AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“BTB Leasinq”in rəhbərinin “eşq hekayəsi” inanılmaz cinayətləri üzə çıxardı


Tarix 09.09.21, 11:19	Font ölçüsü : - / +

Ölkəyə xaricdən oğurluq və yanmış maşınlar necə daşınır; Ramiz Mehdiyevə bağlı olduğu iddia edilən “BTB” bankdakı maxinasiyalar araşdırılmır; şirkətin həbsdə olan hüquqşünası müdhiş cinayətlərin üstünü açdı

Bank “BTB”nin adı bu maliyyə qurumunun bir qolu olan “BTB Leasinq”in rəhbəri Cavid Zeynalovun Ukrayna vətəndaşı olan Valeriya Qurovanı evlənmək, işə düzəltmək adı ilə ölkəyə gətirməsindən və qovmasından sonra hallanmağa başlayıb.

Məsələnin mahiyyəti budur ki, Cavid Zeynalov Valeriya Qurova ilə internet üzərindən tanış olaraq evlənəcəyi, işə düzəldəcəyi adı ilə onu Azərbaycana dəvət edib. Qurova Bakıya gələndə onu qarşılamaq üçün xüsusi hazırlıq görülüb, Cavid Zeynalov aeroporta gedərək Qurovanı qarşılayıb. Bunu sübut edən video (https://www.instagram.com/p/CTWGeMBiwBl/?utm_source=ig_web_copy_link) da var. Həmin videodan görünür ki, Cavid Zeynalov bu törənə xüsusi hazırlaşıb, hər xırda detalı düşünüb.

V.Qurovaya özəl olaraq üzərində J(Cavid) və V(Valeriya) hərfləri olan brilyant qaşlarla bəzədilmiş üzük də hədiyyə olunub. Bakıya gələndən sonra C.Zeynalov onu evlərinə aparıb və valideynləri, bacısı ilə tanış edib, yaşadıqları ünvana - Yasamal rayonu, Həsən bəy Zərdabi 190 ünvanında yerləşən “Melissa Park” yaşayış kompleksindəki mənzillərinə qeydiyyata aldırıb, “Caspian Avto İmport” şirkətində işə düzəldib. Bu ilin avqustunda Qurova “Caspian Avto İmport” şirkətinin ofisinə getmək istəyini bildirəndə, Cavid Zeynalov tərəfindən hədələnib və tez bir zamanda Azərbaycanı tərk etməsi tələb edilib. Bir neçə gün sonra Cavid Zeynalov Qurovanı evindən qovub, deyib ki, Baş Prokurorluğun 2-ci mərtəbəsində kabineti olan dostu Elçin vasitəsilə ona ciddi problemlər yaradacaq. Qurova Azərbaycanda mənzil kirayələyərək C.Zeynalovun onun sənədlərindən istifadə etməklə maliyyə maxinasiyaları, qanunsuzluqlar edib-etməməsinin araşdırılmasına nail olmağa çalışır.

Bu əsnada “Yeni Müsavat”a “BTB” bankda və “BTB Leasinq”dəki maxinasiyalar haqda məlumatlar daxil olub. İddia olunur ki, bank Prezident Administrasiyasının keçmiş rəhbəri Ramiz Mehdiyevin nəzarətindədir. Məlum olur ki, Cavid Zeynalovun rəhbərlik etdiyi “BTB Leasinq”dəki maxinasiyalar, dələduzluq əməlləri haqda dövlət qurumlarında araşdırmalar aparılıb.

Hətta sosial şəbəkələrdə Cavid Zeynalovun əməllərinin araşdırılması üçün Dövlət Təhlükəsizliyi Xidmətindən Baş Prokurorluğa ünvanlanmış məktubla bağlı xəbərlər də yer alıb. DTX-dan baş prokuror Kamran Əliyevə ünvanlanan məktubda Cavid Zeynalov və “BTB Leasinq”in Hüqiq Departamentinin rəhbəri Ceyhun Əlizadə barəsində tədbir görülməsi istənilir.

Məktubda deyilir ki, “BTB Leasinq”in İdarə Heyətinin sədri Cavid Zeynalovla Ceyhun Əlizadə qabaqcadan əlbir olub, lizinq xətti ilə avtomobil almaq istəyən vətəndaşları aldatma yolu ilə müştəri kimi cəlb edərək onlardan nəqliyyat vasitəsinin ümumi dəyərinin 30 faizini ilkin ödəniş və əlavə kredit məbləğinin 1 aylıq hissəsini rəsmi əldə etsələr də, sonradan zəruri ödənişlərin olunmamasını əsas gətirərək, naməlum dolayı üsullarla və sənədləri saxtalaşdırmaqla həmin avtomobilin həqiqi sahibindən qanunsuz olaraq geri alınmasına nail olurlar.

