AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Eldar Mahmudovun “AKULASI“ və... - Azərbaycandan ofşora ötürülən milyonlar və digər dolaşıq işlər


Tarix 01.01.22, 21:14	Font ölçüsü : - / +

Ləğv edilmiş Milli Təhlükəsizlik Nazirliyinin İstintaq İdarəsinin keçmiş rəisi general-mayor Mövlam Şıxəliyevin və onunla birgə mühakimə olunan üç MTN əməkdaşının cinayət işi üzrə məhkəmə prosesi artıq üç aydır davam edir. Məhkəmə iclasları açıq elan olunsa da, mətbuat nümayəndələri prosesə buraxılmırlar. Keçmiş MTN-çilərin cinayət işi üzrə 32 nəfər zərərçəkmiş qismində tanınıb.

Virtualaz.org-un xəbərinə görə, zərərçəkmişlərdən biri sahibkarlıq fəaliyyəti ilə məşğul olan Anar Heydərovdur. İş adamı ifadəsində deyib ki, 2004-cü ildə ”İT Soliton”MMC-ni təsis etmişdi. Şirkət fəaliyyəti informasiya texnologiyaları, proqram təminatı, mühafizə sahələri ilə bağlı idi.

Biznesmenin “akula” ilə tanışlığı, lənətə gəlmiş həmin görüş...

Lakin Heydərov bu kimi modern biznes sahələri ilə məşğul olmaqdaykən MTN kriminal bandasının toruna düşüb, həm də öz ayağı ilə.

Belə ki, 2010-cu ilin yanvarında Bakı Əyləncə Mərkəzində Aydın adlı dostu A.Heydərovu “Akula Akif” ləqəbli Akif Mustafayevlə tanış edib. Tanışlıq zamanı “Akula Akif” ölkədə “istənilən məsələni həll etməyə qadir olan şəxs”, həmçinin sabiq MTN naziri Eldar Mahmudovun yaxın adamı kimi tanıdıb.

Əlbəttə, biznesmen üçün belə qüdrətli “akula” ilə tanışlıq göydəndüşmə fürsət idi, özü də Azərbaycan kimi ölkədə. Tanışlıqdan sonra başlayan münasibətlər sayəsində “Akula Akif” A.Heydərovun şirkəti ilə MTN-in maddi texniki təminat şöbəsi arasında 5 illik podrat müqaviləsinin bağlanmasını təmin edib. Müqaviləyə əsasən MTN-in inzibati binalarında yanğından mühafizə sistemlərinə xidmət göstərilməliydi.

Sonradan A.Mustafayev iş adamına deyib ki, mütəmadi olaraq xarici ölkələrə səfər etməli olur. Şengen vizaları aldığına görə onu da rəhbərlik etdiyi şirkətə işə götürməyi xahiş edib. A.Heydərov da onunla razılaşıb və adını şirkətə menecer kimi rəsmiləşdirib.

Etibar Əliyevi MTN apardı, pullar ödənilməmiş qaldı

A.Heydərov deyir ki, təxminən bir il sonra uzun zamandan bəri tanıdığı “Texnikabank”ın Müşahidə Şurasının sədri Etibar Əliyevin sifarişi əsasında bank üçün 210 ədəd ödəmə köşkləri quraşdırıb və banka təhvil verib. Lakin 2012-ci ilin fevral-mart aylarında E.Əliyev MTN əməkdaşları tərəfindən həbs edilib. Həmin vaxt bankın ona 1 milyon 980 manat borcu qalıb.

A.Mustafayevlə tez-tez görüşdüklərindən bu barədə onun da məlumatı olub. Hətta A.Mustafayev deyib ki, MTN-nin idarə rəisi Füzuli Hüseynov ona zəng vurub, Etibar Əliyevin oğlu ilə A.Heydərov arasında tez-tez telefon danışıqlarının olduğuna görə onu da tutmaq istədiklərini deyib. “Akula” vəd verib ki, Heydərova kömək edəcək, onu MTN-nin tilovundan qurtaracaq.

Akula Akif

Bir neçə gün sonra F.Əliyev iş adamının işlədiyi ofisə gəlib.

“Mən bura gəlməyəcəkdim, Akif Mustafayevə görə gəldim, qurban olasan bu kişiyə, yoxsa Etibarla birlikdə səni də tutacaqdım” deyib, amma pul tələb etməyib.

