdı və kriminal aləmin idarə olunmasında yaxından iştirak edirdi. Təkcə onu demək kifayətdir ki, Belarusdakı həbs müddətində bu ölkənin azadlıqda olan baş “qanuni oğrusu” Aleksandr Kuşnerov (Saşa Kuşner) məhbuslardan onu “göz bəbəyi kimi” qorumalarını və ona itaət etmələrini tələb edib.

Bununla yanaşı, Belarus həbsxanasında dəfələrlə saxta sənəddən istifadə etdiyinə görə aldığı 36 ay həbs cəzasının cəmi 20 ayını keçirən Kardavanın kifayət qədər ciddi düşmənləri də var. Bunlardan ən başlıcası Ded Xasanının varisi sayılan Zaxari Kalaşovun (Şakro Molodoy) yaxın adamı olan Badri Koquaşvili (Kutaisski) hesab olunur. Məsələ ondadır ki, Ded Xasanın varisi Kardava ilə Koquaşvilinin arasında seçim edərkən ikinciyə üstünlük verib. Hazırda Moskvadakı kriminal duruma nəzarət edənlərdən biri olan Badri Kutaisskinin isə Kardava ilə uzun illərdən bəri davam edən düşmənçiliyi mövcuddur. Beləliklə, həm Şakro, həm də onun sağ əli sayılan Badri meqrel “qanuni oğru”nun əsas düşmənləri sayılır.

Kardavanın digər düşməni isə sağ qalmağı bacarararq, SSRİ dövründən bu günlərə gəlib çıxan çox azsaylı nüfuzlu oğrulardan biri olan “Taro” ləqəbli Tariel Oniani ola bilər. Sadəcə ona görə ki, Kardava vaxtilə Taronun əsas düşməni olan Ded Xasanın yaxın adamı olub.

Ancaq bütün bu təhlükələrin qarşısında Kardavanın ümid bəslədiyi bircə yer var ki, o da Quli ləqəbli Nadir Səlifovun yanıdır. Rusiya mətbuatı yazır ki, meqrel kriminal qruplaşmasının lideri də məhz Quli ilə birləşməyə can atır. Onun azad edildikdən dərhal sonra Türkiyəyə, Qulinin yanına gedəcəyi gözlənilir. Bundan öncə isə onun rəhbərlik etdiyi kriminal qrupun üzvlərinin böyük hissəsi artıq Quliyə biət ediblər.

Məsələ ondadır ki, Kardavanın konfliktdə olduğu Badri Kutaisski Qulinin də əsas düşmənlərindən biridir və deyilənə görə, azərbaycanlı “qanuni oğru” onu mütləq cəzalandıracağına and içib. Onun cəza metodları isə MDB-nin kriminal aləmində hər kəsə məlumdur. Bu düşmənçiliyin səbəbi isə Badrinin Qulini oğru titulundan məhrum etmək cəhdidir. O, “qanuni oğruların” yığıncağını keçirərək, Səlifovu adından məhrum etməyə çalışıb. Hətta bunun üçün Avropa ölkələrini gəzərək, “qanuni oğruları” Quliyə qarşı qaldırmağa cəhd edib. Bunun sifarişinin isə Ded Xasanın varisi sayılan və 10 il iş alaraq, hazırda həbsdə yatan və getdikcə nüfuzunu itirən Şakro olduğu heç kimdə şübhə yaratmır.

Badri Kutaisskinin Quliyə qarşı aqressivliyi isə formal olaraq, Şakronun daha bir yaxın adamı sayılan gənc “qanuni oğru” “Kvejoviç” ləqəbli Quram Çixladzenin azərbaycanlı “qanuni oğrunun” hüzurunda döyülməsilə əlaqədardır. Əslində, Şakro bu hadisədən Quliyə qarşı istifadə etməyə çalışıb və Badri də onun sifarişilə hərəkət edir.

Kvejoviçin Qulinin yaxın adamı olan qazax kriminal avtoritet “Vəhşi Arman” tərəfindən döyülməsi isə gürcü “qanuni oğru”nun Nadir Səlifovun hüzurunda özünü layiqli apara bilməməsilə bağlıdır. Deyilənə görə, Kvejoviç Quli ilə görüşdə mərhum Rövşən Lənkəranskinin ünvanına xoş sözlər söyləyərək, bilərəkdən Səlifovu qıcıqlandırıb. Buna görə də “Vəhşi Arman” onu bərk döyüb. Şakro isə onun döyülməsini özünə vurulan “sillə” hesab etdiyini deyib. Bununla da Şakro ilə Quli arasındakı qarşıdurma biraz da qızışıb. Lakin Şakronun bir “qanuni oğrunu” döydürdüyünə görə Səlifovu oğru adından məhrum etmə cəhdləri tam uğursuzluğa düçar olub. Əvvəlcə qazaxıstanlı kriminal avtoritet döydüyü gürcünun “qanuniu oğru” olmasından xəbərsiz olduğunu və onu sadəcə özünü apara bilmədiyi üçün cəzalandırdığını söyləyərək, bu hərəkətini izah edib. Bundan sonra isə MDB məkanının daha bir nüfuzlu kriminal klanının başçısı olan Merab Canqveladze (Suxumski) Şakro ilə telefon danışığında Quliyə qarşı getməyəcəyini, onu öz qardaşı hesab etdiyini söyləyərək, ondan bu cür oyunlara, oğruları bir-birinə qarşı qoymaq cəhdlərinə son qoymasını tələb edib.

Bir sözlə, tam iflasa uğrayan Şakro həbsdən vaxtından əvvəl çıxan Qela Qalskinin Quliyə qoşulması ilə daha bir zərbə almış olub. Rusiya mətbuatı isə yazır ki, Kardavanın Səlifovla birləşməsi azərbaycanlı “qanuni oğrunun” onsuz da güclü olan mövqelərini bir qədər də gücləndirəcək və bu gedişlə tezliklə Quli ümumilikdə MDB məkanında bir nömrəli “qanuni oğru”ya çevriləcək.

Xəbərin oxunma sayı : 1273