AzFakt.com xəbər verir ki, Ağdam təmsilçisi II təsnifat mərhələsinin ilk görüşündə Bakıda İsveçrə "Sürix"i qəbul edib. 

Tofiq Bəhramov adına Respublika stadionunda baş tutan qarşılaşmada "Qarabağ" rəqibini 3:2 hesabı ilə məğlub edib. 

Qeyd edək ki, "Qarabağ" I təsnifat mərhələsində Polşa "Lex"ini mübarizədən kənarlaşdırıb - 0:1; 5:1. "Sürix" isə avrokuboklarda mübarizəyə bu mərhələdən başlayacaq.

Xatırladaq ki, bu komandalar arasında cavab oyunu iyulun 27-də keçiriləcək.  "Qarabağ" "Sürix" səthini keçərsə, Çempionlar Liqasının III təsnifat mərhələsində "Ferentsvaroş" (Macarıstan) / "Slovan" (Bratislava, Slovakiya) cütünün qalibi ilə üz-üzə gələcək. Əks halda, Azərbaycan təmsilçisi Avropa Liqasının eyni raundunda "Linfild" (Şimali İrlandiya) - "Budyo Qlimt" (Norveç) cütünün məğlub komandası ilə görüşəcək.

UEFA Çempionlar Liqası

II təsnifat mərhələsi

İlk oyun

19 iyul

Qollar: Kadi, 17, Vadji, 36, 66 - Kamberi, 65, Kryeziu, 85

"Qarabağ": 1. Şahruddin Məhəmmədəliyev, 5. Maksim Medvedev (k), 7. Riçard Almeyda, 8. Marko Yankoviç, 10. Abdullah Zubir, 19. Filip Ozobiç, 20. Kadi Borges, 25. İbrahima Vadji, 29. Marko Veşoviç, 44. Elvin Cəfərquliyev, 81. Kevin Medina

Baş məşqçi: Qurban Qurbanov

"Sürix": 25. Yanik Brexer 2. Lindrit Kamberi 3. Adrian Gerrero, 6. Fidan Aliti, 10. Antonio Markesano, 16. Mark Hornşux, 19. Nikola Boraniyaşeviç, 21. Blerim Cemayli, 22. Vilfred Qnonto, 23. Fabian Roner, 31. Mirlind Kryeziu

Baş məşqçi: Franko Foda