AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Ordusu olmayan ölkələr: Onları kim və necə qoruyur? (SİYAHI)


Tarix 16.01.21, 23:30	Font ölçüsü : - / +

Bu ölkələr rəsmi olaraq silahlı qüvvələrə malik deyillər. Dünyanın müxtəlif yerlərində ordusu olmayan ölkələr var. Bu ölkələrin ordusu olmasa da, onların təhlükəsizliyi güclü dövlətlərin qoruması altındadır.

Ordusu olmayan ölkələr haqqında maraqlı məlumatları təqdim edirik:

Haiti

Hər zaman gərgin xəbərlərlə gündəm olan Haitidə 1995-ci ildə ordu tamamilə sıradan çıxarılıb. Ancaq ordunun geri qaytarılması üçün başlayan iğtişaşlar zamanı milli polis qüvvələri kiçik bir ordu bölməsini saxlamağa məcbur olublar.

İslandiya

İslandiya Silahlı Qüvvələri İslandiyaya kənardan gələ biləcək hərbi təhdidlərə qarşı qorumaqla vəzifəli olan qurumdur. Silahlı qüvvələr yalnız Sahil Təhlükəsizlik qurumundan ibarətdir. İslandiyanın NATO üzvü olmasına baxmayaraq, hərbi gücü yoxdur deyiləcək qədər azdır. Təcili bir vəziyyətdə Milli Komissiyaya tabe olan üzvləri İslandiyanın müdafiəsində iştirak edə bilər.

Kosta Rika

Kosta Rikanın rəsmi olaraq ordusu yoxdur. Lakin sərhəd təhlükəsizliyi və hüquq-mühafizə əməliyyatlarını həyata keçirən kiçik miqyaslı qoşunları var. Kosta Rika Ordusu, hüquq-mühafizə vəzifələri üçün bir jandarma hesab olunur.

Mauritus

Burada 1968-ci ildən etibarən təhlükəsizlik polis qüvvələri tərəfindən təmin edilir. Qeyri-rəsmi olaraq Hindistanın qorunması altındadır.

Monako

17-ci əsrdə silah texnologiyasındakı böyük inkişaflardan sonra Monako öz ordusundan imtina edib. Zəruri hallarda qoruma Fransaya aiddir.

Panama

1994-cü ildə ordu tərxis edilib və eyni il konstitusiyaya dəyişikliklər olunub. Polis və sahil mühafizəsinin səlahiyyətlilərinə məhdudiyyətlər tətbiq edilib.

Andorra

Andorranın daimi ordusu yoxdur, lakin İspaniya və Fransa ilə müdafiə müqavilələri imzalanıb. Ölkənin kiçik könüllü ordusu mərasimlərdə iştirak etmək üçün fəaliyyət göstərir. Hərbiləşdirilmiş Andorra Polis Müdaxilə Qrupu milli polisin bir hissəsidir. Ölkədə hərbi müdafiənin təmin edilməsinə Fransa və İspaniya kömək edir.

Dominika

Dominika 1981-ci ildən bəri daimi orduya malik deyil. Ölkədə hərbi müdafiəni Regional Təhlükəsizlik Sistemi təmin edir.

Qrenada

Qrenadanın 1983-cü ildə ABŞ tərəfindən işğal edilməsindən bəri daimi orduya malik deyil. Qrenada Krallıq Polis Qüvvəsi ölkənin daxili təhlükəsizliyinin qorunub saxlanması üçün hərbiləşdirilmiş bir xüsusi xidmət bölməsini idarə edir. Ölkədə hərbi müdafiəni Regional Təhlükəsizlik Sistemi təmin edir.

Kiribati

Kiribati konstitusiyasına əsasən, fəaliyyətinə icazə verilən tək hərbi qüvvə polisdir. Kiribatinin dövlət polis qüvvəsinə təhlükəsizliyin qorunması üçün bir Dəniz Kəşfiyyatı bölməsi daxildir. Dəniz Kəşfiyyat bölməsinin işçiləri kiçik atıcı silahlardan istifadə edirlər. Ölkədə hərbi müdafiənin təmin edilməsinə Avstraliya və Yeni Zelandiya kömək edir.

