Axşam.az xəbər verir ki, bu sözləri müğənni Damla "10-da görüşək" proqramında deyib. Sənətçi Əməkdar artist Elza Seyidcahanla aralarında yaşanan qalmaqaldan da danışıb:

"Elza Seyidcahan mənim adımı çəkərək ünvanıma sözlər deyib. Yaşın böyüklüyü, Arif Məlikovun tələbəsi olması, bəstəkarlalığı qarşımı kəsdi. Düşündüm ki, zəng edib ona ağıllı-ağıllı nə deyəcəm? Yaşıdlarım arasında kiminləsə problem yaşasam, zəng edərəm. Təhdid, şantajla yox? Ortaq məxrəcə gələrəm ki, nədi problem.

Çıxıb efirdə hansısa bir müğənninin bəsit ifasını, yaraşmayan geyimini tənqid etmərəm. Fəxri ad aldıqdan sonra insanın şərəfinə toxunmadan, alçaltmadan, sənət yoldaşımı efirdə qırmadan, qapalı formada fikrimi izah edərəm. Amma qırıcı sözlər demərəm. Hamımızın evdə valideyni, məktəbə gedən övladı var. Bir xəbər haqqımda çıxan kimi anam üçün narahat oluram. Şəkəri var, olmaz. Kiminsə məkətəbə gedən uşağına niyə kənardan desinlər, anana, atana bunu dedilər. Bəs inun psixologiyası?

Bizim şou-biznesdə çatışmayan odur ki, hər bir nifrəti, kini ekranda qusuruq. Ekran vasitəsilə şirə dönür, hamımızı alçaldırıq. Niyə bu var? Kiminləsə problemim varsa, ayda yaşamırıq, telefonumuz var, zəng edib aydınlaşdıraq".