AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Ər arvadını kişi ilə tutdu: “Ayağıma düşdü, o biri otağa keçəndə bıçaq çıxardı“


Tarix 06.02.25, 21:45	Font ölçüsü : - / +

Daşkəsən rayonunda 1971-ci il təvəllüdlü İlqar qısqanclıq zəminində həyat yoldaşı Güneli (adlar şərti verilib – red.) qətlə yetirib.

İlqar 1984-cü il təvəllüdlü arvadı Günelin həmkəndlisi Tahirlə ona xəyanət etməsindən şübhələnib. Kənd arasında utanc hissi keçirdiyi üçün onu öldürmək qərarına gəlib.

2024-cü il iyunun 24-də gecə saat 1 radələrində birgə yaşadıqları kənddə yerləşən fərdi yaşayış evinin həyətyanı sahəsindən götürdüyü balta ilə epilepsiya xəstəsi olan Günelə yatmış vəziyyətdə zərbələr vurub. Çoxsaylı zərbələr alan qadın vəfat edib.

İstintaq orqanı tərəfindən İlqarın barəsində Cinayət Məcəlləsinin 120.2.2 (xuliqanlıq niyyəti ilə adam öldürmə), 120.2.4 (xüsusi amansızlıqla və ya ümumi təhlükəli üsulla adam öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddələri ilə ittiham elan edilib.

Cinayət işi üzrə təqsirləndirilən şəxs qismində ifadə verən İlqar özünü qismən təqsirli bilib. O ifadəsində göstərib ki, hadisədən əvvəlki aylardan birində evə gəldikdə qapının bağlı olduğunu görüb. Qapını döyərkən arvadı Günel həyəcanlı halda əlində xəncər qapıya çıxaraq evdə heç kimin olmadığını deyib:

“Mən içəriyə keçəndə həmkəndlimiz Tahirin qapı arxasında gizləndiyini gördüm. Onu döymək üçün hücum çəkdim. Tahir ayaqlarıma düşdü, qələt elədiyini dedi, bir də belə hərəkət etməyəcəyinə söz verərək məni arxa otağa apardı. Arxa otaqda Tahir mənim boğazıma bıçaq dirədi. Bu hadisədən sonra bunu unutmamaq üçün evin divarına boya ilə “14 may” sözünü yazdı.

Sonrakı gün axşam tərəfi Günellə Tahirin yenə birlikdə tövlə tərəfdən gəldiklərini gördüm. Günellə evdə mübahisə etdim. O, ağacla qolumdan vurdu. Gecə Günellə söhbət etdim, o, Tahirlə dəfələrlə mənə xəyanət elədiyini boynuna aldı. Mən və uşaqlarım kənd içində biabır olmuşduq. Günelin sözlərindən bərk hirsləndim. Həyətə gedərək baltanı götürdüm. Evə qayıdaraq Güneli balta ilə vurdum. Həmin vaxt otağın işığı sönülü idi”.

Təqsirləndirilən şəxs bildirib ki, həyətdən qayıdanda arvadı çarpayıda arxası üstə uzanmış vəziyyətdəymiş: “Səssiz gəldiyim üçün o, heç nə bilmədi, əlimdəki baltanı da görə bilməzdi. Günelə neçə dəfə xəsarət yetirdiyimi, onun qışqırıb-qışqırmadığını xatırlamıram.

Güneli vurandan sonra çarpayıdan yerə düşdü. Mən “102” qaynar xəttinə zəng edərək arvadımı öldürdüyümü dedim. Hadisə zamanı evdə mən və Güneldən başqa heç kim olmayıb. Oğlum Fəqan atımız qaçdığı üçün sahədə idi. Onu atın arxasınca gecə vaxtı mən göndərmişdim”.

