AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Yayımı qadağan olunmuş filmlərimiz: “Yarasa“, “Köpək“, “Dağıdılmış körpülər“...


Tarix 24.01.26, 20:02	Font ölçüsü : - / +

Xəbər verdiyimiz kimi, “Səkkiz” serialının yayımı bərpa olunub. Serialın quruluşçu rejissoru və baş rolun ifaçısı, aktyor Hikmət Rəhimov bildirib ki, serialın 2-ci bölümü bu gün saat 23:00-da ARB-də yayımlanacaq.

Xatırladaq ki, yanvarın 13-də ARB kanalının efirində yayımlanan “Səkkiz” serialında personajlardan biri söyüş məzmunlu ifadələrdən istifadə edib və yayım zamanı bu səsləndirmə texniki vasitələrlə məhdudlaşdırılmayıb. Qeyd olunanlar nəzərə alınaraq, Audiovizual Şuranın üzvləri ARB kanalına qarşı sanksiya tətbiq edilməsi və kanalın yayımının yanvarın 15-də üç saatlıq dayandırılması barədə qərar qəbul ediblər. Daha sonra serialın yayımının həm YouTube platformasında, həm TV-də, həm də kinoteatrlarda dayandırılması barədə qərar verilib.

Bu məsələ, yayımı bu günə kimi də qadağan olunan Azərbaycan filmləri ilə bağlı məsələni yenidən gündəmə gətirir.

“Köpək” - qadağan olunmuş Azərbaycan filmindən danışarkən ilk ağla gələn 1994-cü ildə çəkilmiş “Köpək” filmidir. Bu film Tofiq Tağızadənin son filmidir və ehtiyac üzündən, bir parça çörək məhəbbətindən köpəyə çevrilmiş yazıq insanların faciəsindən bəhs edir. Qarınlarını doyurmaq üçün iş axtaran bir qrup insan aldadılaraq qul kimi işləməyə, tabe olmağa, satqınlığa, yaltaqlığa məruz qoyulur. Əvvəlcə dirənən, qürurunu yıxdırmayan insanlar sonradan bir dilim çörək ucbatından hər şeyə tabe olmağa məcbur qalırlar. Eyni zamanda, “Köpək”də insanın insan kimi qalması və bu uğurda mübarizəsi təsvir olunur.

Filmin quruluşçu rejissoru Tofiq Tağızadə, ssenari müəllifi Loğman Kərimov, rəssamı Mayis Ağabəyov, quruluşçu operatoru Rafiq Quliyevdir. Rolları Məmməd Səfa, Fuad Poladov, Muxtar İbadov, Nuriyə Əhmədova, Yaşar Nuri və başqaları ifa edirlər. Film sovet hakimiyyətinin mənzərəsini əks etdirir. Film ekranda yayımlanmasa da, bir neçə ildir ki, YouTube platformasında təqdim olunub və geniş maraqla qarşılanıb.

Dünyada yayımı qadağan edilən filmlər

"Yarasa" - Azərbaycan kinosunu beynəlxalq səviyyəyə yüksəltmiş və ümumdünya kinofestivallarında ilk Qran-Pri qazanmış müstəqil Azərbaycanda çəkilmiş ilk bədii filmdir. Əməkdar incəsənət xadimi, kinorejissor Ayaz Salayevin 1995-ci ildə çəkdiyi "Yarasa" filmi otuza yaxın beynəlxalq müsabiqədə iştirak edib, bir çox nüfuzlu mükafatlara layiq görülüb. Bu film, Ayaz Salayevin çəkdiyi ilk bədii film idi. Lakin film erotik epizodlara görə ölkədə geniş rezonans doğurmuşdu və nəticədə televiziya ektanlarında yayımlanmır.

“Dağıdılmış körpülər” – ABŞ və Azərbaycanın birgə istehsalı olan bu film 1996-cı ildə rejissor Rafiq Puyyanın quruluşunda lentə alınıb. Ssenari müəllifi Rüstəm İbrahimbəyov və Rafiq Puyya olan ekran işində baş rolları Piter Rekel (Cef Vəlizadə), Rebeka Buş (Suzan), Fatimə İbrahimbəyova (Ceyran), Bəhruz Vüsuqi (Maykl) və başqaları canlandırıblar. 1996-cı ildə çəkilən filmin ilk baxışı 19 noyabr 2004-cü ildə baş tutub. Filmin süjeti oğulun ana haqqında xatirələri əsasında qurulub. Ana ilə balanı isə bütöv Azərbaycanı iki yerə – şimal və cənuba bölən sərhəd ayırır. Anası Cənubi Azərbaycandan olan Cef Vəlizadə yaşadığı ABŞ-dan Azərbaycana gəlib film çəkmək fikrinə düşür. Burada onu maraqlı hadisələr və sürprizlər gözləyir. Bu film Azərbaycan efir məkanına çıxarılmayıb, televiziyalarımızda nümayiş etdirilmir.

“Məhsəti” – rejissor Suada Qarayevanın qısametrajlı filmi ilə bağlı ölkədə günlərlə müzakirələr və tənqidlər səsləndi. Səbəb filmdə Məhsəti Gəmcəvi obrazının etnoqrafik çalarlarda verilməsi ilə bağlı idi. Film bir sıra beynəlxalq festivallarda nümayiş olunsa da, Mədəniyyət Nazirliyi və Kino Agentliyinin təşkil etdiyi “Baku Cinema Breeze 25” festivalının proqramından çıxarılmışdı. Filmə görə Suada Qarayevə Azərbaycan xalqından üzr istəmişdi.

Xəbərin oxunma sayı : 373