Məktubda qeyd olunur ki, sadalanan xüsusatların mahiyyətinə aydınlıq gətirilərkən, Ceyhun Əlizadənin mütəmadi şəkildə avtomobil lizinqinə malik olmaq istəyən müştərilərin etibarından sui-istifadə edib kassadan kənar, qeyri-rəsmi olaraq pul vəsaitlərini əldə etməklə sözügedən müəssisənin faktiki rəhbəri Cavid Zeynalovun tələbinə uyğun ona təqdim etdiyi və sonradan bu vəsaitdən özünün də pay alması məlum olub.

Hazırda “BTB Leasinq” ASC-nin fəaliyyətindəki korrupsiya hallarına dəlalət edən məqamlara dair, o cümlədən müəssisə rəhbərliyinin hüquqazidd əməlləri ilə bağlı zərərçəkmiş şəxs qismində 31.10.1985-ci il təvəllüdlü Nuriyev Orxan Nəsrəddin oğlu, 10.05.1988-ci il təvəllüdlü Ağayev Taleh Valeh oğlu, Muradi Anar Elşən oğlu, Əliyev Saqif Telman oğlu, Mirzəyev Ramiz Müslüm oğlu, Rəsulov Orxan Firdovsi oğlu aidiyyatı dövlət qurumlarına şikayət etmək istəyir.

Məktubda qeyd olunur ki, göstərilən xüsusatlar DTX-da yoxlanılıb və qurumun qanunvericilikdə nəzərdə tutulmuş səlahiyyətinə aid cinayət əməlləri törədilməsinə dair məlumatlar üzə çıxmayıb.

DTX-nın bu məktubundan sonra məsələ Baş Prokuror yanında Korrupsiyaya Qarşı Mübarizə Baş İdarəsində araşdırılıb.

Açıklama yok.

Ceyhun Əlizadə

Maraqlıdır ki, Cavid Zeynalov araşdırmadan xəbər tutub və dərhal Ceyhun Əlizadəni vəzifəsindən azad edib. Xətai Rayon Prokurorluğuna müraciət edərək Ceyhun Əlizadədən şikayətlənib. Nəticədə Ceyhun Əlizadə həbs olunub. Hazırda Bakı İstintaq Təcridxanasında saxlanılan Ceyhun Əlizadənin də ölkə rəhbərliyinə ünvanladığı məktubu var və həmin məktubunda o, “BTB Leasinq”də baş verən cinayətlər haqda geniş məlumat verir:

“Bildirirəm ki, Xətai rayonu, Yusif Səfərov küçəsi 27-də yerləşən ”BTB Leasinq" ASC-nin müdiri Cavid Zeynalovun yanında Hüquq departamentinin rəisi vəzifəsində işləmişəm. Mənim Ceyhun adlı dostumun vasitəsilə atası Ramiz adlı şəxslə tanış oldum. Ramiz maşın alveri ilə məşğul olurdu. “BTB Leasinq” ASC-nin “Amay” ticarət mərkəzinin birinci mərtəbəsində avtosalon işlədirdi. Orda maşınların satışı zəif olduğundan Cavid Zeynalov söhbət zamanı Ramizə dedi ki, “avtomobil alqı-satqısı ilə məşğul olmaq üçün yer açaq və birgə biznes qurub işləyək”.

Bir müddət sonra onlar Ramizi yalan sözlə və vədlərlə aldadaraq həmin işlədiyi salondan çıxardaraq başqa bir yerdə salon açdırdılar. Lakin Ramiz ona dedi ki, yeni salon açmaq və onuntəmiri üçün maddi vəsaiti yoxdur. Cavid Zeynalov Ramizə dedi ki, “narahatçılığa heç bir səbəb yoxdur, sən dostundan-tanışından pul al və oranı təmir elə, sonra da təmir pulunun çeklərini göstər mənə, mən həmin vəsaiti sənə ödəyəcəm və ”BTB Leasiq"in filialı kimi işlədərik". İki ay yarım təmir gedə-gedə Ramizin vasitəsilə onun tanışı olan Taleh Ağayevdən 18 min manat borca pul aldı. Həmin pul avtosalonun təmirinə xərcləndi. Təmir gedə-gedə Cavid Zeynalov Ramizi çağıraraq tələsdirirdi ki, təmiri tez qurtar, maşınları yığaq salona. Təmir qurtardıqdan sonra ‘’BTB Leasinq"in avtomobilləri salona qoyuldu.

