AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Kişi keçmiş arvadını sevgilisinin yanında öldürdü - Bakıda dəhşətli cinayət


Tarix 14.06.20, 15:49	Font ölçüsü : - / +

Bakıda arvadını xüsusi amansızlıqla öldürməkdə, onunla birlikdə olan kişiyə isə xəsarət yetirməkdə ittiham olunan Şəmkir rayon sakini, 1985-ci il təvəllüdlü Rəşad İbrahimzadənin işinə Ali Məhkəmədə baxılıb.

Teleqraf.com xəbər verir ki, Rəşad İbrahimzadə nikahı 14 fevral 2018-ci ildə Gəncə şəhəri Kəpəz rayon Məhkəməsi tərəfindən pozulmuş arvadı Zəhra İbrahimovanın başqa kişilərlə görüşərək, əxlaqsız həyat tərzi keçirməsindən şübhələnib.

Rəşad keçmiş arvadınmı izləməyə başlayıb və onu 1 may 2018-ci ildə, saat 8 radələrində Bakı şəhəri, “Gənclik” metrosu yaxınlığında avtobus dayanacağında 199 nömrəli marşrut avtobusuna əyləşdiyini görüb. Rəşad taksi maşınında onu izləyərək arxasınca gedib.

Zəhranın Xətai prospektində “Yaşıl bazar”ın qarşısında avtobusdan düşdüyünü görüb. Rəşad onu izləməkdə davam edib. Xətai prospektində, “Atlas” özəl tibb klinikasının qarşısında keçmiş arvadının əvvəllər tanımadığı Emil Əliyevlə səmimi görüşüb, yanaşı getdiklərini görüb.

Rəşad onların yaxın münasibətlərdə olduqlarını başa düşüb və arvadına çoxsaylı bıçaq zərbələri vurub. Qadın aldığı xəsarətdən hadisə yerində ölüb.

Rəşad keçmiş arvadı ilə birlikdə olan Emil Əliyevə də bir neçə bıçaq xəsarəti yetirib. Emil Əliyevə xəstəxanada tibbi yardım göstərildiyindən həyatını xilas etmək mümkün olub.

İstintaq orqanı tərəfindən Rəşad İbrahimzadənin barəsində Cinayət Məcəlləsinin 120.1-ci (qəsdən adam öldürmə), 29,120.2.7-ci (iki və ya daha çox şəxsi öldürməyə cəhd) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə) maddələri ilə ittiham elan edilib.

Cinayət işi üzrə təqsirləndirilən şəxs qismində ifadə verən Rəşad İbrahimzadə elan olunmuş ittiham üzrə özünü qismən təqsirli bilib. O bildirib ki, keçmiş arvadının başqa-başqa kişilərlə görüşüb, əxlaqsızlıq etdiyini eşidib. Bunu dəqiqləşdirmək üçün onu izləməyə başlayıb: “Mayın 1-də arvadımı “Atlas” özəl tibb klinikasının qarşısında tanımadığım kişi ilə səmimi görüşdüyünü gördüm. Bu məndə daha da qısqanclıq yaratdı. Onların yaxın münasibətlərdə olduqlarını güman etdim.

Təxminən iki il əvvəl əldə etdiyim və üstümdə gəzdirdiyim bıçaqla əvvəlcə Zəhranı vuraraq öldürdüm. Emilə də bıçaqla zərbə endirib hadisə yerindən qaçdım”.

Cinayət işi üzrə zərərçəkmiş şəxs qismində tanınan Emil Əliyev bildirib ki, Zəhra ilə yaxın münasibətləri olsa da, təxminən hadisədən iki gün əvvəl onun İntsaqram sosial şəbəkəsində müxtəlif qadın müğənnilərlə birlikdə çəkilmiş şəkillərini gördüyü üçün aralarında mübahisə olub və münasibətləri soyuyub: “Zəhra ilə növbəti gün barışdıq. Sonra Zəhraya iş tapdığımı deyərək, ona “Şərq Bazarı”nın arxasında yerləşən ofisə getməli olduğunu bildirdim”.

Emil Əliyevin sözlərinə görə, aprelin 30-da Zəhra Nicat adlı dostunun ofisinə getməyib, buna səbəb isə Zəhranın yuxudan gec oyanması olub: “Növbəti gün səhər saat 8 radələrində idarə etdiyim “Mercedes” markalı avtomobilimə mindim və işə getdim. İşə çatdıqdan təxminən 10-15 dəqiqə sonra Zəhra mənə zəng edərək, “Şərq Bazarı”nın qarşısında olduğunu, ofisin yerini tapmadığını, Nicata zəng etsə də, onun telefona cavab vermədiyini dedi. İş yerim olan “Ceramic Center” həmin yerə yaxın olduğu üçün Zəhraya gözləməsini istədim. Bir qədər sonra “Şərq Bazarı”nın yanında Zəhra ilə görüşdük. Birlikdə “Dəmir Bank”ın ofisi istiqamətində getdik”.

