Bu barədə Britaniya Müdafiə Nazirliyinin kəşfiyyat icmalında deyilir.

İcmalda qeyd edilib ki, martın 22-də azı üç pilotsuz suüstü texnika və bir pilotsuz uçuş aparatı Krımdakı Sevastopol hərbi dəniz bazasına zərbə endirməyə cəhd edib.

Açıq mənbələrin məlumatına görə, müdafiə baryerləri bir yerüstü pilotsuz uçuş aparatının qarşısını alıb. Daha ikisi körfəzdə məhv edilib. Rusiya rəsmiləri bildiriblər ki, heç bir gəmiyə ziyan dəyməyib.

Nazirlikdən xatırladılıb ki, yerüstü pilotsuz təyyarələrin Sevastopola əvvəlki hücumu 2022-ci il oktyabrın 29-da baş verib. Məlumatlara görə, o zaman pilotsuz uçuş aparatları minaaxtaran “İvan Qolubets” gəmisinə və “Admiral Makarov” freqatına ziyan vurub.