AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Dövlət qurumlarının “ötür-ötür“ oyunları böyük narazılıq yaradır“ - Sakinlər Prezidentə müraciət etdilər


Tarix 13.02.25, 18:15	Font ölçüsü : - / +

Nərimanov rayonu, Faiq Yusifov küçəsi, bina 43 və 43a binalarını qanunsuz şəkildə sökərək yerində çoxmənzilli bina inşa etmək istəyən “Gold Məkan” MMC tikinti şirkəti sakinlərin etirazına, heç bir rəsmi qurumdan icazə almamasına rəğmən artıq bir neçə aydır ki, qanunsuz şəkildə ərazidə söküntü işləri aparır.

Qeyd edək ki, bina sakinləri sözügedən şirkətin onlara təklif etdiyi məbləğlə razılaşmadıqları üçün mənzillərini boşaltmaq istəmirlər. Lakin “Gold Məkan” şirkəti problemi həll etmək, razılığa gəlmək əvəzinə söküntü işlərinə mane olmaq istəyən sakinlərə fiziki zorakılıq tətbiq edir. Binaları söküləcəyi təqdirdə prsosesin qanuni əsaslarla icra olunmasını tələb edən sakinlər isə üzləşdikləri qanunsuzluqlarla bağlı lazımi orqanlara müraciət etsələr də, indiyədək bunun ciddi bir faydasını görmədiklərini deyirlər.

Bu barədə binanın bir qrup sakini adından “AzPolitika”-ya müraciət edən biri Fətullayeva Adilə Adil qızı ötən ilin mart ayından Nərimanov rayon Məhkəməsi tərəfindən aparılan mülki məhkəmə işinin az qala bir il vaxt keçməsinə baxmayaraq hələ də yekunlaşmadığını bildirir: “Nərimanov rayon Məhkəməsinin qanuni qüvvəyə minmiş 16(005)- 84/2024 saylı, 12.03.2024-cü il tarixli qərardadına əsasən, məhkəmənin icraatında olan 2(005)-1871/2024 saylı mülki iş üzrə yekun qərar qəbul edilənədək binanın ətrafında söküntü, tikinti və binanı qəzalı vəziyyətə sala biləcək hər hansı bir fəaliyyət göstərilməsi “Gold Məkan” MMC-yə qadağan edilib. Ötən ilin avqustunda ekspertiza təyin olundu. Burada bizim binanın qarşısındakı yataqxanalar söküləcəyi təqdirdə bizə nə dərəcədə ziyan dəyə biləcəyi, yollarda gediş-gəlişin hansı səviyyədə məhdudlaşacağıyla bağlı suallar qoyuldu. 7 noyabr tarixində əraziyə baxış keçirilsə də, Ədliyyə Nazirliyinin Ekpertiza İdarəsindən sorğu ünvanlandı ki, Fövqəladə Hallar Nazirliyinin də nümayəndəsi burada iştirak etsin. Lakin FHN iş çoxluğuna görə nümayəndə göndərə bilmir və bu səbəbdən də rəy almaq mümkün olmur. 6 aydır ki, ekspertizanın rəyini gözləyirik. Hətta bir dəfə rəy verilmədən məhkəməyə məktub göndərilib. Bu səbəbdən hakim Solmaz Ədilova yenidən sorğu ünvanlayıb və ekspertiza rəyi tələb edib”.

Şikayətçi qeyd edir ki, sözügedən müddət ərzində “Gold Məkan” MMC qanunsuz söküntü işlərinə davam edib.

“Fövqəladə Hallar Nazirliyi sözügedən şirkətə qarşı cinayət işi açıb. Müvafiq qurumların qərarlarına baxmayaraq, heç bir sənədi olmayan şirkət hələ də qanunsuz şəkildə yaşayış olan binaları sökməyə davam edir. Bir bina artıq sökülüb. İndi isə ikinci binanı sökürlər”, - deyə şikayətçi qeyd edir.

A. Fətullayeva Nərimanov rayon İcra Hakimiyyətinin fəaliyyətindən narazılıq edir, baş verən hadisələrin bu mərhələyə çatmasında sözügedən qurumu günahlandırır: “Bütün qurumlara müraciət etmişik. Yazmadığımız, qapısını döymədiyimiz qurum qalmayıb. Nərimanov rayon İcra Hakimiyyəti heç nə etmir. Qanunsuz söküntüyə göz yumur. Hakim Meminat Hacyıevanın sədrliyi ilə keçirilən məhkəmədə bildirilmişdi ki, icra hakimiyyətinin nümayəndələrinin məhkəməyə gəlməsi zəruridir. Lakin gəlmədilər. Əvəzində “Gold Məkan”ın nümayəndəsi üçüncü tərəf kimi məhkəməyə gəlmişdi. Lakin biz bildirdik ki, onlar bizə tərəf deyil. Çünki 15 dekabr tarixində FHN-nin qərarı ilə işlər dayandırılıb və onların heç bir icazələri yoxdur. 17 dekabrda isə Nərimanaov Prokurorluğu tərəfindən cinayət işi qaldırlıb. Meminat Hacıyevə məhkəməni təxirə saldı və 17 fevral tarixinə təyin etdi. Nərimanov rayon Məhkəməsinin sədri Həbib Həsənovun göstərişi ilə məhkəmə uzadılır”.

Aidiyyatı dövlət qurumlarının məsələyə etinasız yanaşmasından şikayətlənən A. Fətullayeva sonda sakinlərin adından Prezident İlham Əliyevə müraciət edərək məsələnin araşdırılmasını və bu barədə lazımi tədbirlərin görülməsini xahiş edir:" Dövlət qurumlarının "ötür-ötür" oyunları vətəndaşların böyük narazılığına səbəb olur. Cənab Prezidentdən xahiş edirik ki, vu məsləni nəzarətinə götürsün".

Qeyd edək ki, yazıda qeyd olunanlarla bağlı adı keçən dövlət qurumları, həmçinin "Gold Məkan" MMC-nin də mövqeyini işıqlandırmağa hazırıq.

Xəbərin oxunma sayı : 790