Fanat.Az xəbər verir ki, ESPN 23 yaşlı norveçli ulduzun dediklərini belə çatdırıb:

 

"Britaniya adalarına köçdükdən sonra böyük irəliləyiş əldə etdim Fərqli futbolçu oldum. Daha yetkin və sadəcə daha yaxşı oldum. Təbii ki, Qvardiolanun sayəsində. Ona təşəkkürlərimi bildirirəm. Əslində, məhz onun xatirinə İngiltərə klubuna keçməyə qərar vermişdim. Yanılmadığım ortadadır. O, futbola tamam başqa cür yanaşır. Onunla işləməyi fantastik hesab edirəm.

Görün Qvardiola "Mançester Siti"yə keçəndən sonra nələrə nail olub? Bu inanılmazdır. Onun oyunçuları inkişaf etdirmə tərzi sadəcə qeyri-realdır. “Mançester Siti”yə keçidimin əsas səbəbi bu idi. Mən onunla işləmək və futbolçu kimi inkişaf etmək istəyirdim”.

Holand 2022-ci ilin yayından “Mançester Siti”də çıxış edir. O, həmin vaxt Dortmund “Borussiya”sından 60 milyon avroya transfer olunub. Erlinq "Mançester Siti"də 85 oyunda meydana çıxaraq 81 qol vurub.