AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

“İlğım” şirkəti ilə bağlı daha bir qalmaqal: İşçilər üsyan edir…


Tarix 14.02.25, 11:48	Font ölçüsü : - / +

Bakıda fəaliyyət göstərən "İlğım” şirkətindən bir qrup şəxs narazıdır.

Məsələ ilə bağlı "Yeni Sabah”ın redaksiyasına şikayət daxil olub. Bildirilir ki, şirkət heç bir əsas olmadan bir neçə sürücünü işdən azad edib. Şikayətçilərin sözlərinə görə, onların əmək müqaviləsinə xitam verilmədiyi halda işdən çıxarıldıqları bildirilib. İşdən azad olunanların arasında xeyli sayda Vətən Müharibəsi qazisinin də olduğu bildirilir.

Onların iddiasına əsasən, şirkət tərəfindən nə maaş, nə də təzminat ödənilib. İşçilərə Sabirabada ezam olunmaq və orada işləmək təklif edilib, lakin sürücülər ailə vəziyyətlərini əsas gətirərək bunu qəbul etməyiblər. Şikayətçilər arasında 7 il şirkətdə çalışan qazi atası da var. Onlar haqlarını tələb edir və bu məsələyə müvafiq qurumların müdaxilə etməsini istəyirlər.

Məsələyə aydınlıq gətirmək üçün "İlğım” şirkəti ilə əlaqə saxladıq. Müəssisənin rəhbəri Nəzir Mənsimov saytımıza açıqlamasında bildirdi ki, işçilərə alternativ iş təklif olunub, lakin onlar bunu qəbul etməyiblər:

"Sürücülərə başqa iş təklif olunub, ancaq onlar bundan imtina ediblər. Onların arasında ciddi məsuliyyətsizlik edənlər də var. İddia etdikləri səbəblər isə əsassızdır. Təklifi qəbul etmədikləri üçün əmək müqavilələrinə xitam verilib".

Nəzir Mənsimov əlavə edib ki, sürücülərin hər hansı əraziyə ezam olunmaları ilə bağlı əmək müqaviləsində heç bir göstəriş qeyd olunmayıb.

Bəs qanun bu barədə nə deyir?

Əmək müqaviləsində ezamiyyət (komandirovka) ilə bağlı hər hansı bir qeyd yoxdursa, bu, işçinin ezamiyyətdən imtina etməsi üçün əsas ola bilər. Lakin bu halın işçinin əmək müqaviləsinə xitam verilməsinə səbəb olub-olmayacağı bir neçə amildən asılıdır. Əgər işçinin vəzifə təlimatlarında və ya daxili qaydalarda ezamiyyətə getmək tələbi varsa, o zaman işçi bundan imtina etdikdə əmək funksiyasını yerinə yetirmədiyi hesab edilə bilər. Bu halda işəgötürən əmək müqaviləsinə xitam verə bilər.

Azərbaycan Respublikasının Əmək Məcəlləsinə əsasən, işçi ilə bağlanan əmək müqaviləsində ezamiyyət məsələləri tənzimlənməlidir. Əgər müqavilədə və ya daxili nizamnamələrdə ezamiyyətə dair hər hansı tələb yoxdursa, işçidən bunu tələb etmək qanuni əsas daşımaya bilər. Müqavilədə işçinin ezamiyyətə göndərilməsi ilə bağlı açıq şəkildə qeyd olunmasa da, işəgötürənə bu səlahiyyətin verildiyini göstərən ümumi ifadələr (məsələn, "işəgötürənin göstərişi ilə digər yerlərdə işləmək" kimi) varsa, işəgötürən bunu əsas götürə bilər.

Əgər işçinin ezamiyyətdən imtinası əsaslandırılmış səbəblərlə (məsələn, sağlamlıq vəziyyəti, ailə vəziyyəti və s.) bağlıdırsa, işəgötürən bu halda işçiyə qarşı əmək müqaviləsinin pozulması ilə bağlı tədbirlər görə bilməz.

Xəbərin oxunma sayı : 754