Cavid Zeynalov sual verdi ki, salona xərcin nə qədər çıxıb? Mən də dedim ki, qaimələr var, şahidlər var, onlar təsdiq edər ki, 18 min manat pul xərclənib. Bu zaman Ramiz bildirdi ki, “Cavid müəllim, Ceyhun düz deyir, həmin salona 18 min manat pul xərclənib”. Sonra Cavid Zeynalov həmin avtomobilləri Ramizin vasitəsilə satmağa başladı. Maşınları salonda müştəriyə satdıqan sonra müştərini banka aparıb təhvil verilirdi, müştəri maşın üçün ilkin ödəniş etdikdə (15 000, 18 000, 20 000 dollar) həmin pul vəsaitlərini Cavidin şəxsən özü qəbul edirdi, Ramizə və mənə də bildirirdi ki, ”narahat olmayın, növbəti maşın satılanda əvəzini çıxacam, sənin çəkdiyin xərcləri qaytaracam". Lakin, buna baxmayaraq, o, Ramizin çəkdiyi xərcləri qaytarmadı.

Cavid Zeynalov

Mən məsələni aydınlaşdırdığım zaman məlum oldu ki, Cavid Zeynalov “BTB Leasinq” ASC-nin bütün problemlərini mənim üstümə yıxaraq özünə haqq qazandırır rəhbərliyin yanında ki, bəs mən dələduz tapdım və onu işdən azad etdim. Halbuki ən böyük dələduz onun özüdür.

Çünki bütün maşınların satışı zamanı vətəndaşlardan bank xərcləri adından külli miqdarda pullar mənimsəyirdi və mən soruşduğum zaman bu qədər pul vəsaitinin dalında durmaq olar, o dedi ki, narahat olma, tək mən yemirəm, əli ilə yuxarını göstərib bankın müdiri Emil Rzayevə işarə edirdi. Cavidin razılığı olmadan heç bir maşın satıla bilməz, bütün sənədlərə imza sahibi özü olub.

Bundan sonra Cavid Zeynalov mənə qarşı aqressiv oldu. İş gördüyüm adamları mənə qarşı çevirdi. Bunların heç birindən də mənim xəbərim yox idi. Məni 5 noyabr 2020-ci il tarixdə məcburi olaraq məzuniyyətə çıxartdı. Məzuniyyətim bitməyə-bitməyə məni heç bir əsas və xəbərdarlıq olmadan Əmək Məcəlləsinin 70-ci maddəsinin C bəndi ilə işdən uzaqlaşdırıb. O, məni işdən qanunsuz çıxarmağına baxmayaraq dəfələrlə Cavid Zeynalova dedim ki, gəl problem yaratma özünə, camaatın pullarını vermək lazımdır. Bizdən şikayət etməsinlər. Cavid Zeynalov gördü ki, mən düzgünlüyün tərəfindəyəm və ona problem yaradıram. Rahat rüşvət almaq üçün məni birdəfəlik “BTB Leasinq” ASC-dən uzaqlaşdırdı. Bu zaman mən bununla bağlı Xətai Rayon Məhkəməsinə işə bərpa üçün müraciət etdim ki, haqq-ədalət yerini tapsın. Mən günahkaramsa, qanun qarşısında cəzamı çəkim və ya Cavid Zeynalov günahkardısa, o, qanun qarşısında cəzasını çəksin. Onun nə marağı var ki, məzuniyyətdə ola-ola məni işdən azad edib?

Bundan başqa, onu da əlavə etmək istəyirəm ki, Cavid Zeynalovdan hüquq-mühafizə orqanlarına şikayət olunub. Heç bir orqan ona cinayət işi qaldırmır, halbuki Cəlilabad rayonun icra başçısının haqqında qaldırılan Cinayət Məcəlləsinin müvafiq maddəaları Cavid Zeynalova şamil edilməlidir. Ən əsas da vəzifədən sui-istifadə edərək rüşvət alırdı. Mən dəfələrlə hüquq-mühafizə orqanlarına cağırıldığım zaman Cavid Zeynalovun üzünə deməyimə baxmayaraq, deyirlər ki, o sübut sayılmır. Məndən məcburi öz idarə etdiyim maşınımdan 10 min dollar rüşvət almağını söyləyirəm, hüquq-mühafizə orqanları mənə deyir ki, biz haradan bilək ki, yalan demirsən. Mənə köməklik edin, Cavid Zeynalovun rüşvət almasını sübut edim. Çünki aldadılaraq, bir necə adamdan mənim vasitəmlə maşınların pulunu alıb Cavidə verdim. Onlar da indi məndən pullarını tələb edirlər.