Emil Əliyev qeyd edib ki, bu vaxt Zəhranın istifadəsinə olan mobil telefona zəng gəlib: “Zəhra cavab verərkən “sənə deyirəm ki, işdəyəm” və “sən yenə dəlimi oldun” sözlərini deyərək telefonu söndürdü. Zəng edənin kim olduğunu soruşdum. Zəhra zəng edənin keçmiş əri Rəşad olduğunu söylədi. Zəngdən heç bir dəqiqə keçməmiş o, geri dönərək keçmiş ərinin arxasınca gəldiyini dedi. Mən də Zəhranın bu sözlərindən sonra geriyə dönərək baxdım. Rəşadın əlindəki bıçağı açdığını gördüm”.

Emil Əliyev deyib ki, həmin vaxt nə baş verdiyini anlayıb: “Bir də gördüm ki, Rəşad Zəhraya hücum etdi. Ona mane olmaq istədim. Rəşad mənim də üstümə bıçaq çəkdiyi üçün geriyə doğru qaçdım.

Zəhraya ardıcıl zərbələr endirdiyini gördüm və ayırmaq məqsədilə yenidən Rəşadın üstünə qaçdım.

Həmin vaxt ayağım dəmirə ilişdiyindən arxası üstə yerə yıxıldım. Rəşad məni bu vəziyyətdə olduğumu gördü, üstümə hücum edərək qarın və ayaq nahiyələrimə ardıcıl zərbələr vurmağa başladı. Ona müqavimət göstərməyə çalışsam da, Rəşad zərbələr endirməkdə davam etdi. Zərbələr vurduqdan sonra yerdə hərəkətsiz vəziyyətdə qaldığımdan öldüyümü düşündüyü üçün getdi.

Bir qədər sonra ayağa qalxdım və bir neçə metr irəlidə Zəhranın yıxılı vəziyyətdə olduğunu, orada toplaşan şəxslərin onu “Atlas Medical” klinikasına tərəf apardıqlarını gördüm. Özüm də yeriyərək qanlı vəziyyətdə klinikaya daxil oldum”.

Emil Əliyev əlavə edib ki, həkimlərin Zəhraya tibbi yardım göstərmələrinə baxmayaraq onun həyatını xilas etmək mümkün olmayıb. Bir qədər sonra Təcili Tibbi Yardım briqadası gəlib və Zəhranın öldüyünü bildirib.

Bakı Ağır Cinayətlər Məhkəməsi Rəşad İbrahimzadəyə 17 il müddətinə azadlıqdan məhrum etmə cəzası təyin edib.

Hökmdən narazı qalan Rəşad İbrahimzadə apelyasiya şikayəti verib. O, himayəsində 3 azyaşlı uşağın olmasının nəzərə alınıb cinayət işinə yenidən baxılmasını, barəsində yüngül qərar qəbul olunmasını xahiş edib.

Rəşad İbrahimzadənin apelyasiya şikayəti araşdırılması üçün Bakı Apelyasiya Məhkəməsinə göndərilib. Şikayət hakim Namiq Məmmədovun sədrlik etdiyi kollegiyada araşdırılıb.

Apelyasiya şikayətinin dəlillərini araşdıran hakim heyəti sonda qərar elan edib. Rəşad İbrahimzadənin apelyasiya şikayəti təmin olunmayıb.

Bu qərardan narazı qalan Rəşad İbrahimzadənin vəkili Hidayət Məmmədov kasasiya şikayəti verib. Vəkil kasasiya şikayətində göstərib ki, müdafiə etdiyi şəxs könüllü olaraq polislərə təslim olub, himayəsində üç azyaşlı uşağı var.

Vəkil qeyd edib ki, Rəşad İbrahimzadənin keçmiş həyat yoldaşının əxlaqsız hərəkətləri nəticəsində ailəsi dağılıb. Vəkilin sözlərinə görə, ona cəza təyin edilərkən bu vəziyyət yüngülləşdirici hal kimi nəzərə alınmayıb, əksinə hadisə zamanı istifadə etdiyi cib bıçağının soyuq silah qismində qeyd alınması cəzasını daha da ağırlaşdırmasını bildirilib.

Vəkil vurğulayıb ki, Rəşad İbrahimzadənin barəsində olan cinayət işinə hüquqi qiymət verilməlidir. O, müdafiə etdiyi şəxsin ittiham olunduğu Cinayət Məcəlləsinin 29,120.2.7-ci maddəsinin həmin məcəllənin 126.1-ci (qəsdən sağlamlığa ağır xəsarət yetirmə) maddəsinə tövsif edilməsini istəyib.

Bu şikayətə Ali Məhkəmədə hakim Fərhad Köərimovun sədrlik etdiyi kollegiyada baxılıb. Hakim heyəti vəkilin kasasiya şikayətini qismən təmin edib.

Rəşad İbrahimzadənin cəzasını 13 il 3 aya endirilməsi barədə qərar qəbul edilib.

Xəbərin oxunma sayı : 1417