AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Bu həyatda heç kimdən qorxmuram“ - Mübariz Mənsimov+ VİDEO


Tarix 12.08.19, 17:00	Font ölçüsü : - / +

"Biz bu işi davam etdirəcəyik. 1-2 ay içərisində Əbülfəz Elçibəy gəmisi də gələcək. Yəni tarixdən vəzirovları, digərlərini silmək, bu insanları yaşatmaq lazımdır”.

AzFakt.com xəbər verir ki, bunu Palmali Holdinqin prezidenti Mübariz Mənsimov Rəsulzadənin adını verdiyi gəminin istismara verilməsindən sonra deyib.

O, qeyd edib ki, gənc nəsil Rəsulzadə, Elçibəy, Heydər Əliyev kimi insanları tanımalıdır və bunun üçün bu adları yaşatmaq lazımdır: "Bu bir tarixdir, əslində qürurverici tarixdir. Yaşatmaq lazımdır. Təkcə gəmilərə deyil, küçələrə, şəhərlərə, məktəblərə, hava limanlarına vermək lazımdır. Onları yaşatdıqca, biz özümüzü yaşadırıq. Bu gün bunu tam, istədiyimiz kimi edə bilmirik. Amma davam edəcəyik”.

M. Mənsimov imkanlı iş adamlarının imkansızlara əl tutmasının vacib olduğunu qeyd edib: "Əgər insanın dini-imanı varsa, bilməlidir ki, Allahın ona verdiyi imkan əmaanətdir. Onu zaman gələcək kiməsə ötürəcəksən və ya itirəcəksən. Biz bu işləri "Palmali” ailəsi olaraq edirik. Kimsə o dünyaya nə isə apara bilməyəcək. Kəfənin cibi yoxdur. O dünyaya heç kim pul aparmır. Allah bu imkanı verir və paylaşmaq lazımdır.

Azərbaycanda bu imkanı paylaşanlar çoxdur, sadəcə medianın xəbəri yoxdur. Amma təəssüf ki, paylaşmayanlar da var. Onlara deyirəm ki, o dünyaya heç nə apara bilməyəcəklər. Paylaşsınlar.

Xüsusilə Rusiyadakı azərbaycanlıları çox incidirlər. Bunun qarşısını almaq lazımdır. "Palmali”nin bir prinsipi var: burada 1000 nəfər işləyirsə, onun 60 faizi azərbaycanlı olmalıdır. Paylaşmağı bacarmaq lazımdır. Zatən o dünyaya gedəndə hesabını soracaqlar ki, niyə paylaşmadın? Rusiyadakı iş adamları da bir az öz xalqı üçün çalışsınlar. Yoxsa "Mən azərbaycanlıyam” deyib sinəyə vurmaq önəmli deyil. Hərəkət etmək lazımdır.

Bu gün erməni öz ermənisinə sahib çıxır. Biz niyə bu duyğularda, istəklərdə onlardan güclü olmamalıyıq. Axı onlar bizim çox altımızdadırlar, dabanımızın altındadırlar. Bütün məsələlərdə öndəyik: dövlət, irq, mədəniyyət baxımından. Onlar sadəcə birlik məsələsində bizdən öndədirlər.

Amma bizim bəzi azərbaycanlılar xaricdə qorxusundan boynuna xaç asıb gəzir. Adam dinindən, imanından dönürsə, ondan nə gözləmək olar?

Moskvada diaspora sədri olmaq üçün bizimkilər bir-biri ilə mübarizə aparır. Yaxşılıq etmək üçün mütləq bir kresloda oturmaq lazım deyil. Qardaş, yaxşılıq etmək istəyirsənsə, get elə...

Dövlətin içərisindəki oliqarx nazirlər də var. Çox nazir tanıyıram ki, xaricdə iş açıb, qohumları üçün. Amma bir azərbaycanlı işçisi yoxdur. Qazandığınızın 3-də birini xalqa verin, sonra nə edirsiniz edin. Paylaşın. Zatən oğurlayırsınız. O dünyada qaraj da yoxdur, bağ da yoxdur. Hamımız bir ağ kəfən aparacağıq, boyumuza görə. Onlar kəfəni bir az çox aparacaq, çünki çox kökdürlər...

Azərbaycanın bütün iş adamlarına tövsiyə edirəm, hər şeydən öncə cibimizi deyil, vətənimizi düşünməmiz lazımdır”.

M. Mənsimov bir müddət əvvəl məmurlara etdiyi müraciətin siyasi çaağırış kimi şərh olunmasına da münasibət bildirib: "Mən bu həyatda heç kimdən qorxmuram. Sadəcə Tanrımdan və atamdan qorxuram. Kim nə düşünür, düşünsün. Mənim beynimdə pambıq deyil, İQ var.

Mən heç zaman ikili oynamaram, siyasətlə məşğul deyiləm. Əgər mən kiminsə oğurluğunu aşkar edib deyirəmsə, özündən şübhələnsin, məndən yox. Bir neçə gün əvvəl bir qadın gəlib və uşağını maşınımın altına atır ki, mənə kömək et...

Mən kasıb bir ailədə böyüdüm. 9 uşaq idik. Anam indiki qadınlar kimi deyildi, çörək də bişirirdi, paltar da yuyrdu. Bütün işləri özü görürdü. Bizi də elə böyüdüblər.

Biz hamımız bir-birimizə dəstək olmalıyıq, əl tutmalıyıq. Hələ sən dövlətin içində oturub oğurluqla qazanırsansa, paylaşmalısan. Yoxsa, bir gün onu boğazından çıxaracaqlar. Bu dünyada da olmasa, o dünyada İnkir-Minkir başının üstünü alacaq. Onu düşünsələr anlayarlar ki, mənim bu fikirlərim siyasi məna daşımır. Əgər siyasət istəsəm, Bakıda oturub bunu edə bilərəm. Çünki bir qorxum yoxdur və halal tikə ilə böyümüşəm. Onlar isə haram yeyirlər. İnsanlığın ölməməsi lazımdır”.

Qeyd edək ki, bu fikirləri M. Mənsimov "Yeni Kanal” youtube kanalına müsahibəsində deyib. Həmin müsahibənin video versiyasını da təqdim edirik: