AzFakt

“Əgər Ermənistan müharibə istəyirsə...“ - Prezident Ermənstana xəbərdarlıq

Ziya Məmmədov və Əsgərov 100 milyon dollar rüşvət alıb? - “Otkat”ı ötürən menecerə rəsmi ittiham irəli sürüldü

Kredit borcu gecikdirilirsə...- Ali Məhkəmə izah verdi

Azərbaycanın milyonçu qadınları: Onlar kimdir?

Sabiq məmurlar hazırda nə edir? - Taladıqları milyonları qorumağın ağlasığmaz üsulları

Kiçik məmur, böyük oliqarx Rəfail Mehrəliyevin oğurladığı dövlət pulları - O, məsuliyyətə cəlb olunacaqmı?..

Metro, ticarət mərkəzləri, idman zalları açılır...- Operativ Qərargahın yeni qərarları açıqlandı + VİDEO

Baş Nazirdən müəmmalı açıqlama...- 44 günlük müharibədə Rusiya kimə kömək göstərib?

“Biz şou düzəltmirik“ demişdi, ancaq...- “1 manat rüşvətin olmadığı” gömrükdəki həbslər nəylə bağlıdır?

“Şuşa həmişə ermənilər üçün yad şəhər olub“ - Prezident İlham Əliyev Şuşada

“Bu qədim Azərbaycan torpağında Azərbaycan xalqı bundan sonra əbədi yaşayacaq“ - Prezident

“Azərbaycanda ermənilərin statusu olmayacaq!“ - “Dağlıq Qarabağ adlı ərazi vahidi yoxdur”

29 ildən sonra Şuşa 8 mayı azad qarşılayır! - Dünyanı heyrətə salan döyüşlə azad olundu

“Mənə qarşı çevriliş cəhdləri olmuşdu...“ - “Bəzi xarici paytaxtlarda qərar verildi ki, İlham Əliyevi devirməliyik“ + VİDEO

İstanbuldakı “razborka” da adam öldürən Kor Hüseyn kimdir? - FOTOLAR


Tarix 04.04.21, 10:34	Font ölçüsü : - / +

Gürcülər və çeçenlər arasındakı qanla bitən “söhbət”in səbəb nədir-Lənkəranskinin varidatı, yoxsa...

Martın 31-də İstanbulun Başakşehir rayonunda biri Azərbaycan vətəndaşı olmaqla iki nəfərin ölümü, 2 nəfərin yaralanması ilə nəticələnən qanlı “razborka”hələ də diqqətdədir.

Qanlı “razborka” da Kor Hesyn kimi tanınan Hüseyn Əhmədovun əsas fiqurant olması isə diqqəti bir neçə il əvvəl İstanbulda öldürülən azərbaycanlı “qanuni oğru” Rövşən Canıyevin(Lənkəranski) əmlak uğrunda mübarizəsinə yönəldib. Çünki Kor Hüseyn Lənkəranskinin ən yaxın adamlarından biri olub və onun qətlindən sonra başlamış əmlak bölüşdürülməsində, onunla yanaşı gürcü kriminalların da adı hallanırdı. İndi gürcülər və çeçenlər arasındakı bu atışma təbii olaraq sual doğurub: səbəb Lənkəranskinin varidatıdır, yoxsa...

Qeyd edək ki, kriminal aləmdə miras uğrunda mübarizə yeni məsələ deyil. Hansısa nüfuzlu “qanuni oğru” öldürüldükdən sonra onun nəzarət etdiyi maliyyə mənbələri kriminal savaşları daha da alovlandırır.

Məlumdur ki, Lənkəranski bir neçə il sığındığı Dubaydan sonra Türkiyədə məskunlaşmışdı. Onun bu ölkədə də stabil gəlir obyektləri vardı. Bəzi məlumatlara görə, onun Türkiyədə himayə etdiyi çox sayda kommersiya şirkətləri olub. Hələ bir neçə il əvvəl bildirilirdi ki, Lənkəranskinin mirasına çeçen “qanun oğru” Kor Hüseynlə yanaşı gürcü “qanuni oğru” Merab Canqveladze də(Merab Suxumski) iddia edir. Bildirilirdi ki, Suxumski xüsusən Lənkəranskinin Türkiyədəki biznesinə də göz dikib.

Bildirək ki, Lənkəranskinin gürcü “qanuni oğru”larla münasibəti həmişə yaxşı olub. Gürcülər uzun illər onun kriminal klanına daxil olublar.

