AzFakt.com bakıvaxtı.az-a istinadən xəbər verir ki, bu sözləri müğənni Günel Ələkbərova "Xəbərin var?"verilişində deyib.

Günel onu tanımadığını və heç vaxt gündəmdə olmadığıı deyən Nəfəsi rüsvay edib: "Mənim də zamanında sevib səhnəyə gəldiyim müğənnilər var ki, bugünkü gündə onlara hörmətlə yanaşıram. Amma çıxıb onlara dil uzatmıram. Demək istəyirəm ki, zamanında məni bilib və zənn edib məclislərə çağırdıqları insanlar, söhbət elə Nəfəsdən gedir, sonra da baxıblar ki, yox, bu Günel, yəni mən deyiləm. Çünki insanlar səhnədə məni gözləyirmişlər, amma elə zənn ediblər ki, Nəfəs Güneldir. Onu səhnədən aşağı düşürüblər. Yəni sən bunu özün efirdə danışıb etiraf edirsən ki, Günelin də o zamanlar efirləri partladan vaxtı vardı, indi sən birdən-birə necə deyə bilərsən ki, Günel heç zaman gündəmdə olmayıb? Bu, başdan böyük danışmaqdır".

"Mən bunları qınamıram. Bunlar Aqşin Fateh, Nurlan Təhməzli kimi müğənnilərin sayəsində tanınırlar və sonradan "şişirlər". Amma hər kəs öz həddini bilməlidir. Nəfəs mənim həmkarımdır, amma bax, gör kimə dil uzadırsan. Olmaz! Mən illərlə səhnəyə çıxmasam da, hər zaman varam. Əgər sən belə özünə güvənirdinsə, müğənni Günellərin səhnədə çox olan zaman öz adından imtina edib başqa adla çıxmazdın", - deyə müğənni əlavə edib.