AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Azərbaycanın çökən bankları kimə məxsusdur? - Adlar


Tarix 08.11.19, 12:58	Font ölçüsü : - / +

Azərbaycanın bank sektorunun ciddi islahatlara ehtiyac duyulan əsas sahələrdən biri olduğu şübhəsizdir. Bu sektorda əsas söz sahiblərinin məmur-oliqarxlar olduğu isə heç kimə sirr deyil.

AzFakt.com Azpolitika.info-ya istinadən xəbər verir ki, ölkə banklarının cari ilin ilk 9 ayının nəticələrinə dair maliyyə hesabatları bir daha göstərir ki, Azərbaycanda fəaliyyət göstərən 30 bankın təxminən 10-nun vəziyyəti qətiyyən ürəkaçan deyil.

Bunu mənfəətdən tutmuş kredit portfelinə, aktivlərin həcminə, problemli kreditlərin miqdarına qədər bir çox göstəricilər xarakterizə edir. Yeri gəlmişkən qeyd edək ki, cari ilin ilk 9 ayının nəticələrinə görə ən çox ziyan edən bank "Accessbank”dır. Bu bank 90 milyon manata yaxın zərər edib.

Bankların aktivlik səviyyəsini öllçməyə imkan verən kriteriyalardan biri də onların qeyri-faiz gəlirləridir. Xatırladaq ki, qeyri-faiz gəlirləri əsas etibarilə valyuta mübadiləsi, hesablarla əməliyyatlar, pul köçürmələri də daxil olmaqla, kreditdən başqa digər xidmətlərdən daxilolmalar hesabına formalaşır. Bu göstərici bankların müştərilərlə nə qədər aktiv işlədiyini və insanların onların xidmətlərində nə dərəcədə maraqlı olduğunu göstərir.

2019-cu ilin 3-cü rübünün nəticələrindən belə məlum olur ki, bu sahədə "axsayan” bir neçə bank var. Yerli banklardan bu sahədəki "liderlər” "Bank Avrasiya”, "Turanbank”, "Naxçıvanbank” və "NBC Bank”dır Xarici kapitallı banklardan isə "Pakistan Milli Bank”nın Bakı filialı,”Bank Melli İran”ın Bakı filialı və "Ziraat Bank Azərbaycan”ın göstəriciləri çox zəifdir. Belə ki, hesabat dövründə "Bank Avrasiya”nın qeyri-faiz gəlirləri 1 milyon 242 min manat,”Turanbank”ın qeyri-faiz gəlirləri 2 milyon 688 min manat, "Naxçıvanbank”ın qeyri-faiz gəlirləri 2 milyon 874 min manat, "NBC Bank”ın qeyri-faiz gəlirləri isə 3 milyon 26 min manat təşkil edib.

Sözügedən banklar təkcə qeyri-faiz gəlirləri deyil, mənfəət də daxil olmaqla, digər bir çöx göstəricilərinə görə də "axsayanlar” sırasına daxil edilə bilər. Bəs bu banklar kimlərə məxsusdur?

Mətbuatda dərc edilən məlumatlara inansaq, məsələn "Bank Avrasiya” Maliyyə Bazarlarına Nəzarət Palatasının sabiq sədri Rüfət Aslanlıya məxsusdur. Bu bankın maliyyə göstəricilərində geriləmələr, kiçilmələr məhz R.Aslanlı 2016-cı ildə vəzifəsindən azad ediləndən sonra müşahidə olunmağa başlayıb.

"Turanbank”ın isə "Aqrarkredit” Səhmdar Kredit Təşkilatının İdarə Heyətinin sədri, bank sektorunda heç də birmənalı qarşılanmayan Məmməd Musayevə məxsus olduğu bildirilir.

"Naxçıvanbank” Naxçıvan Ali Məclisinin sədri Vasif Talıbova yaxın şəxslərə aid edilir.

"NBC Bank”ın əsas səhmdarı və sahibi isə "Nurgün Motors” şirkətinin də prezidenti olan Nuru Əliyevdir.

Xəbərin oxunma sayı : 604