“Akula” 500 min “qazanır”

Bu söhbətdən iki gün sonra isə A.Mustafayev şirkət rəhbərinə deyib ki, “Texnikabank”ın ona olan borcunun qaytarılmasına köməklik göstərəcək. Əvəzində isə 500 min manat da ona verməsini tələb edib. İş adamının razılaşmaqdan başqa çarəsi qalmayıb.

Zərərçəkmiş deyir ki, bir neçə aydan sonra “Texnikabank” tərəfindən pulları həqiqətən geri qaytarılıb. Belə ki, bankın idarə heyətinin sədri Samir Hüseynovla 2 milyon 336 min 400 manat məbləğində müqavilə bağlanıb, müqavilənin şərtlərinə görə bankın ona borclu olduğu pul ödənilməli imiş. Bundan sonra onun rəhbərlik etdiyi şirkətin “Texnikabank”dakı hesabına 1 milyon 980 min manat pul köçürülüb. Həmin pulun 650 min manatı “Texnikabank”a olan kreditə görə silinib. Qalan məbləği hissə-hissə nağdlaşdırıb və iyul ayına kimi bankdan götürüb. Və “akula” haqqını alıb.

Etibar Əliyev

“Şirkətdəki ofisimdə birinci dəfə 200 min manat, ikinci dəfə 150 min manat, üçüncü dəfə 150 min manat Akif Mustafayevə şirkətin menecerinin yanında pul vermişəm”, - zərərçəkən deyir.

İşlər dolaşır, bankdan götürülən pulları qaytarmaq tələb edilir.

2013-cü ilin yanvarında A.Mustafayev şirkət rəhbərinə Beynəlxalq Bankın İdarə Heyətinin o zamankı sədri Cahangir Hacıyevlə görüşdüyünü deyib: “Cahangir Hacıyev ona deyib ki, “Texnikabank”ın Anar Heydərova ödədiyi pulu geri qaytarmaq lazımdır. Mən Anar Heydərova 4 milyon manat kredit verəcəyəm, bir hissəsini “Texnikabank”a ödəyin, qalan hissəni də istifadə edib, faizlərini verin”.

Şirkət rəhbəri buna etiraz edəndə hədə-qorxu ilə üzləşib. A.Mustafayev ona “başına oyun açarıq, həbs olunarsan, o pulu biz almışıq, biz də qaytarmalıyıq, sən heç bir zərər görməyəcəksən, hamısını “Beynəlxalq Bank” qaytaracaq” deyib.

Mövlam Şıxəliyev

Həmin ərəfədə iş adamına MTN-dən zənglər gəlməyə başlayıb. Nazirliyə çağırılan iş adamı müstəntiq tərəfindən dindirildikdən sonra otağa Təhsin Ağayev daxil olaraq ona “indi generalın yanına gedəcəksən” deyir, onu Mövlam Şıxəliyevin otağına aparır. M.Şıxəliyev ona deyir: “Mən bilmirdim sən Akiflə yaxınsan, mən Akifə demişəm, özü sənə deyəcək, get iki-üç günə məsələni həll elə”.

A.Heydərov Şıxəliyevin kabinetini belə təsvir edir: “Otağın sahəsi təxminən 70-80 kvadrat metr idi, girişdən üzbəüz geniş “T” formalı iş masası, masanın arxasında mebel, girişdən sol divar boyu küçəyə baxan pəncərə vardı. Xüsusilə kabinetin “salat” rəngli divar kağızı diqqətimi çəkdi. Həmin vaxt Mövlam Şıxəliyev mülki geyimdə idi”.

“Akula”nı xilaskar bilib, amma sonra başa düşüb ki...

Həmin gün MTN-dən çıxandan sonra M.Şıxəliyevin onu həbsə atacağından narahat olan iş adamı A.Mustafayevə görə sərbəst buraxıldığını hesab edib. Lakin sonradan bütün bunların qurama olduğunu, M.Şıxəliyevin Akif və MTN polkovniki Elşad Mahmudzadə ilə əlbir olub başına oyun açdıqlarını başa düşüb. M.Şıxəliyevin yanından çıxdıqdan sonra “Akula Akif”lə “Qurd qapısı”nda görüşüb, ona M.Şıxəliyevlə görüşü barədə danışıb.

A.Mustafayev sahibkarı arxayın salaraq, məsələni danışıb həll etməsi üçün MTN-nin E.Mahmudzadə adlı idarə rəisinə onu tapşıracağını deyib.

İş adamı həmin gün axşam saatlarında “Maestro” restoranında A.Mustafayev və E.Mahmudzadə ilə görüşüb. E.Mahmudzadə ona M.Şıxəliyevlə danışıb xəbər edəcəyini deyib. Ertəsi gün yenidən eyni restoranda görüşüblər. MTN əməkdaşı sahibkara “Mövlam Şıxəliyevlə danışdım, sənin tutulmamağın üçün 500 min dollar istəyir” deyib. Tutulacağından ehtiyat edən sahibkar 300 min dollar verə biləcəyini, bu məbləğə M.Şıxəliyevi razı salmalarını onlardan xahiş edib. E.Mahmudzadə axşam M.Şıxəliyevlə parkda gəzərkən onunla bu barədə danışıb razı salacağını söyləyib.

300 min dollar, üstəlik 10 min dollar “hörmət”

Ertəsi gün eyni məkanda təkrar görüşdükdə iş adamı özüylə gətirdiyi 300 min dolları E.Mahmudzadəyə verib. MTN əməkdaşı getdikdən sonra A.Mustafayev “dost”una E.Mahmudzadənin neçə gündür bu işə görə M.Şıxəliyevi razı salmaqdan ötrü “əziyyət çəkdiyini deyib” və ona “hörmət” olaraq 10 min manat verməsini istəyib. “Akula Akif”in bu sözündən sonra çantadakı 10 min manatı da E.Mahmudzadəyə çatdırmaq üçün ona verib.

Anar Heydərovu tələb olunan məbləğ alındıqdan sonra ifadəsində dəyişiklik etmək üçün onu yenidən MTN-ə çağırıblar. Müstəntiqin qəbulunda olub, ifadəyə imza edib. Bu dəfə müstəntiq də onunla mülayim davranıb. Hətta söz arası “sənin məsələn bağlandı” deyib.

İş adamı deyir ki, bundan sonra məcbur olub A.Mustafayevin təklifi ilə razılaşaraq Beynəlxalq Bankdan 4 milyon kredit götürüb. 2013-cü ilin iyulunda A.Mustafayevin təşkilatçılığı əsasənda Beynəlxalq Bankın Sumqayıt filialı ilə 4 milyon manat kreditin götürülməsi barədə müqavilələrə imza atıb.

Beynəlxalq Bankdan offşora ötürülən milyonlar

O bildirir: “Əslində həmin vaxt başqa bankda kredit xəttim vardı. Ona görə Beynəlxalq Bankdan əlavə kredit xəttinə heç bir ehtiyacım yox idi. 5 iyul 2013-cü ildə Beynəlxalq Bankdan hesabıma 2 milyon 500 min manat pul daxil olundu. Həmin məbləğ rəhbərlik etdiyim şirkət tərəfindən verilmiş bank çek kitabçası vasitəsilə İlqar Hüseynov tərəfindən Baltik ölkələrindən hansındansa yerləşən ofşor şirkət olan “City Port Contracts LP”nin hesabına köçürüldü. Daha sonra həmin ofşor şirkət tərəfindən 2 milyon 357 min manat “Texnikabank” a köçürüldü. 1milyon 643 manat pul rəhbərlik etdiyim şirkət tərəfindən biznesin inkişafına xərcləndi”.

A.Heydərov sonradan biznesin başqa sahəsinə keçib, amma “akula” ondan əl çəkməyib. Bildirir ki, 2013-cü ildə dostu Aydın Cəfərovla birlikdə “VİP Həyat” MMC-ni təsis edərək kosmetoloji malların Azərbaycana idxalı və pərakəndə satışını həyata keçirmək barədə razılığa gəliblər. Çox keçməyib ki, “Akula Akif” bundan xəbər tutub və şirkətə şərik olmasını tələb edib.

“Hədə-qorxu gəldi deyə məcbur olub razılaşdıq. Şirkətin biznes ideyası Aydına, investisiyaya qoyulan 700 min manat isə mənə aid olub. Şirkət İsrailin “Deşeyl” şirkətinin istehsalı olan kosmetoloji malların ölkədə satışını həyata keçirib. 2014-cü ilin oktyabrında Akif 45 faiz ona, 45 faiz qohumuna, 10 faiz isə Aydına məxsus olmaqla şirkətin yeni nizamnaməsinı tərtib etməyə məcbur edib. 2015-ci ildə şirkət fəaliyyətini dayandırıb”, - zərərçəkən bildirir.

Xatırladaq ki, 2015-ci ildə MTN-də məlum əməliyyat başlayan gün “Akula Akif” Azərbaycandan qaçıb, hazırda İnterpol xətti ilə beynəlxalq axtarışdadır.

Xəbərin oxunma sayı : 1969