AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Xalik Məmmədovun qardaşının direktor olduğu şirkət məcburi köçkünün adınadı? - “Astaraçay”ın da vergidən yayındığı bildirilir


Tarix 02.09.19, 9:15	Font ölçüsü : - / +

"Relaks” istirahət və turizm mərkəzində cari il avqustun 16-da Vergilər Nazirliyinin müfəttişləri ilə bağlı baş verən hadisə ölkədə böyük biznes obyektlərinin vergidən yayındığı məsələsini gündəmə gətirib.

Vergilər Nazirliyinin "Relaks"da nəzarət tədbirinin həyata keçirilməsinə səbəb istirahət mərkəzindən dövlət büdcəsinə ödənilən vergilərin kəskin şəkildə azalması göstərilir.

Rəsmi açıqlamaya görə, 14 hektardan çox olan və qonaqların qalması üçün 142 nömrədən ibarət istirahət mərkəzində müxtəlif təyinatlı 20 obyektin fəaliyyət göstərməsinə baxmayaraq, 2018-ci ildə cəmi 10 min 726 manat, 2019-cu ilin ötən dövrü ərzində isə 972 manat məbləğində vergi ödənilib.

Bundan başqa, "Relaks” istirahət mərkəzi vahid idarəetmə sisteminə malik olmasına baxmayaraq, vergidənyayınma məqsədi ilə buradakı obyektlər ayrı-ayrı vergi ödəyicilərinin adına rəsmiləşdirilib, bir sıra obyektlər vergi orqanında uçota alınmadan fəaliyyət göstəriblər.

Qeyri-şəffaf vergi uçotuna, mühasibatlığa malik qurumlardan birinin də "Astaraçay” MMC olduğu bildirilir.

Bu barədə Arqument.az-a şirkətin əməkdaşları məlumat veriblər.

"Əgər yoxlama aparılsa, dediklərimiz təsdiqini tapacaq. Burada hansı qanunsuzluqların baş verdiyi üzə çıxacaq", - onlar bildiriblər.

Məlumatda həmçinin 2010-cu ildə təsis edilən, çay istehsalı ilə yanaşı, qara düyü və subtropik meyvələrin becərilməsi ilə məşğul olan şirkətin işçilərinin sayının "şişirdildiyi", becərilən məhsulların, xüsusən də qara düyünün sentnerinin rəsmi rəqəmlərdə az göstərildiyi bildirilir.

Məlumata görə, "Astaraçay” MMC 2018-ci ildə Astara, Lənkəran və Biləsuvar rayonlarında 1000 hektar ərazidə çəltik əkib.

Müəssisənin 1000 hektardan əldə etdiyi məhsul isə rəsmi sənədlərdə 2145 ton göstərilib. Bu isə hər bir hektara 21 sentner deməkdir.

Ekspertlərdən isə müqayisə apararaq bu rəqəmlərin inandırıcı olmadığını vurğulayırlar.

Onların sözlərinə görə, Azərbaycanda hətta müasir texniki avadanlıqlara malik olmayan, aqrotexniki qulluğu qaydasında və zamanında edə bilməyən sadə fermerlər çəltikdən hər bir hektar üzrə ən azından 32-36 sentner məhsul əldə edə bilir.

Məlumata görə, işçilərinin sayında ciddi fərqlilik olan "Astaraçay” MMC-nin rəsmi sənədlərdə sahibi 1983-cü il təvəllüdlü Ağdam rayonundan məcburi köçkün olan Ələkbərli İlkin Elxan oğludur.

Fabrikə nəzarəti isə SOCAR-ın vitse-prezidenti Xalik Məmmədovun qardaşının etdiyi deyilir.

Arqument.az mövzu ilə bağlı "Astaraçay" MMC-yə sorğu göndərsə də, 7 iş günü keçməsinə baxmayaraq, şirkətdən heç bir cavab verilməyib.

Xəbərin oxunma sayı : 1114