Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI Xatirə qırmızıya büründü - Fotolar
Axtar
 
  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

  • / Maqazin / — 17 Fevral 2024

    “Həbsxanada yataram, üzr istəmərəm” - VİDEO

Onlar 20 ildən artıqdır yüksək vəzifə tutur – Siyahı

Tarix 28.10.19, 14:50

Font ölçüsü : - / +
bitmap-img6


Onlar 20 ildən artıqdır yüksək vəzifə tutur – SiyahıPrezident İlham Əliyevin təqaüd yaşına çatmış məmurlara “könüllü istefa mesajı”ndan sonra ictimaiyyətin diqqəti iqtidar komandasındakı +70 yaşlı məmurlara fokuslaşıb.

Təqaüd yaşına çatmayan, lakin uzun illərdir yüksək vəzifələrdə çalışmaqda davam edən məmurlar isə yaddan çıxıb.

Yenisabah.az həmin məmurlardan daha populyar olanlarının siyahısını təqdim edir.

Elman Rüstəmov – 24 il

1995-ci ildən Mərkəzi Bankın sədridir. Elman Rüstəmovun sədr olduğu müddətdə bankın adı bir dəfə dəyişib. Milli Bank Mərkəzə Banka çevrilib.

Əbülfəs Qarayev – 25 il

1994-cü ildən nazir vəzifəsindədir. O, 1994-cü ildən 2001-ci ilə qədər Gənclər və idman naziri, 2001-ci ildən 2006-cı ilə qədər Gənclər, idman və turizm naziri, 2006-cı ildən 2018-ci ilə Mədəniyyət və turizm naziri və 2018-ci ildən Mədəniyyət naziridir. Beləliklə, Əbülfəs Qarayev nə az, nə çox düz 25 ildir ki, nazirdir.

Vasif Talıbov – 24 il

1995-ci ildən Naxçıvan Muxtar Respublikasının Ali Məclis sədridir.

Kəmaləddin Heydərov – 24 il

1995-ci ildən 2006-cı ilə qədər Dövlət Gömrük komitəsinin sədri, 2006-cı ildən isə Fövqaləda Hallar naziridir. Artur Rasizadənin Baş nazir olduğu dövrdə Kəmaləddin Heydərovun bu post uğrunda mübarizə apardığı barədə mediada vaxtaşırı məlumatlar dərc edilirdi.

Cahangir Əsgərov – 23 il

1996-ci ildən “Azal”ın prezidentidir. İqtidar komandasının odioz fiqurlarından hesab edilir. Cahangir Əsgərovun rəhbərlik etdiyi sahə vaxtilə Nəqliyyat Nazirliyinin tabeliyində olsa da, o heç vaxt Ziya Məmmədovu nazir, “Azalı” isə Nəqliyyat Nazirliyinin alt qurumu hesab etməyib.

Eldar Quliyev – 26 il

1993-cü ildən “Azərittifaq”ın sədridir. O, həm də 2000-ci ildən deputatdır.

Əhməd Əhmədzadə - 26 il

1993-cü ildən 2004-cü ilə qədər Nazirlər Kabineti yanında Meliorasiya və su təsərrüfatı komitəsinin sədri, 2004-cü ildən 2006-cı ilə qədər Kənd təsərrüfatı nazirinin birinci müavini, eyni zamanda Kənd Təsərrüfatı Nazirliyinin yanında Dövlət meliorasiya və su təsərrüfatı agentliyinin baş direktoru, 2006-cı ildən isə Meliorasiya və Su Təsərrüfatı ASC-nin sədridir. 26 ildir yüksək vəzifədə təmsil olunan Əhməd Əhmədzadə həm də təqaüd yaşını keçib. Onun 74 yaşı var.

Ramiz Zeynalov – 25 il

Polis general-mayoru Ramiz Zeynalov 1994-cü ilin avqust ayından Daxili İşlər Nazirliyinin Baş Dövlət Yol Polisi İdarəsinin rəisidir.

Zakir Qaralov – 19 il

2000-ci ildən Baş prokuror vəzifəsində çalışır.

Fikrət Məmmədov – 19 il

2000-ci ildən Ədliyyə naziri vəzifəsində çalışır. Nazir olduğu 18 il ərzində bir neçə dəfə onun istefaya göndərilməsi ilə bağlı təkliflər səsləndirilib.



Xəbərin oxunma sayı : 1012




Maraqlı

Xəbərlər

ARXİV
Əlaqə | Haqqımızda  
Buy website traffic cheap