AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Bütün dünya bir daha gördü ki, “Dəmir yumruq” yerindədir


Tarix 29.06.22, 21:47	Font ölçüsü : - / +

Məlum olduğu kimi, Prezident, Silahlı Qüvvələrin Müzəffər Ali Baş Komandanı İlham Əliyev iyunun 26-da - Silahlı Qüvvələr Günündə Kəlbəcər rayonuna səfəri çərçivəsində komando hərbi hissəsinə döyüş bayrağının verilməsinə həsr olunmuş təntənəli mərasimdə iştirak edib.

Dövlətimizin başçısı tədbirdə çıxış edərək ölkəmizdə ordu quruculuğu ilə bağlı həyata keçirilən səmərəli islahatlar və uğurlu nəticələr, həmçinin 44 günlük Vətən müharibəsində qazandığımız tarixi Zəfər haqqında ətraflı danışıb.

Ali Baş Komandan bildirib ki, 6 ay sonra Kəlbəcərdə yeni yaradılmış komando qüvvələrinin hərbi hissəsinin açılış mərasimi təşkil olunur. Bu, onu göstərir ki, İkinci Qarabağ müharibəsindən sonra ordu quruculuğu prosesi sürətlə gedir və komando qüvvələri bütün digər silahlı birləşmələrlə bərabər ölkə qarşısında duran bütün vəzifələri yerinə yetirmək, ərazi bütövlüyünü müdafiə etmək və

sərhədlərimizi qorumaq üçün bütün imkanlara malikdir.

Azərbaycan Ordusu Türkiyə ordusu praktikində daha da təkmilləşdirilir. Biz artıq bu istiqamətdə atılmış real addımları görürük. Komando hərbi hissələri ordumuzun daha dinamik, düşmənə daha çevik cavab verə biləcək qabiliyyətdə olmasını təmin edəcək. Xüsusilə də Kəlbəcərdə belə hərbi hissənin

açılması həm düşmənə, həm də onların havadarlarına bir mesajdır. Belə bir coğrafi yerdə komando hərbi hissəsinin açılması o deməkdir ki, bundan sonrakı dönəmlərdə də silahlı qüvvələrimiz ərazilərimizin təhlükəsizliyinin təmin olunması üçün daha da təkmilləşdiriləcək. Komando hərbi birləşmələrinin əsas fəaliyyət istiqaməti çətin relyef şəraitində döyüş tapşırıqlarını icra etməkdir. Komando hərbi hissəsində xidmət etmək üçün hərbçilər əlbəyaxa döyüş

növlərinə yiyələnməklə yanaşı, paraşütlə atlamaq, dağ xizəkçiliyi, snayper və digər fiziki hazırlıq kurslarından keçirlər. Kursu uğurla bitirən heyət komando bölmələrinə daxil edilir və onlara beretlər təqdim olunur. Hansı ki, bu bölmələr sırf texnikaların keçməsinin mümkün olmadığı ərazilərdə

əməliyyatlar üçün hazırlanır. Azərbaycan Ordusunda bu bölmələrin təşkili icra olunacaq əməliyyatlarda olduqca önəmlidir. Vətənpərvərlik, nizam-intizam, iqtisadi güc, siyasi mövqelər və Silahlı Qüvvələrimizin müasir

silahlarla təchiz edilməsi kimi amillərin vəhdəti İkinci Qarabağ müharibəsinin nəticələrini şərtləndirdi. Cəmi 44 gün ərzində Azərbaycan Ordusu düşməni doğma torpaqlarımızdan qovdu, diz çökdürdü. Yağı düşməni məcbur etdi ki, ağ bayraq qaldırsın və Kəlbəcərdən məcbur olaraq çıxsın. Kəlbəcər bir güllə

atılmadan azad edildi.

Ali Baş Komandan İlham Əliyev təntənəli mərasimdə həmçinin qeyd edib ki, əgər Ermənistan sərhədlərin müəyyən edilməsi işində yenə də öz köhnə taktikasına qapılsa, vaxt uzatmağa çalışsa, nəticədə özü peşman olacaq. Biz Ermənistanda baş qaldıran revanşist qüvvələrin hərəkətlərinə diqqətlə

baxırıq. “Dəmir yumruq” yerindədir, bunu heç kim unutmasın. Vətən müharibəsində Ermənistanı məğlub etməyimiz onlar üçün dərs olmalıdır. Biz bu mifi də dağıtdıq və göstərdik ki, güclü iradə olan yerdə, xalq-iqtidar birliyi olan yerdə, hərbçilərin vətənpərvərliyi olan yerdə heç kim bizim qabağımızda

dura bilməz. Dövlətimizin başçısı bu fikirləri ilə bir daha erməni ictimaiyyətinə çatdırdı ki, revanşizm hissi ilə yaşamaq Ermənistana heç bir fayda verməyəcək. Hazırda yaranmış yeni siyasi və coğrafi reallıqları heç bir qüvvə dəyişə bilməz. Ermənistan hakimiyyəti biabırçı məğlubiyyətlərindən nəticə çıxarmalı, yeni

reallıqlara uyğun addımlar atmalıdır.

Mirtaleh Ağazadə

Xəbərin oxunma sayı : 460