AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

İsraillə HƏMAS arasında yeni müharibə başladı - Qarşılıqlı raket zərbələri endirilir


Tarix 11.05.21, 11:52	Font ölçüsü : - / +

İsraillə Fələstinin Qəzza sektoruna nəzarət edən “HƏMAS” qruplaşması arasında yeni müharibə başlayıb. Müharibə çevrilən qarşıdurma sionistlərin müsəlmanlar üçün müqəddəs olan Məscidi-Aksada apardığı əməliyyatdan, namaz qılan insanları döyməsindən sonra başlayıb.

Dünən axşamdan etibarən isə tərəflər bir-birlərinə intensiv raket zərbələri endirir. Qəzza sektorunda aralarında uşaqlar da olmaqla 20-dən çox adam həlak olub, 100-dən çox adam yaralanıb. İsrailin yaşayış məntəqələrində də Qəzza sektorundan endirilən raket zərbələri nəticəsində yaralananlar var.

Virtualaz.org Yaxın Şərq mənbələrinə istinadən xəbər verir ki, iğtişaşlar əslində bir neçə gün əvvəl başlamışdı və səbəbi 8 ərəb ailəsinin öz evlərindən köçürülməsinə dair məhkəmə qərarı olmuşdu. İsrail təhlükəsizlik qüvvələri etirazları yatırmaq üçün Qüdsün ərəblər yaşayan kvartallarına yeridilib, bu vaxt Qəzza sektoruna nəzarət edən HƏMAS İsrailə ultimatum verərək təhlükəsizlik qüvvələrini Şeyx Carahdan çıxarmağı tələb edib.

Bu tələb təbii ki, yerinə yetirilməyib və ötən gün HƏMAS İsrailə qarşı “Qüds qılıncı” əməliyyatının başladığını elan edib. İsrail ərazisinə raket zərbələri endirilib. İsrail hökumətinin təhlükəsizlik kabineti fövqəladə iclasa toplaşıb.

HƏMAS-ın “Qüds qılıncı “əməliyyatına başlamasını elan etməsindən 6 saat sonra İsrail ordusu da “Divar keşikçisi” adlı antiterror əməliyyatına başladığını bildirib və gecə saatlarından etibarən Qəzza sektoruna intensiv hava zərbələri endirilməkdədir.

Bu gün səhər saatlarına olan məlumatlara görə Qəzza sektorundan İsrail ərazisinə 200-dən çox raet buraxılıb. İsrailin “Dəmir günbəz” raketdən müdafiə sistemi 90-dan çox raketi zərərsizləşdirib. İsrail ordusu Qəza sektoru ilə həmsərhəd ərazilərə əlavə “Dəmir günbəz” batareyaları yerləşdirib.

İsrail Müdafiə Nazirliyinin məlumatına görə, Qəzza sektorunda 130 hədəfə, o cümlədən HƏMAS-ın bazalarına, silah anbarlarına, yüksək rütbəli komandirlərinin evlərinə zərbələr endirilib. 15 HƏMAS üzvü öldürülüb. Qəzza sektoruna zərbələr fasiləsiz olaraq endirilir və əməliyyatın nə vaxta qədər davam edəcəyi məlum deyil. İsrail ordusunun endirdiyi zərbələrdən HƏMAS-ın hərbi qanadı olan “İzzədin əl-Qəssam” briqadasının komandiri Məhəmməd Abdalla Fayyad da ölüb. Onun evini raketlə vurublar.

İsrail ordusunun mətbuat xidməti isə bildirir ki, HƏMAS-ın Qəzza sektorundan buraxdığı raketlərdən üçdə biri hədəfə çatmayıb və elə Qəzza sektorunda partlayıb. Mətbuat xidmətinin nümayəndəsi, briqada generalı Hedi Zilberman deyib ki, Qəzza sakinlərinin bir qismi həmin raketlərin partlaması nəticəsində xəsarət alıb.

HƏMAS isə İsraili Qəzzada dinc sakinləri atəşə tutmaqda ittiham edir və bildirir ki, əgər dinc sakinlərin hədəf alınması dayandırılmasa Aşkelon şəhəri “cəhənnəmə çevriləcək”. Aşkelon İsrailin Qəzza sektoru ilə həmsərhəd şəhəridir və orada bir neçə sakin HƏMAS raketləri nəticəsində yaralanıb.

Xəbərin oxunma sayı : 874