AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

“3 ildir bina hazırdır, mənzilimizə köçə bilmirik” – “Star” MTK-dan Prezidentə şikayət


Tarix 27.07.21, 19:00	Font ölçüsü : - / +

“Star-M” MTK-nın Nəsimi rayonu H.Ələsgərov, C.Hacıbəyli, Q.Quliyev və M.Qaşqay küçələrini əhatə edən 987-ci məhəllə, H.Ələsgərov 31/33 ünvanında inşa etdiyi yüksək mərtəbəli yaşayış binası 2018-ci ildə təhvil verilməli olsa da, bu günə qədər yaşayışa hazır vəziyyətə gətirilmir.

Bu barədə “AzPolitika.info” saytına həmin binadan mənzil almış Məmmədli Tuqay Xaqani oğlu bildirib. Şikayətçi media vasitəsi ilə ölkə Prezidenti İlham Əliyevə müraciət edərək, sakinlərin hüquqlarını pozan MTK-ya qarşı tədbir görülməsini xahiş edir. T.Məmmədli qeyd edir ki, sözügedən binanın 11-ci mərtəbəsində yerləşən, sahəsi 116,87 m² olan 2 otaqlı mənzil alıb: “12.12.2017 tarixində bağladığımız müqaviləyə əsasən, aldığım mənzilin dəyəri tam ödənildiyi gün mənə təhvil verilməli idi. Bundan dərhal sonra mənzili təmir edə və yaşaya bilərdim. Müqaviləyə uyğun olaraq, məbləğin hamısını 14 may 2018-ci il tarixində ödəyərək, “Maliyyə arayışı” əldə etmişəm. Lakin 3 ildən çoxdur ki, bina yaşayışa verilmir. Belə ki, tikinti tam başa çatdırılmayıb, elektrik enerjisi, su və qaz verilmir”.

Şikayətçinin sözlərinə görə, hər dəfə tikinti şirkətinin Nərimanov metrostansiyasının yaxınlığında yerləşən ofisinə getsə də, müxtəlif vədlər verilərək yola salınıb. T.Məmmədli əlavə edir ki, tikinti şirkətinin faktiki rəhbəri Məhərrəm Məhərrəmov adlı şəxs son görüşdə onu təhqir edərək, otağından çıxmasını tələb edib: “Həmin vaxtdan etibarən ofisinə dəfələrlə getsəm də, onu görə bilməmişəm. Həmçinin, bu binadan mənzil alan digər vətəndaşlar da onunla əlaqə qura bilmirlər. Müqavilədə adı keçən V.Qasımov adlı şəxs isə heç bir işə qarışmayaraq, məsuliyyəti öz üzərindən atır. Digər iştirakçı R.Bayramov narahatlığın tezliklə aradan qalxacağını vəd edərək, məni gözləməyə dəvət edir”.

Mənzil sahibi vurğulayır ki, 3 ildən artıq zaman keçib, amma verilən vədlər özünü doğrultmur. “Bu da təbii olaraq işin içində fırıldaq ola biləcəyinə dair bizdə şübhələr yaradıb. Əgər ciddi bir səbəb olmasa idi, 2018-ci ilin may ayında artıq son mərtəbəsi hazır olan bina, bu 3 ildə istismara qəbul olunardı”, - deyə şikayətçi qeyd edib.

“Star” MTK barədə apardığımız araşdırma zamanı məlum oldu ki, müxtəlif vaxtlarda mətbuatda tikinti şirkətinin qanunsuz hərəkətləri ilə bağlı materiallar dərc olunub. Məqalələrin birində qeyd olunur ki, Nəsimi rayonu H.Ələsgərov, C. Hacıbəyli, Q.Quliyev və M.Qaşqay küçələrini əhatə etdiyi 987-ci məhəllə, H.Ələsgərov 31/33 ünvanında inşa edilmiş yaşayış binasında ümumi sahəsi 227,17 kv.m olan 4 otaqlı mənzil sahibinin xəbəri olmadan MTK-nın rəhbəri Məhərrəm Məhərrəmov tərəfindən başqa bir şəxsə satılıb. Mənzil sahibi iddia edib ki, həmin ünvana gedəndə, aldığı mənzilin tam təmir olunduğunu, qapısının dəyişdirildiyini görüb. Bu barədə MTK rəhbərinə şikayət etsə də, nəticəsi olmayıb.

Şikayətlə bağlı “Star” MTK-ya müraciət etdik. Şirkətdən özünü təqdim etməyən əməkdaş bildirdi ki, həmin binanın tikintisi başa çatmayıb və suallara cavab almaq üçün əraziyə gəlib, müvafiq şəxslərdən ətraflı məlumat almaq mümkündür.

3 ildir tikintisi başa çatmış binanın istismara qəbul olunmamasının səbəblərini öyrənmək üçün Bakı Şəhər İcra Hakimiyyətinin İctimaiyyətlə əlaqələr şöbəsinə açdığımız telefon zəngləri isə cavabsız qaldı.

Problemi diqqətdə saxlayacağıq.

Xəbərin oxunma sayı : 421