AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Azərbaycanda parlament respublikasını qurmaq alınmayacaq - Erkin Qədirli


Tarix 05.11.25, 13:19	Font ölçüsü : - / +

Azərbaycanın mədəni və iqtisadi potensialı liberal iqtisadiyyat modeli üçün əlverişlidir, lakin bu, liberal siyasi sistemin formalaşmasına zəmin yaratmır.

AzFakt.com xəbər verir ki, bunu Azərbaycan Respublikasının Milli Məclisinin deputatı Erkin Qədirli noyabrın 5-də Bakıda keçirilən XXI əsrdə dövlət suverenliyi və milli konstitusiyalar: qlobal çağırışlar, tendensiyalar və perspektivlər — “2025: Konstitusiya və Suverenlik İli” çərçivəsində beynəlxalq elmi-praktiki konfransda çıxışı zamanı bildirib.

“Azərbaycan xalqının mədəniyyəti liberal iqtisadiyyat modeli üçün çox yararlıdır. Xalq çalışqandır, ticarəti bacarır, ailəsini dolandırmaq üçün motivasiyalıdır. İqtisadi islahatları düşünərkən deyə bilərəm ki, ölkə iqtisadiyyatı liberallaşdırılmalıdır. Lakin nəzarət və mərkəzləşdirmə cəhdləri inkişafı əngəlləyir,” – Qədirli vurğulayıb.

Deputat qeyd edib ki, xalqın bu iqtisadi davranış ənənələri paradoksal şəkildə liberal siyasi sistemin, o cümlədən parlament respublikası modelinin formalaşmasına mane olur.

“Azərbaycan üçün parlament respublikasını qurmaq alınmayacaq. Cəhdlər olub, amma nəticə verməyib. Liberal iqtisadiyyat mümkündür, amma parlament respublikası deyil", - o bildirib.

Qədirli həmçinin Azərbaycanın sosial dövlət modeli ilə bağlı fikirlərə də münasibət bildirib.

“Çox zaman eşidirik ki, Azərbaycan sosial dövlətdir. Amma bu, nə Konstitusiyaya görə, nə də iqtisadi göstəricilərə görə belə deyil. Dünya Bankının 2024-cü il məlumatına əsasən, Azərbaycanda toplanan vergilərin ÜDM-ə nisbəti 19 faizdir, ABŞ-da isə bu göstərici 34 faizdir. Amma ABŞ sosial dövlət deyil. Sosial dövlət olan ölkələrdə bu nisbət 40 faizi aşır", - deputat qeyd edib.

Onun sözlərinə görə, sosial dövlət ideyası ehtiyatla yanaşılmalı anlayışdır.

“Sosial dövlət o deməkdir ki, dövlət daha çox vergi toplayaraq vətəndaşların rifahını birgə təmin etməyə çalışır. Amma bu, bizim Konstitusiyanın ruhuna uyğun gəlmir", - Qədirli əlavə edib. (Mənbə: anews)

Xəbərin oxunma sayı : 1036