İlqar qeyd edib ki, arvadı Güneli Tahirlə evdə tutduğunu qaynı Sabirə də danışıb: “Sabir də mənə “onun başını kəs” dedi. Hadisə günü Günellə söhbət etdikdən təxminən 20 dəqiqə sonra həyətdən baltanı götürərək evə girdim. Daha onunla söhbət etmədim, ona neçə zərbə vurduğumu xatırlamıram”.

İlqarın ifadəsinə görə, əvvəlki gün axşamtərəfi Güneli Tahirlə tutandan sonra arvadı ağacla onu qolundan vurub, Tahir isə oradan qaçıb: “Gecə Günellə söhbət edərkən əvvəllər də Tahirlə mənə xəyanət etdiyini söyləyib və yaxşı elədiyini dedi. Mən ona uşaqlarımız olduğunu söylədim, belə hərəkətlərdən çəkinməsini bildirdim. Günelin dediklərini şəxsiyyətimə sığışdırmadım, onu öldürmək qərarına gəldim.

Heç kimə Günelin Daşkəsən şəhərində bir qadının evində başqa şəxslərlə mənə xəyanət etdiyini deməmişəm”.

İş üzrə zərərçəkmiş Günelin hüquqi varisi qismində ifadə verən qardaşının sözlərinə görə, 2024-cü ilin may ayında dəqiq xatırlamadığı tarixdə İlqar ona zəng edərək Günelin əxlaqsızlıqla məşğul olarkən tutduğunu deyib: “Əvvəlcə deyilənlərə inanmadım. Günelin yaşadığı kəndə gəldim və İlqarın dedikləri barədə qonşulardan maraqlandım. Qonşuların əksəriyyəti məni tanımadı və hamısı İlqarın Günelə şər atdığını dedi.

Qonşuların mənə dediyinə görə, İlqar mal nobatında olduğu zaman özlərinin mal-qarasını Tahirin qayınatasının çəpərinə saldığı üçün Günellə Tahir evlərinin qarşısında mübahisə ediblər. Həmin vaxt İlqar mal-qaranı başsız qoyaraq gəlib və çəpərin altında gizlənib. Qonşulardan biri İlqarı səslədikdə əli ilə qonşusuna səssiz olmağı xahiş edib, qaça-qaça söyərək Tahirlə dalaşmağa başlayıb, sonra isə ayrılıb.

Hadisə günü gecə saat 3-4 radələrində kiçik qardaşım mənə Günelgilə getməli olduğumuzu dedi. Nə baş verdiyini soruşdum, Günelin əriylə dalaşdığını dedi. Hadisə yerinə çatanda İlqarın bacımı öldürdüyü məlum oldu”.

İş üzrə şahid qismində ifadə verən Tahirin sözlərinə görə, İlqar və Günellə heç bir düşmənçiliyi və ədavəti olmayıb: “Dəfələrlə İlqarın iribuynuzlu heyvanları mənim əkin sahəmə daxil olaraq ziyan vurub. Hər dəfə onlardan heyvanlarını mənim sahəmə buraxmamağı xahiş eləmişəm. Onlar da buraxmayacaqlarına söz veriblər.

Günellə aramda heç bir sevgi münasibəti olmayıb. İlqar yalan danışır. Mən onların evində olmamışam. İlqarın Günellə mənim sevgi münasibətimin olduğunu deməsinin səbəbini bilmirəm. Eşitdiyimə görə, o, Günelin xəyanətində başqa şəxslərin də adını çəkib. Özü mənə Günelin Daşkəsən şəhərində Nərmin adlı qadının evində əxlaqsızlıqla məşğul olduğunu demişdi”.

Bu cinayət işinə Gəncə Ağır Cinayətlər Məhkəməsində baxılıb. Məhkəmənin hökmü ilə İlqar 17 il müddətinə azadlıqdan məhrum edilib. Onun cəzasını ciddi rejimli cəza çəkmə müəssisəsində çəkməsi müəyyən edilib./Teleqraf.az

Xəbərin oxunma sayı : 1189