AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Bələdiyə sədri Rəvayət nənənin ölümünü gizlədib iki il pensiyasını alıb - ŞOK İDDİA


Tarix 12.04.23, 20:24	Font ölçüsü : - / +

Lənkəran şəhər bələdiyyə sədri Aygün Mirzəyeva cinayət əməlində ittiham olunur. İddialara görə o, bir neçə dövlət qurumu ilə iş birliyinə keçərək, iki il əvvəl dünyasını dəyişən 1932-ci il təvəllüdlü Miriyeva Rəvayət Kərim qızının ölüm faktını gizlədib və mərhumun təqaüd kartına sahiblənib.

Maraqlı məqamlardan biri isə bələdiyyə sədri tərəfindən 17.03.2023-cü il tarixdə mərhumun saxta "Ölüm haqqında tibbi şəhadətnamə”sinin rəsmi arayışla hazırlanmasıdır.

Aygün Mirzəyevanın əməlləri ilə bağlı Bizim.Media-ya danışan və adının açıqlanmasını istəməyən mənbənin sözlərinə görə məsələ ilə əlaqədar Lənkəran rayon prokurorluğunda araşdırma başlayıb.

Mənbə bildirir ki, Lənkəran şəhər sakini, S.Vurğun küçəsi ev 38-də daimi qeydiyyatda olan və yaşayan Miriyeva Rəvayət 07.02.2021-ci ildə pandemiya zamanı ev şəraitində vəfat edib.

Mərhumu Lənkəranda "Böyük bazar” qəbiristanlığında, həyat yoldaşının yanında dəfn ediblər. Mənbə mərhumun məzar daşı ilə bağlı fotofaktı da saytımıza təqdim edib.

İddialara görə mərhumun ailəsini belə bir cinayətə Lənkəran şəhər bələdiyyə sədri Aygün Mirzəyeva öz şəxsi maraqları üçün təşviq edib.

Belə ki, bələdiyyə sədrinin anası Sevil Mirzəyeva mərhumun nəvəsi Sadıqova Rəksanəyə uzun müddət imiş sələmə pul verib, qarşı tərəf isə vaxtlı-vaxtında pulu ödəyə bilməyib. İddialara görə, Aygün Mirzəyeva anasına olan borcun ödənilməsi üçün ölüm faktını gizli saxlayıb. Bunun üçün mərhumun təqaüd aldığı bank kartını nəvəsindən alaraq anasına verib. Beləliklə iki il ərzində mərhumun təqaüdü bələdiyyə sədrinin anası tərəfindən mənimsənilib.

Ölüm faktını bilərək gizlədən və dövlətin vəsaitinin qeyri-qanuni yolla əldə olunmasına şərait yaradan Lənkəran bələdiyyəsinin sədrinin iki il sonra saxta arayışla ölüm faktını rəsmiləşdirmək istəyinin arxasındakı məqamlara yəqin ki, aidiyyəti qurumlar aydınlıq gətirəcəklər.

Ehtimal olunur ki, ya tərəflər arasındakı sələmə verilən pulun əsas məbləğinin geri qaytarılması məsələsi və ya bank kartının etibarlılıq müddəti bitdiyi üçün Aygün Mirzəyeva belə qərar qəbul edib.

Çünki fotofaktdan da aydın şəkildə müşahidə olunur ki, məzar bir ay öncəyə aid deyil və qəbir daşı üzərindəki ölüm tarixinin usta tərəfindən yalnışlıqla başqa vaxtda göstərilməsi, ümumiyyətlə, inandırıcı deyil. Tarixlər arasında müqayisə aparsaq görərik ki, məzar daşı üzərində 7.II.2021-ci il göstərilib, lakin bələdiyyə sədrinin rəsmi arayışında bu tarix 16.III.2023-cü il olaraq göstərilib. Başqa sözlə, tarixin yalnışlıqla fərqli şəkildə məzar daşı üzərində həkk olunması mümkün deyil.

Mənbə onu da iddia edib ki, bələdiyyə sədrinin başqa cinayət əməlləri də var və daha neçə nəfər ölən vətəndaş üzərindən dövlətin vəsaitini mənimsəyib.

Məsələ ilə bağlı qarşı tərəflə əlaqə saxlasaq da, Aygün Mirzəyeva suallarımıza susqunluq nümayiş etdirib.

Mərhuma ölüm kağızının hansı tarixdə verilməsi ilə bağlı müraciət etdiyimiz Tibbi Ərazi Bölmələri İdarəetmə Birliyindən (TƏBİB) isə hələki açıqlama verilməyib.

Baş Prokurorluğun mətbuat xidmətindən Bizim.Media-nın sorğusuna cavab olaraq bildirilib ki, Lənkəran şəhər sakini 1932-ci il təvəllüdlü Rəvayət Miriyevanın dəfn olunma tarixinə dair saxta arayış verilməsi barədə vətəndaş müraciəti əsasında Lənkəran rayon prokurorluğunda araşdırma aparılır.

Mövzunu diqqətdə saxlayacağıq...

Mənbə: Bizim.Media