Ovqat.com xəbər verir ki, ABŞ-ın “Wall Street Journal” qəzeti etibarlı mənbəyə istinadən bu məlumatı yayıb.

Mənbənin sözlərinə görə, söhbət “Taliban”ın hakimiyyətə gəlməsindən sonra Əfqanıstan Hərbi Hava Qüvvələrinə məxsus təyyarələri və vertolyotlarla Özbəkistana qaçan pilotlardan gedir. Qeyd olunur ki, “Taliban” Əfqanıstanı tərk edən pilotların ekstradisiyası üçün Özbəkistan hakimiyyətinə təzyiq göstərir.

““Taliban” tərəfindən bütün məmurlara və hərbçilərə amnistiya vəd edilməsinə baxmayaraq, Əfqanıstandan qaçan pilotlar buna inanmır, geri qayıdacaqları təqdirdə özlərinin və ailələrinin təhlükəsizliklərindən əmin deyillər. Ümumilikdə Özbəkistanda 585 əfqan pilot, ekipaj üzvü və onların yaxınları var. Bu adamların ABŞ-ın Dohadakı hərbi bazasına uçacağı gözlənilir, lakin ordan ABŞ-a və ya başqa bir yerə gedib-getməyəcəkləri hələ məlum deyil”, - “Wall Street Journal” yazır.

Xəbərdə bildirilir ki, Özbəkistana daha əvvəl də sığınan 46 hərbi təyyarə və helikopter olub, amma onların sonrakı taleyi qaranlıq qalır. İddiaya görə, “Taliban”ın təyyarələri Əfqanıstana qaytarmaq çağırışına Özbəkistan müsbət cavab verə bilmir. Çünki belə bir addımın ABŞ -ın güclü müqavimətinə yol açacağından çəkinir.

Taliban pilotları uçmaq sənətinin sirlərinə yiyələnirlər – yelləncəkdə.

Nəşr qeyd edir ki, “Taliban” nümayəndəsi Süheyl Şahin Özbəkistana qaçan əfqan pilotlarının geri qaytarılmasının vacibliyinə toxunaraq deyib: "Bu pilotların ölkələrinə qayıtması lazımdır, Əfqanıstanın onlara ehtiyacı var".