AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Suya, qaza, işığa qənaət etməliyik“ - Deputat


Tarix 30.06.22, 14:27	Font ölçüsü : - / +

“Azərbaycan dünyanın bir parçasıdır. Baş verən qlobal problem hər hansı dövlətdən yan keçə bilmir, mütləq az-çox təsirini göstərir. Bu isə təbii ki, dövlətin inkişafından asılıdır. 2009-cu ildə baş verən dünya böhranını Azərbaycan da hiss etdi, ancaq bu, ölkəmizə çox az təsir etmişdi. Çünki Azərbaycan güclü inkişaf yolunda idi. Ümumiyyətlə, dövlətimiz tərəfindən çoxşaxəli iqtisadi sistem qurulub. Pandemiya da dünyanı cənginə almış qlobal problem idi. Bunu da bütün dövlətlər yaşadı. Hüquqi dövlətlər özləri üçün qabaqlayıcı tədbirlər gördülər, maliyyə xərcləri çəkdilər. Buna baxmayaraq, az da olsa pandemiyanın təsirinə məruz qaldılar. Bu gün dünyada baş verən proseslər nəticəsində, insan artımı, quraqlıq, müharibələrlə əlaqədar müəyyən qədər ərzaq qıtlığı yaranmaqdadır. Bunu hər kəs hiss edir”.

AzFakt.com xəbər verir ki, bu sözləri Pravda.az-a Milli Məclisin deputatı Aqil Məmmədov deyib.

O bildirib ki, Rusiya-Ukrayna müharibəsinin də təsirləri yaxın bögədə yaşayan dövlətlərə təsirini göstərir:

“Nəqliyyatla əlaqədar gediş-gəlişlərdə yaranan məhdudiyyətlər, ərzaq idxalı və ixracındakı problemlər və s. Ukrayna və Rusiya taxıl istehsalında ən aparıcı dövlətlərdəndir. Müharibə taxıl istehsalında da çox böyük çətinlik yaradıb. Hazırda Ukraynadakı anbarlarda taxıl ixracında çətinlik yaranıb. Bu da istər-istəməz başqa dövlətlərə təsirini göstərir. Hər bir dövlət ərzaq qıtlığı ilə bağlı qabaqlayıcı tədbirlər barəsində fikirləşir, 10-15 ilin proqnozu verilir ki, bu bəladan uzaq qala bilmək üçün nə iş görülməlidir? Azərbaycan dövləti də bu istiqamətdə önləyici tədbirlər görür və görməyə davam edir”.

Deputat ərzaq qıtlığı ilə mübarizə aparmaq üçün bir sıra təkliflər də irəli sürüb:

“İlk növbədə, kənd təsərrüfatına yararlı olan torpaqlardan səmərəli istifadə etməliyik, torpaqların suvarılması daha müasir texnologiyalar vasitəsilə həyata keçirilməlidir. İkincisi, işğaldan azad olunmuş minalardan təmizlənmiş ərazilərimizdə kənd təsərrüfatına yararlı torpaqlardan gecikmədən səmərəli istifadə etməliyik. Bu istiqamətdə dövlətimiz artıq bir sıra adddımlar atıb. Ancaq ərzaq qıtlığı ilə mübarizə məsələsini təkcə dövlətin üzərinə yıxmaq olmaz. “Hər şeyi dövlət etməlidir” deyib, kənarda durub baxmamalıyıq. Vətəndaş olaraq hər birimiz dövlət siyasətinə dəstək verməliyik. Bəzən israfçılığa da yol veririk. Məsələn, çörəyi normadan artıq alırıq, istifadə olunur, qalanı da zibil qutularına atılır. Buna qətiyyən yol vermək olmaz. Su, qaz, işıq, nə olur-olsun, hər bir şey qənaətlə istifadə edilməlidir. Heç bir vətəndaş bu istiqamətdə əlindən gələni əsirgəməməlidir. Buğdanın 45 faizini xaricdən alırıq. Gecikmədən buğda alacağımız dövlətləri əvvəlcədən müəyyənləşdirməliyik, vaxtında taxılın idxalını təmin etməliyik. Bu kimi işlər görülsə, təbii ki, təsirini göstərəcək. Əlbəttə, dünyada bahalaşma gedir, Azərbaycan da bundan kənarda qala bilməz. Hamımız birlikdə bütün problemlərin öhdəsindən gələ bilərik”.

Xəbərin oxunma sayı : 796