AzFakt

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

“Azərbaycanofoblar Ermənistanı yeni müharibəyə təhrik edirlər“ - Prezident xalqa müraciət ünvanladı

Paşinyan yenə imtina etdi... - Bakı və İrəvan arasında sülh danışıqları dalana dirənib

İdmanın inkişafı ölkənin ümumi inkişafı deməkdir


Tarix 28.12.24, 7:00	Font ölçüsü : - / +

Ölkəmizdə hər ilin sonu və ya hər ilin əvvəlində idmançıların mənzillər, dövlət təltifləri ilə mükafatlandırılması həyata keçirilir. Artıq bu proses ənənə halını alıb və 27 ildir ki, davam edir. Ölkəmizdə idmanın inkişafı üçün bir çox amillər vəhdət təşkil edir. Burada ilk növbədə dövlətin dəstəyini qeyd etmək lazımdır.

Dekabrın 24-də 2024-cü ilin idman yekunklarına həsr olunan mərasimdə çıxışı zamanı Prezident İlham Əliyev Azərbaycan idmanına olan dövlət qayğısından geniş bəhs etdi. Ölkə başçısı vurğuladı ki, əgər idmançılara dövlət qayğısı göstərilməsə, idman inkişaf edə bilməz. Həm idmançılar, həm də idman ictimaiyyətinin nümayəndələri, eyni zamanda, məşqçilər və digər idman mütəxəssisləri dövlət tərəfindən layiqincə qiymətləndirilir və bu da ədalətlidir.

Prezident İlham Əliyevin rəhbərliyi ilə ölkəmiz tarixi ədaləti, ərazi bütövlüyünü və suverenliyini bərpa edib və xalqımız bununla qürur duyur. 2024-cü ilin idman yekunklarına həsr olunan mərasimdə çıxışı zamanı Prezident İlham Əliyev onu da qeyd etdi ki, hər yerdə - beynəlxalq münasibətlərdə, ailədə, hər bir ölkədə, hər bir cəmiyyətdə ədalət olmalıdır. Azərbaycan buna çalışır. Ölkə başçısı çıxışında bildirdi ki, şanlı Qələbəmiz hər bir Azərbaycan gənci üçün əlavə ruhlandırma amili olacaq. Azərbaycan döyüş meydanındakı Zəfərinə idman qələbələrini də əlavə etdi və bu, əlbəttə ki, ölkəmizin beynəlxalq nüfuzunu daha da artırır. Çünki idmanın inkişafı hər bir ölkənin ümumi inkişafının nümayişidir, onu əks etdirir. Azərbaycan güclü dövlətdir, öz gücünə əsaslanan, öz yolu ilə gedən, heç kimin qarşısında heç bir öhdəliyi olmayan, heç kimin qabağında baş əyməyən, ləyaqətlə, vicdanla irəliyə gedən bir ölkədir və bu, xalqımızın böyük sərvətidir.

2024-cü ilin idman yekunklarına həsr olunan mərasimdə Prezident İlham Əliyev beynəlxalq aləmdə baş verən proseslərə də diqqət çəkdi. Ölkə başçısı qeyd etdi ki, bu gün dünyada gedən proseslər göz qabağındadır. Qanlı toqquşmalar, müharibələr, münaqişələr, bəzi ölkələrin digər ölkələrin işlərinə kobudcasına qarışması, vəziyyətin gərginləşməsi - bütün bunları biz Azərbaycanda görmürük və görməyəcəyik. Çünki xalq-iqtidar birliyi, cəmiyyətdəki həmrəylik, vahid siyasi baxışlarımız, təbii ki, bizim tarixi Zəfərimiz və bir çox digər amillər bizi bu çətinliklərdən, çağırışlardan sığortalayır. Artıq 30 ilə yaxındır ki, Azərbaycan sabitlik şəraitində yaşayır və əminəm ki, bundan sonra əbədi sabitlik şəraitində yaşayacaq.

Prezident İlham Əliyev 2024-cü ilin idman yekunklarına həsr olunan mərasimdə idmançılara, idman ictimaiyyətinin nümayəndələrinə tövsiyələrini də çatdırdı. Ölkə başçısı bildirdi ki, onlar həm Qarabağ və Şərqi Zəngəzur bölgələrinə, həm də digər bölgələrə tez-tez getsinlər, orada həm görüşlər keçirsinlər, həm də ki, gənc idman istedadlarını seçsinlər. Çünki seleksiya işi əsas amildir.

Ramin Yahyayev

Xəbərin oxunma sayı : 286