Medicina.az koronavirus testi barədə 5 vacib suala cavabı araşdırıb.

Qripə bənzər simptomlar: hərarət qalxır, dərman qəbul etdikdən bir az sonra yenə artır, boğaz, sinə ağrısı. burun axması, öskürək, ağciyərlərdə küy, döş qəfəsində nəfəs alarkən ağırlıq, bəzi hallarda ürəkbulanma, diareya, qarın ağrısı, halsızlıq.

Bu virus üçün əsas xarakterik əlamət tənəffüsün çətinləşməsi və pozulmasıdır. Bu halda harasa baş götürüb qaçmaq lazım deyil, sadəcə qaynar xətt və 103 təcili yardıma zəng edib, həkimi gözləyin.

Prosedur özü bir neçə dəqiqə çəkir. Nəticə isə 1-2 gün ərzində hazır olur. Düzdür, digər ölkələrdə daha tez müddətli analizlər çıxıb, amma bizdə 1-2 gün nəticəli testlərdir.

Ekpress test üçün, yəni 1 sutkaya cavab almaq üçün qan, sidik və burundan yaxma analizi alınır.

Testin müsbət, pozitiv olması o deməkdir ki, virus var. O zaman həmin insan xəstə hesab edilir, xüsusi xəstəxanaya yerləşdirilir, onunla fiziki kontaktda olan hər kəs- ailəsindən tutmuş iş yoldaşlarına kimi hər kəs karantinə alınır. Onların hamısında test aparılmır, əgər xəstəlik simptomları görünmürsə. Sadəcə 2 həftə təcrid olunurlar ki, başqa adamlarla təmas olmasın

Koronavirusun kimdə müsbət çıxması ictimaiyyətə açıqlanmır, sizdən cavabların açıqlanması üçün xəstədən heç bir razılıq ərizəsi də alınmır. Bu, bir pasiyent sirridir. Amma bunu xəstənin açıqlaması da qadağan olunmur.