Lixtenşteyn

Lixtenşteyn öz ordusunu 1868-ci ildə çox bahalı hesab etdiyindən ləğv edib. Ölkə konstitusiyasına görə, ordu sadəcə müharibə vaxtı təsis edilə bilər, ancaq bu hadisə heç vaxt baş verməyib. Buna baxmayaraq, Lixtenşteyndə polis qüvvəsi və "SWAT" komandası fəaliyyət göstərir. Onlar ölkənin daxili təhlükəsizliyini təmin etmək üçün əməliyyatlar keçirirlər və atıcı silahlar daşıyırlar. Ölkədə hərbi müdafiənin təmin edilməsinə Avstriya və İsveçrə kömək edir.

Marşall adaları

Marşall adalarında ölkənin əsasının qoyulduğu tarixdən bəri fəaliyyətinə icazə verilən tək qüvvə polisdir. Marşall adalarının dövlət polis qüvvəsinə daxili təhlükəsizliyin qorunması üçün bir Dəniz Kəşfiyyatı bölməsi daxildir. Dəniz Kəşfiyyatı bölməsi işçiləri kiçik atıcı silahlardan istifadə edirlər. müdafiəni Amerika Birləşmiş Ştatları təmin edir.

Mikroneziya

Mikroneziyanın əsasının qoyulduğu tarixdən bəri heç bir silahlı qüvvə təsis edilməyib. Fəaliyyətinə icazə verilən tək qüvvə polisdir. Mikroneziyanın dövlət polis qüvvəsinə daxili təhlükəsizliyin qorunması üçün bir Dəniz Kəşfiyyatı bölməsi daxildir. Dəniz Kəşfiyyatı bölməsi işçiləri kiçik atıcı silahlardan istifadə edirlər. Qurum "Azadlıq" (ing. Independence) adlı kiçik bir "Pasifik" tipli patrul katerinə malikdir. Azad Assosiasiya Sazişinin qanunlarına əsasən, ölkədə hərbi müdafiəni Amerika Birləşmiş Ştatları təmin edir.

Nauru

Naurunun əsasının qoyulduğu tarixdən bəri rəsmi bir ordu təsis edilməyib, lakin ölkədə daxili təhlükəsizliyin qorunub saxlanılması üçün nisbətən böyük və silahlı bir polis qüvvəsi fəaliyyət göstərir. Ölkədə hərbi müdafiənin təmin edilməsinə Avstraliya kömək edir.

Palau

Palaunın əsasının qoyulduğu tarixdən bəri fəaliyyətinə icazə verilən tək qüvvə polisdir. Palaunun dövlət polis qüvvəsinə ölkədə daxili təhlükəsizliyin qorunması üçün 30 nəfərlik bir Dəniz Kəşfiyyatı Bölməsi daxildir. Dəniz Kəşfiyyatı Bölməsi işçiləri kiçik atıcı silahlardan istifadə edirlər.

Sent-Lüsiya

Sent-Lüsiyada da fəaliyyətinə icazə verilən tək qüvvə polisdir. Sent-Lüsiyanın dövlət polis qüvvəsinə daxili təhlükəsizliyin qorunması üçün 116 nəfərlik bir Xüsusi Xidmət bölməsi və Sahil Mühafizəçi bölməsi daxildir. Ölkədə hərbi müdafiəni Regional Təhlükəsizlik Sistemi təmin edir.

Sent-Vinsent və Qrenadin

Sent-Vinsent və Qrenadində də fəaliyyətinə icazə verilən tək qüvvə polisdir. Sent-Vinsent və Qrenadinin dövlət polis qüvvəsi 94 nəfərlik iki kiçik hərbiləşdirilmiş qüvvədən- Xüsusi Xidmət Vahidi və Sahil Mühafizəsindən ibarətdir. Ölkədə hərbi müdafiəni Regional Təhlükəsizlik Sistemi təmin edir.

Samoa

Samoanın dövlət polis qüvvəsinə ölkədə daxili təhlükəsizliyin qorunması üçün bir Dəniz Kəşfiyyatı bölməsi daxildir. Dəniz Kəşfiyyatı bölməsi işçiləri kiçik çaplı odlu silahlardan istifadə edirlər. 1962-ci il Dostluq sazişinin qanunlarına əsasən, ölkədə hərbi müdafiəni Yeni Zelandiya təmin edir.

Vatikan

Bu ölkəni qoruyan gözətçi polislər isveçrəlidir.

Solomon Adaları

Bu ölkədə 1998-2006-ci illərdə yaşanan etnik qarşıdurmalar nəticəsində Avstraliya və digər Sakit okean ölkələri bir araya girərək sülhü təmin edib. Bu ölkədə də ordu yoxdur.

Musavat.com

Xəbərin oxunma sayı : 448