AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Bakı və Aşqabad arasında strateji tərəfdaşlıq keyfiyyətcə yeni mərhələyə qədəm qoyur.


Tarix 24.06.26, 6:08	Font ölçüsü : - / +

İyunun 22-də Azərbaycan Respublikasının Prezidenti İlham Əliyev və Türkmənistan Prezidenti Sərdar Berdiməhəmmədov nümayəndə heyətlərinin iştirakı ilə geniştərkibli görüşdən sonra mətbuata bəyanatlarla çıxış ediblər. Dövlət başçıları bəyanatlarında iki qardaş ölkə arasındakı çoxəsrlik tarixi-mədəni bağların əhəmiyyətini vurğulayaraq; regional təhlükəsizlik, nəqliyyat-logistika, enerji və işğaldan azad edilmiş ərazilərin bərpası sahələrində birgə addımların gələcək prioritetlərini diqqətə çatdırıblar.

Prezident İlham Əliyevin Türkmənistan Prezidenti Sərdar Berdiməhəmmədov ilə keçirdiyi görüş iki qardaş ölkə arasındakı münasibətlərin keyfiyyətcə yeni - strateji səviyyəyə yüksəldiyini növbəti dəfə nümayiş etdirdi. Bu gün Bakı və Aşqabad regional təhlükəsizliyin təmin olunmasında, iqtisadi inteqrasiyanın dərinləşməsində və nəqliyyat-logistika mərkəzlərinin formalaşmasında vahid mövqedən çıxış edir. Dövlətimizin başçısı qeyd etdi ki, bu gün Türkmənistan rəhbərliyinin və qardaş türkmən xalqının Azərbaycana olan səmimi, dostcasına münasibətinin əyani şahidi oluruq. Türkmənistanın Ümummilli Lideri, əziz Arkadağ Qurbanqulu Berdiməhəmmədovun ötən ilin iyulunda ölkəmizə səfəri zamanı irəli sürdüyü təşəbbüs əsasında artıq Füzuli şəhərində məscid tikintisinə başlanılıb. Bu, sadəcə infrastruktur layihəsi deyil, Qarabağın bərpasında qardaş Türkmənistanın mənəvi töhfəsi və birliyimizin rəmzidir. Bakı ilə Aşqabad, eləcə də Arkadağ ilə Füzuli şəhərlərinin qardaşlaşması bu sarsılmaz bağların əməli sübutudur.

Azərbaycanın Mərkəzi Asiya Dövlət Başçılarının Məşvərət Şurasına tamhüquqlu üzv qəbul edilməsində Türkmənistanın fəal dəstəyini biz parlamentarilər tarixi hadisə kimi qiymətləndiririk. Coğrafi baxımdan Mərkəzi Asiyanın bir hissəsi olmasaq da, dərin mədəni-tarixi köklərimiz və bu gün regional nəqliyyat-logistika sahəsində həll etdiyimiz konkret məsələlər böyük Mərkəzi Asiyanın vahid geosiyasi və geoiqtisadi məkan kimi qəbul edilməsi üçün möhkəm zəmin yaradır. Bu gün dünyada etibarlı və təhlükəsiz nəqliyyat marşrutlarına ehtiyac olduqca böyükdür. Geniş faydalı qazıntılara və enerji ehtiyatlarına malik iki güclü dövlət kimi Azərbaycan və Türkmənistan öz fəaliyyətlərini tam əlaqələndirirlər. Dövlət başçımız vurğulayıb ki, bu gün dünyada öz aralarında əməkdaşlıq edən ölkələri birləşdirən çox etibarlı, təhlükəsiz nəqliyyat marşrutları o qədər də çox deyil. Bu, böyük nailiyyətdir. Belə olan halda nəqliyyat və logistika layihələrini siyasi qarşılıqlı fəaliyyətdən təcrid olunmuş şəkildə nəzərdən keçirmək mümkün deyil. Siyasi qarşılıqlı fəaliyyət olmasaydı, heç bir coğrafi şərait səylərimizi birləşdirməyə imkan verməzdi. Biz isə həm birgə səylərimiz nəticəsində artıq artan yük axınlarını daha da artırmaq, həm də üçüncü ölkələrdən yükdaşımaları cəlb etmək üçün nəqliyyat və logistika sektorundakı fəaliyyətimizi daha da əlaqələndirmək barədə razılığa gəldik. Buna görə də bu sahə təbii ki, həm ikitərəfli, həm də çoxtərəfli qarşılıqlı fəaliyyətimizin prioriteti olacaq.

Bakı dialoqunun yüksək səviyyədə təşkilinin ikitərəfli tərəfdaşlığın gələcək mənzərəsini aydınlaşdırdığını və regional sabitliyə mühüm töhfə verdiyini vurğulayan Türkmənistan Prezidenti Sərdar Berdiməhəmmədov səmimi qəbula, göstərilən qonaqpərvərliyə və birgə iş üçün yaradılan yüksək şəraitə görə dövlətimizin başçısına bir daha minnətdarlığını bildirdi. Ali qonaq, həmçinin təkbətək və geniştərkibli görüşlər zamanı ikitərəfli münasibətlərin hazırkı vəziyyətinin, eləcə də gələcək perspektivlərinin ətraflı müzakirə olunduğunu diqqətə çatdırdı. “Dostluq” neft tankerinin hədiyyə edilməsinə görə dövlətimizin başçısına təşəkkür edən Sərdar Berdiməhəmmədov bunu ölkələrimiz arasındakı qardaşlıq münasibətlərinin növbəti rəmzi kimi qəbul etdiklərini vurğuladı. O, bu gəminin ölkələrimizin tərəqqisinə töhfə verəcəyinə və uğurlu əməkdaşlığımızın daha bir parlaq təzahürünə çevriləcəyinə əminliyini ifadə etdi.

Bakıda əldə olunmuş yüksək səviyyəli razılaşmalar və dövlət başçılarının nümayiş etdirdiyi qətiyyətli siyasi iradə yaxın gələcəkdə regionun iqtisadi mənzərəsini kökündən dəyişəcək. Deputat qeyd edib ki, iki ölkə arasında formalaşan bu strateji ittifaq təkcə Bakı ilə Aşqabadın deyil, bütövlükdə Xəzər hövzəsi və Mərkəzi Asiya regionunun təhlükəsizliyinə, tranzit imkanlarının genişlənməsinə xidmət edir. Füzulidə ucalan qardaşlıq töhfəsi - məscid və sularda lövbər salan "Dostluq" tankeri bu sarsılmaz birliyin gələcək nəsillərə ötürüləcək ən parlaq miraslarıdır. Azərbaycan ilə Türkmənistanın atdığı müştərək addımlar böyük bir coğrafiyada sülhün, tərəqqinin və regional inteqrasiyanın ən etibarlı təminatçısı rolunu oynayır.

Mirtaleh Ağazadə

Xəbərin oxunma sayı : 295