AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

“Həbsimi sifariş verənlərin cəzalanmasını istəyirəm“ - şirkət rəhbəri həbsdən çıxdı


Tarix 24.06.21, 23:46	Font ölçüsü : - / +

Bakıda vətəndaşlara qarşı dələduzluq etməkdə, gəncləri Türkiyədə təhsil almağa göndərmək adı ilə aldatmaqda ittiham olunan Rüstəm Kərimzadə azadlığa çıxıb. O, günahsız olduğunu və bəraət almaq üçün mübarizə apardığını deyir.

Musavat.com xəbər verir ki, Bakı Ağır Cinayətlər Məhkəməsi dələduzluqda ittiham edilən 28 yaşlı Rüstəm Kərimzadəni 2 il müddətinə azadlıqdan məhrum etmişdi. 2018-ci ildə həbs edilən R.Kərimzadə artıq azadlığa çıxıb.

Rüstəm Kərimzadə “Elit Academy” şirkətinin rəhbəri olub. Şirkət tələbələri Türkiyədə universitetlərdə təhsil almağa göndərirdi. R.Kərimzadə həmçinin Bakıda ilk dəfə "Galatasaray" futbol klubunun rəsmi mağazasının (GS Store Azerbaycan) nümayəndəliyinin də rəhbəri olub.

İttihama görə, Kərimzadə xeyli insandan təhsil almağa göndərmək adı ilə pul alaraq, onlara qarşı dələduzluq edib.

Törətdiyi əmələ görə ona qarşı Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham irəli sürülüb.

Qeyd edək ki, bu cinayət işi üzrə 34 nəfər zərərçəkmiş qismində tanınıb.

Zərərçəkmiş valideynlər “Elit Academy” şirkətilə müqavilə bağlasalar da, övladlarının müqavilənin şərtlərində göstərilən universitetlərə qəbul ola bilmədiklərini deyirlər.

Məhkəmə R.Kərimzadənin əməlini Cinayət Məcəlləsinin 178.3.2-ci maddəsindən 178.2.2-ci maddəsinə tövsif edərək cəza təyin etmişdi.

Amma R.Kərimzadə bu ittihamla razılaşmır və heç kimə qarşı dələduzluq etmədiyini deyir. Bildirir ki, zərərçəkmiş kimi tanınan şəxslərin heç birindən şəxsən pul almayıb və onlara heç bir vəd verməyib.

Musavat.com-a müraciət edən R.Kərimzadə deyir:

"2018-ci ildən sifarişli olaraq qanunsuz həbsdə olmuşam. Rəhbəri olduğum şirkət 2013-cü ildən fəaliyyət göstərir. Şirkətə 5000-dən artıq müraciət daxil olub və vicdanla, şərəflə xidmət etmişik. Bu günə qədər heç kimi aldatmamışıq, kimisə yarı yolda buraxmamışıq. Bununla yanaşı yüzlərlə tələbədən ümumiyyətlə ödəniş almamışıq. Şirkətin imkanları daxilində təqaüdlər də təşkil etmişik.

Bakı Ağır Cinayətlər Məhkəməsinin qanunsuz və əsassız hökmündən apelyasiya şikayəti vermişəm. İstənilən şəxs açıq məhkəmə iclasına dəvətlidir. Başıma gələnləri hamının öz gözləri ilə görməsini istəyirəm. Bu günə qədər ədalətsiz mühakimə davam edir .

Apelyasiya şikayətimdə şəxsimə şər-böhtan atan insanları- şirkətin işçiləri, məmurları və sifariş verənlərin cəzalanmasını, işi bu günə qədər qanunsuz olaraq gətirən müstəntiqlərin məsuliyyətə cəlb edilməsini tələb edirəm.

Mənə vurulan maddi və mənəvi zərər olaraq 1.750.000 manatın ödənilməsini konsitutiya və onun tələblərinə uyğun şəkildə məhkəmədən istəmişəm.

İbtidai istintaq və birinci instansiya məhkəmə proseslərində yığılmış materiallardan da sübut olunub ki, şər atanlar rüşvət verib. Adı keçən müstəntiqlər isə rüşvət alan tərəfdirlər. Şər atanlar isə rüşvət verdiklərinə görə məsuliyyətdən yayınıblar. Mənə şər atan şəxslər Bəxtiyar Nəcəfov, Yusif Novruzlu, Hikmət Məmmədovdur. Həmçinin, bu işin sifarişini verən rəqib şirkətin qəyyumu "Kaspi" liseylərinin rəhbərliyidir.

Bu iş üzrə zərərçəkmiş kimi tanınan heç kimə bir manat da ödəməmişəm. Çünki onların heç birindən pul almamışam".

Xəbərin oxunma sayı : 865