AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Vicdansızlar adıma kredit götürüb mənimsəyiblər“ - Şlyapa Zahid


Tarix 06.11.24, 18:04	Font ölçüsü : - / +

Müdafiə Nazirliyinin 24 milyon 234 minlik mənimsəmədə ittiham olunan sabiq zabiti Zahid Niftəliyevin (Şlyapa Zahid) növbəti məhkəmə prosesi keçirilib.

“Report” xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə vəkilin suallarını cavablandırıb.

O bildirib ki, vicdansız adamlar onun adından pulları yeyiblər:

"Mənim adıma açılan firmanın adından kredit götürülüb və pullar mənimsənilib. Mən bu işlə bağlı bir qəpik xeyrim olmayıb. Sabiq nazir Fazil Məmmədovun işdən çıxarılmasından sonra kreditin götürülməsindən xəbərim yoxdur. O vaxt bu iş üzrə sabiq Baş Qərargah rəisinin (Nəcməddin Sadıkov) yanında olan zaman demişdi ki, Fazil Məmmədov bizə humanitar yardım edəcək".

Vəkil sualına cavab verən təqsirləndirilən şəxs qeyd edib ki, 7 dəfə bankda olmayıb və adına 42 milyon manatlıq kredit götürülməsindən xəbərsiz olub:

"Mən cəmi bir dəfə banka getmişəm, bir neçə sənədə qol çəkmişəm. Amma istintaqda məlum olub ki, 7 dəfə kredit götürmüşəm. Bunların hamısından xəbərsizəm. Bu işlərlə bağlı Vergilər Nazirliyində olmuşam. Adıma firma yaradılandan sonra Vergilər Nazirliyində böyük müşavirə keçirildi, ötən dəfə qapalı iclasda kimlərin iştirak etdiyini açıqlamışam".

Zahid Niftəliyev qeyd edib ki, hesabatla bağlı bir dəfə ona zəng edilib:

"Məlumatsız olduğumdan nazirliyə məlumat verdim. Mahir Rəfiyevə zəng elədim, o da dedi, narahat olma, sənlik məsələ deyil. Daha ondan sonra mənə zəng gəlmədi. İstintaqda guya yazılıb ki, Nəcməddin Sadıkov mənə bu işə görə 62 min manat verilib. Halbuki, bu da bir fərziyyədi. Bankda da sənədləri oxumadan qol çəkmişəm. Çünki bu iş Fazil Məmmədovun işiydi. Humanitar yardım etməliydi. Demişdilər ki, işlər bitəndən sonra firma ləğv ediləcək".

Növbəti məhkəmə prosesi noyabrın 27-ə təyin edilib.

Qeyd edək ki, Z.Niftəliyev iki il əvvəl rüşvət alma ittihamı ilə həbs edilib. Daha sonra o, azadlığa buraxıldıqdan sonra Dövlət Təhlükəsizliyi Xidməti (DTX) tərəfindən yenidən həbs edilib.

Gəncə Apellyasiya Məhkəməsi prokurorun Tərtər Hərbi Məhkəməsinin hökmündən verdiyi protesti təmin edərək Z.Niftəliyevi vəzifə saxtakarlığında və külli miqdarda rüşvət almaqda təqsirli bilib və o, 8 il 6 ay azadlıqdan məhrum olunub.

Bundan başqa Zahid Niftəliyev "Atabank ASC" dən götürdüyü 42 milyon manat kredit vəsaiti və dövlət rüsumunun ödənilməsi ilə bağlı çıxarılmış Bakı Apellyasiya Məhkəməsinin qətnaməsini qərəzli icra etməyib.

Qeyd edək ki, Z.Niftəliyev Azərbaycan Ordusunun sabiq Baş Qərargah rəisi Nəcməddin Sadıkovun yaxın adamı olub.

Xəbərin oxunma sayı : 994