Azərbaycana Qələbə qazandıran xalq-ordu birliyini xüsusi ilə vurğulayan Ərdoğan Qarabağda Zəfər qazanmaq üçün tək yumruq, tək ürək olan, milli birlik və bərabərlik hisslərini ən yüksək səviyyədə nümayiş etdirən Azərbaycan xalqının tarixi ədaləti bərpa etdiyini və gözlərini qırpmadan Vətən üçün, Qarabağ üçün, Qarabağın azadlığı üçün qəhrəmancasına mübarizə aparan Azərbaycan Silahlı Qüvvələrinin böyük tarix yazmış olduğunu qeyd etdi.

Azərbaycan və Türkiyə bütün tarixi dövrlərdə çiyin-çiyinə dayanıblar. Bu müqəddəs Vətən müharibəsi dövründə Türkiyə həm dövlət, həm də millət olaraq bütün qəlbi ilə Azərbaycanın yanında yer almışdır. Balkan müharibəsi zamanı Azərbaycanın Dövlət Himninin sözlərinin müəllifi Əhməd Cavad azərbaycanlı gənclərlə birlikdə Osmanlı ordusunun sıralarında döyüşməsi, Çanaqqalada Azərbaycandan gələn igidlərin Anadolunun dəliqanlıları birlikdə mübarizə aparması və birlikdə şəhadətə ucalıb zəfər qazanmaları, Qafqaz İslam Ordusunun aslanları – Nuru Paşanın əsgərlərinin Azərbaycan xalqının yardımına gəlməsi iki türk dövlətinin bağlarının keçmişə dayandığını və bu gün və gələcəkdə də hər iki xalqın bərabər olacağının sübutudur.

Yeganə Məmmədova,

Beyləqan rayon İcra hakimiyyəti başçısının müavini,İctimai-siyasi və humanitar məsələlər şöbəsinin müdiri