Mən Cavidin müdiri olduğu “BTB Leasinq” ASC-dən kreditdə olan “Jaguar” markalı avtomobili dostum Talehə məsləhət gördüm və həmin avtomobili ona aldıq. Taleh “Jaguar”a ümumilikdə 18 min 750 manat pul ödədi. Taleh həmin pulu Ramizin vasitəsilə mənə verdi, mən də öz növbəmdə Cavidə verdim. Sonradan bizə məlum oldu ki, həmin 18 min 750 manat pul banka ödənilməyib. Bir müddət sonra Taleh həmin avtomobili adına keçirmək üçün Bank “BTB”yə müraciət etdi. Bankın müdiri Talehə bildirdi ki, burada belə bir avtomobilin alqı-satqısı olmayıb və həmin avtomobil üçün ödəniş olmayıb. Cavid həmçinin bildirdi ki, həmin “Jaguar” markalı avtomobil bankda başqa bir adamın adına kreditdədir və 19 min manat gecikməsi var və həmin avtomobil axtarışdadır". Mən Caviddən soruşanda ki, pul haradadır, o, bir daha tərəddüd etmədən mənə böhtan ataraq əlimlə verdiyim pulu danaraq dedi ki, sən mənə pul verməyibsən! Halbuki öz əlimlə pulu Cavid Zeynalova verdim. Hazırda Taleh də pulunu məndən tələb edir.

Əlavə olaraq, Ramiz Talehdən 10 min dollar alaraq Cavid Zeynalova verib ki, “Mercedes-S 400" markalı, Az 99 PC 047 nömrəli minik markalı avtomobili onun adına keçirsinlər. Halbuki 10 min dolları alandan sonra heç birini etmədilər. Taleh də ümumilikdə 10 min dolları və 18 min 750 manat pulu Cavid Zeynalovdan haqlı olaraq tələb edir.

Sonradan Cavid mənim yanımda dedi ki, “Amerikadan gətirdiyim maşınları satmaqda mənə köməklik etmirsən”. Mən onun Anar adlı şəxslə tanış etdim. O, Amerikadan gətirilən “BMW X6" markalı avtomobili 52 min dollara kreditlə satmağa Cavid Zeynalovla şəxsən özü razılaşdı. Anar ilkin olaraq 17 min 300 manat pul verdi, lakin Cavid ilkin ödənişi müqavilədə göstərmədi. Sonra Anar maşının nasaz olduğunu dedi. Bizə məlum oldu ki, ”BMW X6" markalı avtomobil Amerikada yanıb, lakin Azərbaycana gətirilərək Cavid tərəfindən təmir edilib. Anar şirkətə gəldi ki, niyə nasaz maşın satmısız? Anar dedi ki, mən avtomobil üçün indiyədək 2500-3000 manat pul xərcləmişəm, lakin avtomobil düzəlmir. Mən də Cavidə müraciət etdim, onun otağına getdim və avtomobilin şəkillərini göstərdim. Bu zaman Cavid dedi ki, “BMW X6" markalı avtomobili gətirib banka qoysun və mən onu satıb Anarın pulunu qaytaracam”.

Bundan sonra Anar avtomobili təhvil verdi “BTB Leasinq” ASC-yə. Cavid Anara dedi ki, “get bir həftəyə həmin ”BMW X6" markalı avtomobili satıb sənə xəbər edəcəm, pulunu gəlib götürərsən". Cavid avtomobillərin çoxunu oğurluq yolu ilə Azərbaycana gətirir.

Həmin avtomobilin kilometrajı çox idi, amma Cavid “probeq”ini aşağı fırlatdı ki, az olsun.

Əlavə olaraq onu da qeyd etmək istəyirəm ki, Cavid “Lexus RX 350" markalı avtomobil də satmışdı. Həmin avtomobil də oğurluq çıxmışdı. Ona görə da vətəndaş pulunu geri aldı. Həmin avtomobili Gömrük Caviddən geri aldı və hazırda da gömrükdə saxlanılır.

Ramizin infarkt səbəbi Cavid Zeynalovdur. Onun oğlunu çağırıb araşdıran olsa, hər bir şeylərin düzgün olduğu faktları ortaya çıxacaq. Cavid mənə hədə-qorxu gəlir, məni tutduracağını bildirir. Mənə deyirdi ki, keçmişdə polis olmuşam, hər yerdə adamım var. Sənə inanan olmayacaq. Hər dəfə də pulumu istəməyə gedəndə məni yanına buraxmır. Mənim kimi zərərçəkmişlər çoxdur".

Sonda bir məqama diqqət edək. Valeriya Qurova hüquq-mühafizə orqanlarının rəhbərlərinə müraciət edərək ona məxsus sənədlərdən istifadə etməklə maliyyə maxinasiyaların, qanunsuzluqların baş tutub-tutmamasının araşdırılmasını istəyib. Görəsən, Valeriya Qurovanın sənədlərindən istifadə etməklə ölkəyə xaricdə oğurlanan maşın gətirilməyib ki?

Yazıda adıçəkilən Cavid Zeynalovun və digərlərinin mövqeyini çap etməyə hazırıq.

Xəbərin oxunma sayı : 883