İstanbuldakı “razborka”nın 2 milyon TL borc məsələsinə görə olduğu deyilir. Borc daşınmaz əmlakın alqı-satqısı zamanı yaranıb. İstanbuldakı “razborka”nın da Lənkəranskinin hansısa obyektinin satışından əldə edilmiş pulun bölüşdürülməsinə görə baş verdiyi istisna edilmir. Virtualaz.org “Kavkaz.realii” saytına istinadən bildirir ki, tərəflər bir gün əvvəl borc məsələsinə görə telefonda mübahisə ediblər. Onlar söhbəti ertəsi gün restoranda davam etdirməyi qərara alıblar. Söhbət zamanı Abdul-Malik adlı çeçen Kor Hüseynə sillə vurub. Kriminal avtoritet dərhal tapançanı çəkib və Abdul-Malikin başından vurub. Qarşı tərəfdən də silahlar işə düşüb və Kor Hüseynin tərəfində olan Azərbaycan vətəndaşı Rəhim Rəhmli hadisə yerində ölüb, biri restoranın sahibi olmaqla 2 nəfər yaralanıb.

Kor Hüseyn 1966-cı ildə Qroznıda anadan olub. “Qanuni oğru” adını 1985-ci ildə Stavropoldakı “Belıy Lebed” adlanan təcridxanada alıb. Üst-üstə 14 il həbsdə olub. Sonuncu dəfə 2012-ci ildə 10 ay həbsxanada cəza çəkib, 2017-ci ildə də qısa müddətli həbsdə olub. Türkiyədə yaşayarkən Rövşənlə birgə qalıb. Azərbaycanlı “qanuni oğru”nun qətlindən sonra isə İstanbulu tərk edərək Qroznıya qayıdıb.

Bir müddət sonra isə yenidən İstanbula qayıdıb və Sabirabadlı Hikmətin(Hikmət Muxtarov) qardaşı oğlu Məmmədqulu Muxtarova "vor zakon" adı vermək üçün "sxodka" çağırıb. Amma bildirilirdi ki, o zaman Nadir Səlifov(Lotu Quli) “azərbaycanlı “qanuni oğrulara” mən ad verməliyəm” deyərək "sxodka"ya müdaxilə edib. Məlumdur ki, Lənkəranski kimi Kor Hüseyn də Qulinin düşmənlərindən sayılırdı. Onun erməni qadınla çoxlu şəkilləri var. Ehtimal ki, Suzanna Caqinyan Kor Hüseynin arvadıdır.

Maraqlıdır ki, özünü Lənkaranskinin varisi kimi təqdim edən Şeyx Həmzət də çeçendir və Kor Hüseynlə konflikdədir. Hətta Rusiya mənbələri iddia edirdi ki, Qroznıda toplaşan çeçen əsilli “qanuni oğru”lar- Əziz Batukayev, Kor Hüseyn, İslam Edilqiriyev, Əhməd Halinnski və digərləri Şeyx Həmzəti araqarışdıran, oğru aləminə nifaq salan birisi adlandırıblar. Kor Hüseyn isə bir qədər də irəli gedərək onu şoumen adlandırıb və Avropada özünü çeçen kimi təqdim etməsinə qarşı çıxıb. Şeyx Həmzətin hazırda harada olduğu haqda dəqiq bilgi yoxdur.

Kor Hüseynin məşhur çeçen “qanuni oğru” Əziz Batukayevlə də münasibətləri yaxşıdır ki, bu da ona gürcü kriminallarla indən sonrakı mümkün savaşında ciddi kart-blanş ola bilər. Əziz Batukayev 1966-cı il, aprelin 30-da Qırğızıstanın Tokmak Çuy vilayətində doğulub. 1990-cı ildə rəhbərlik etdiyi klan əsasən narkoticarət, reket və sifarişli qətllər həyata keçirib. Əzizin həbsxana həyatı barədə də əfsanələr danışılır. Deyilənə görə, həbsxananın iki mərtəbəsində 16 otaqda yerləşən Əziz orada xanımı ilə birgə yaşayıb.

Otaqlarda İçkeriyanın bayrağı və Aslan Məshədovla Şamil Basayevin portretləri asılıbmış. Batkuyevin mədəsində yara olduğu üçün həbsxananın həyətində üç inək və 15 keçi saxlayırlarmış ki, onun südü ilə özünü müalicə etsin. O, həbsxanada həm təhlükəsizliyi, həm də əyləncə üçün döyüş itləri saxlayırmış. Koloniyanın mühafizəsinə etibar etməyən Əzizin yanında “Kalaşnikov” avtomatı ilə gəzən mühafizəçilər olub.

Onun azadlığa buraxılması üçün xüsusilə Çeçenistan prezidenti Ramzan Kadırovun ciddi iş gördüyü deyilirdi. Hazırda Qırğızıstanın sabiq prezidenti, baş prokuroru bu erkən azad etməyə görə həbsdədirlər, Butakayevin isə harada olduğu bilinmir. (musavat.com)

Xəbərin oxunma sayı : 775