AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Oğurluğa gedən dostların başına iş gəldi - oğurladıqları malı başqası ilə dəyişdilər...


Tarix 13.03.20, 23:29	Font ölçüsü : - / +

Bakıda qazanxanadan 135 min manat dəyərində istilik sistemləri və avadanlıqları oğurlamaqda təqsirləndirilən şəxslər hakim qarşısına çıxarılıb. Onlar "Azərsu" ASC-nin su mühərrikini oğurlamaqda da suçlanırlar.

Musavat.com xəbər verir ki, Bakı Ağır Cinayətlər Məhkəməsində oğurluqda suçlanan Eldəniz Abbasov və Vüsal Məmmədovun cinayət işi üzrə məhkəmə iclası başlayıb.

Hakim Əhməd Quliyevin sədrliyi ilə keçirilən məhkəmə iclasında dövlət ittihamçısı ittiham aktını elan edib.

İş üzrə zərərçəkən şəxs qismində “İlin dörd fəsili” MMC və “Azərsu” tanınıb.

İttihama görə, təqsirləndirilən şəxslər "İlin dörd fəsli" MMC-yə məxsus yaşayış binasının qazanxanasından 135 000 manat dəyərində istilik sistemləri və avadanlıqlar oğurlayıblar.

Bundan başqa onlar "Azərsu" ASC-nin Nəsimi Rayon Sukanal İdarəsinə məxsus su mühhərrikini oğurlamaqda da ittiham edilirlər. Bununla da onlar "Azərsu"ya 1136 manat zərər vurublar.

İttihamda yazılır ki, polis əməkdaşlarının həyata keçirdikləri əməliyyat-axtarış tədbiri nəticəsində qeyd edilən cinayəti törətməkdə şübhəli bilinən paytaxt sakini Eldəniz Abbasov və Bərdə rayon sakini Vüsal Məmmədov saxlanılıblar. Onlar binanın qazanxanasında oğurluq edərkən yaxınlıqdakı nəzarət kameralarına da düşüblər.

Onlara qarşı Cinayət Məcəlləsinin 177.3.2-ci (oğurluq; külli miqdarda ziyan vurmaqla törədilikdə) maddəsi ilə ittiham irəli sürülüb.

Elan olunmuş ittihamla təqsirləndirilən şəxslər özlərini qismən təqsirli biliblər.

Təqsirləndirilən Eldəniz Abbasov sərbəst ifadə verib. O, əvvəlcə deyib ki, oğurluğu ehtiyacı olduğu üçün edib.

Abbasov bildirib ki, həbs edildikləri gün Tibilisi prospektində olan zaman yaşayış binalarından birinin istixanasından oğurluq ediblər. Onun sözlərinə görə istixananın qapısı açıq olub:

"Komendantın yanından keçib istixanaya getdik. İki su mühərrikinin üst qapağı var idi. Bir də plastmaslar. Orda bir dənə də mühərrik gördük. Qapaqları, plastmasları və mühərriki də götürüb oradan çıxdıq".

Eldəniz Abbasov ifadəsinin davamında maraqlı bir məqamı da danışıb. Məlum olub ki, onlar yolda mühərriki dəyişiblər və başlarına da iş gəlib: "Mühərriki yolda bir nəfərlə dəyişdik. Həmin adamı tanımırıq. O, küçədə dəmir yığan idi. Biz ona 100 manata satdığımızı dedik. O qədər pulunun olmadığını dedi. Bildirdi ki, özündə balaca mühərrik var. Həmin mühərriki bizdə olan mühərriklə dəyişib əlavə 30 manat verə bilər. Biz də onunla razılaşdıq. Sonra biz tutulanda bildik ki, dəyişdiyimiz mühərrik "Azərsu"nundur və oğurluqdur.

İttihamda yazılandan məlum olur ki, guya biz istixanadan bir yük maşını mal aparmışıq. Dörd tərəf də kameradır. Komendantın yanından keçmişik. Bu qədər mal iynə olub itdi? Yazılıb ki, guya 10 minlik mühərrik aparmışıq. O qədər ağılsızıq ki, 10 minlik mühərriki 100 manata sataq? Girdiyimiz istixananın qapısı açıq idi. Müstəntiq yazıb ki, qapını qırmışıq".

Eldəniz Abbasov istintaqın ədalətli aparılmadığını deyib: "Oğurluq etmişik, bunu danmırıq. Amma bu qədəri haqsızlıq deyilmi? "Azərsu"nun mühərrikini oğurlamamışıq. Bizim sayəmizdə tapılıb. Binanın istixanasından da o qədər mal aparmamışıq. Necə ola bilər ki, heç kim bizi görməyib. Ümumiyyətlə, o qədər material orda nə edirdi? O qədər mal və material olan istixananın qapısını açıq qoyarlar?".

Vüsal Məmmədov da eyni məzmunlu ifadə verib və işin ədalətli araşdırılmasını məhkəmədən xahiş edib.

Məhkəmə iclasında "Azərsu"nun Nəsimi Rayon Su Kanal İdarəsinin rəisi Fəxrəddin Baxşəliyev də ifadə verib. Deyib ki, su mühərrikinin oğurlandığını 10-15 gün sonra biliblər. Biz həmin ərazilərə ayda bir dəfə baxış keçiririk. Onda bilmişik ki, oğurluq olub".

Məhkəmə araşdırması davam etdirilir.

Xəbərin oxunma sayı : 736