Bununla gözlənildiyinin əksinə olaraq lider namizəd Razi Nurullayevin səsləri azalmaq əvəzinə artıb. Belə ki, MSK-nın təqdim etdiyi rəqəmlərdə onunla ikinci yeri tutan namizəd Murad Fərzəliyev arasında cəmi 42 səs fərqi vardı.

Ehtimal edilirdi ki, MSK 79 saylı seçki dairəsində cəmi bir məntəqədə nəticələri ləğv etməklə qalib namizədi dəyişə bilər. Göründüyü kimi, seçki adminstrasiyası 1 yox, 5 məntəqədə nəticələri etibarsız saysa da, Razi Nurullayevin aldığı etibarlı səslərin sayı təxminən 5 dəfə artaraq 202-ə çatıb. Çünki ləğv olunan məntəqələrdə Razi Nurullayevin rəqibləri böyük fərqlə ona qalib gəlmişdilər.

Seçki günü keçirilən "Exit-poll" R.Nurullayevin qalib gəldiyini açıqlasa da, az sonra MSK lider namizədin Murad Fərzəliyev olduğunu elan etdi. Fevralın 10-da isə seçki qurumu yenidən bu dairə üzrə nəticələrə "əl gəzdirib" R. Nurullayevi qalib saydı.

AzPolitika.info